CAPÇALERA: HISTÒRIA DE LA CUINA CATALANA I OCCITANA
CAPÇALERA2: FAI-TE SOCI

Jornalet, gaseta occitana d'informacions

Dijòus, 24 d'octòbre

Actualitats

Diluns, 19 de març de 2018, 03h00 Economia,Environament,Politica,Societat

Guiana > Roergue > Santafrican

Viure dins de territòris en lucha: l’exemple de l’Amassada

Situada sul planòl Sant Victor, acampa de mond en lucha contra lo projècte d’RTE de s’apoderar de las tèrras de dos joves agricultors per fin d’i metre un transformador electric de sèt ectaras


Comentaris 7 comentaris    
Marrit Flac Bon Plan bon Fabulós (3 vòtes)
carregant En cargar






La victòria de Kernitron-al-Lann contra lo projècte d’aeropòrt es estat una esperança per los territòris en lucha contra la maquina de l’estat. D’autras luchas d’aquela mena an tanben luòc dins nòstre país. Avèm fòrça ausit a parlar de Sivens en 2015, quand l’intervencion de la gendarmariá provoquèt la mòrt de Rémi Fraisse, ara es a se parlar de Bure. E s’es sovent dich qu’aquel mond èran pas que de militants “bobos-écolos” d’en defòra del país e que volián impausar lor biais de pensar a aqueles de l’endrech. Uèi parlarem d’un cas que desmentís clarament aquel vejaire caricatural.
 
Se tracta de l’Amassada, que son nom oficial es en occitan, situada sul planòl Sant Victor de la comuna de Sant Victor e Malviu (Santafrican), qu’acampa de mond en lucha contra RTE (Ret Transpòrt Electricitat) que lo projècte d’RTE èra de s’apoderar de las tèrras de dos joves agricultors per fin d’i metre un transformador electric de sèt ectaras. Los de l’Amassada an doncas decidit d’ocupar e de comunalizar aquelas tèrras per ne far una proprietat comuna, indivisa, que sos membres, an prestat solemnament lo jurament  —lo jurament dels Indivisiblesde la defendre contra aquel projècte e mai tot projècte de nosença: 
 
Aquel transformador —çò escrivon en francés sul lor sit— repartiriá sul ret internacional del comèrci de l’energia, la produccion de 1000 eolianas en construccion sus las sèrras de la region. Mentre que la municipalitat de Sant Victor e mai la majoritat dels estatjants, se son posicionats contra lo projècte; las maquinas invasivas de RTE e dels promotors avançan, sostengudas pels servicis de l’estat. Lo primièr jorn de l’ivèrn de 2014, una cabana apelada l’Amassada se quilha sus las tèrra cobejadas. Los rescontres, los ligams, las resisténcias s’espandisson e s’intensifican. Sèm al futur,  aquí los elements que se defendon uèi.” 
 
En mai de rendre visibla la lenga occitana e de promòure d’activitats ligadas a la cultura del país (La Talvera e Mauresca i faguèron un concèrt en 2017) “s’amassan” cada dissabte a 14h30 (per i anar o s’informar: escriure aquí), se tracta de parlar de l’ocupacion e de se manténer informats de l’actualitat. Tot çò que podèm dire, es qu’esperam que floriràn encara mila Amassadas d’aquela mena en Occitània!
 
 
 
 
Matiàs Gibèrt
 
 
 


Per mai d’informacion sus los “territòris en lucha”, veire lo libre del filosòf cevenòl Jean-Baptiste Vidalou: Être forêt: habiter des territoires en lutte (La découverte, 2017) e l’entrevista de Vidalou dins la revista Ballast .

 
 

PAS RES NOS ARRESTA from Synaps Collectif Audiovisuel on Vimeo.






abonar los amics de Jornalet
 



publicitat
BANER1-2-3: DGPL DICTADES



Comentaris

20 de març 16.25h

#6 Avètz rason, o sabiái pas. Ai legit sis wiki qu'en galò se ditz "Not·rdinm dé. Laundd [nɔtrʁdɛ̃mdelɑ̃œ̃d]. Sai pas perqué, Kernitron al Lan m'èra mai simpatic... Es un ponch pro segondari ça que la.


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

19 de març 23.31h

Perqué nomar Notre Dame des Landes " Kernitron-al-Lann", en breton ? La comuna es dins l'aira galesa, lu breton n'i es pas parlat. Aime los bretons, qu'es pas lu problema, mas aime, coma per l'occitan, que la gent respectessen las frontieras linguisticas.
Per trobar lo nom de la comuna en galò, si iò fau, n'i a de las associacions (pense a Bertègn Galèzz per erzemple).


Valoriza aqueste comentari:   votar positiu 7   votar negatiu 0
Respondre comentari replica Comentari inadeqüat   Formulari d'abús de comentari

19 de març 19.41h

Qu'es totjorn de bon saubre çò que se passa au niveu de las luchas popularas. Pasmens, dins los cas de las eolianas, sei totjorn un pauc sceptic, qu'es quò lo principau argument contra? Que profieche au grand capitau industriau o que fase pas brave dins lo païsatge? Dins queu darrier cas, trobariá quauqu'un pauc en dire puei que tròbe quand mesma fòrt que la gent acceptan sens problema las estabulacions gigantassas per l'agricultura, lo plastic de pertot dins la campanha, los pavilhons m... Legir mai


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

19 de març 16.27h

#3 lenga de pelha tu medish...
hèsi pas lenga de pelha, sui en cerca d'informacions suu tèma, ende me bastir un vejaire un chic seriós. pr'amor l'argument de la mena "Si le super-transfo était construit, il faudrait le payer : un million environ." o "Il servirait le Business privé inter-états du marché de l’électricité, et donc nullement les personnes du Sud Aveyron et de la Région Midi Pyrénées."
tots am besunh d'electricitat, e tot çò qu'es produsit en eolian o fòtovoltaic n'... Legir mai


Valoriza aqueste comentari:   votar positiu 6   votar negatiu 1
Respondre comentari replica Comentari inadeqüat   Formulari d'abús de comentari

19 de març 09.37h

#1 Fau anar veire avans de faire la lenga de pelha:
son pas sus Facebook e son sit es aqueste: https://douze.noblogs.org/amassada/ (
per informacien es una ret d'activistas e militants (https://noblogs.org/)


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

19 de març 08.33h


Veire / "Pas res nos arrèsta"
Documentari produch per l'Amassada
https://vimeo.com/207707152


Valoriza aqueste comentari:   votar positiu 7   votar negatiu 0
Respondre comentari replica Comentari inadeqüat   Formulari d'abús de comentari

19 de març 07.40h

pasmens nòsta existéncia de malhums sociaus e de streaming quotidian a besunh d'electricitat.
es de dòú héser lo projècte de RTE e lo contre projècte sostenguts per l'Amassada siin pas mei explicats en detalh.
èi un chic de mau damb las gents que s'opausan aus eolianas e qu'emplegan facebook end'ic héser sàber...
un dorsèir mei pregond sus la situacion ?


Valoriza aqueste comentari:   votar positiu 2   votar negatiu 2
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL TRADUCTOR

Editorial

Tresmudar un problèma politic en un problèma d’òrdre public

Dempuèi longtemps l’estat espanhòl refusa de resòlver politicament lo problèma politic que ten en Catalonha. Ara, après l’enòrma indignacion ciutadana ...
giny

Lo temps

Mapa
  • sol Agen 12
  • sol Aush 12
  • sol Bordèu 13
  • sol Briançon 9
  • sol Caors 14
  • sol Carcassona 11
  • sol Clarmont-Ferrand 12
  • sol Confolent 12
  • sol Gap 5
  • sol La Canau 14
  • sol La Gàrdia 13
  • sol Limòtges 12
  • sol Lo Borg Sant Dalmatz 14
  • sol Lo Puèi de Velai 12
  • sol Marselha 14
  • sol Montpelhièr 16
  • sol Naut Aran 8
  • sol Niça 18
  • sol Nimes 13
  • sol Pau 13
  • sol Peireguers 12
  • sol Rodés 12
  • sol Tolon 13
  • sol Tolosa 11
  • sol Valença 13

giny

giny

Vidèos

giny

Entrevista

giny

giny

publicitat

lateral 2 teveoc

Fotografias

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • Gavotina maritima - Sant Anhe, vilatge sus una pena. © Laurenç Revest

    Gavotina maritima - Sant Anhe

  • Pòrt de Niça: Li galeras

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • © Laurenç Revèst

    En Provença orientala: Lo Canet Ròcavila e noms de luecs occitans escrichs a la francesa

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • Publicitat d'una escòla bilingua pública de Niça. © Catarin Seguran

    Simbòls de Niça

  • © Franc Bardòu

    País Bordalés

  • Omenatge a Aragon. © Franc Bardòu

    Omenatge a Aragon

  • © Laurenç Revèst

    Fòrt Maginòt de Sant Anhe

  • © Franc Bardòu

    Coserans al còr

  • © Alzear Bofièr

    Estúdios de Ràdio Lenga d'Òc a Montpelhièr. © Alzear Bofièr

  • La prima en valaa de Tiniá. © Laurenç Revèst

    La prima en Tiniá

  • © Aure Séguier

    Carnaval Biarnés 2017

  • © Conselh Generau d'Aran

    Lo Torn de França 2016 en Aran

  • Estivada 2013. © Guillem Sevilla

    Estivada 2013

  • © Laurenç Revèst

    Val de la Tiniá

  • © Laurenç Revèst

    La botiga de Macarèl a Sant Joan de Vedats (Montpelhierenc)

  • Era còlha dera ADÒC ath trabalh

  • Era còlha dera ADÒC ath trabalh

publicitat

lateral 2 teveoc



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Que pensas de las senténcias de 9 a 13 ans de preson contra los nòu nauts representants independentistas catalanas?


5%



4%



91%



0%




Vots 140 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)