Tolon (BO) 59-0 Baiona
 
Set ensais a zero. A créder que sonque l’esquipa tolonesa se presentèt suu terrenh, mès non.
 

Perpinhan 17-13 -Racing (BD)
 
Dinc a quinze minutas de la fin, lo Racing pareishèva préner lo mielhor suus catalans. Mès a la 65au minuta, los racingmen joguèren una penalitat a la man shens marcar l’ensai. Una peca que còsta cara a la fin de la partida. Coma de costuma l’indisciplina permit de cambiar lo planchòt. A 8 minutas de la fin l’arbitre shiulèt una penalitat contra lo Racing dens la partida de terrenh deus catalans mes Chevancy parlèt tròp e la penalitat fut avançada de detz mètres. Lo tustaire catalan James Hook marquèt los tres punts per passar davant. Lo rugbi ne se joga pas a gran causa de quan en quan.
 
 
Estadi Francés 28-24 Tolosa (BD)
 
L’ensai de Parisse a cinc minutas de la fin fut d’una grana qualitat collectiva. La partida fut indecisa dinc a aqueth moment on los tolosencs semblavan en mesura de ganhar mès l’enveja e lo besonh de punts au classament èra deu costat parisenc. La des·hèita dèisha Clarmont a tres punts davant.
 
 
Clarmont 19-12 Biàrritz (BD)
 
Abans la partidas, los especialistas prevedoren una victòria aisida deus clarmontés. Lo començament de la partida anava dens aquèra idèa dab lo purmèir ensai a la dusau minuta de jòc. Mes Biàrritz sap respóner a aqueras situacions complicadas. Chic a chic priren lo dessús, sustot dens en tocar e mescladas. Mès quauquas pecas d’indisciplina an aufert una 49au victòria de tira a casa peus clarmontés. Los darrèirs a ganhar a Michelin furen los de Biàrritz en noveme de 2009.
 
 
Lo Mont (BD) 12-17 Bègla-Bordèu
 
N’i avèva pas drèit a la des·hèita peus girondins. L’ensai de Chalmers a la 7au minuta muishèt la volontat deus bordalés. Aprés, los landés dab la lora volontat ensajaran de passar davant au planchòt mès l’ensai de Clarkin a l’òra de jòc complicava la situacion. Maugrat tres penalitats dens las 20 darrèiras minutas, lo Mont pòt díser adiu au Top 14.
 
 
Agen 14-22 Castras
 
Vaquí un resultat hòrt important. D’un costat Agen pòt plorar pr’amor son 13au dens la classicacion adara; de l’aute costat los castrés son urós dab aquera victòria importanta per jogar las fasas finalas en fin de sason.
 
Los castrés dominèren tota la partida dens tots los sectors mès los agenés joguèren la lora escaduda a hons dab una egalitat a nau a la tempsada. Aprés una navèra acceleracion castresa lo planchòt cambièt de biais radicau.
 
 
Montpelhièr 23-6 Grenòble
 
Èra una partida de qualitat enter duas còlas qu’aiman jogar au rugbi. Mès desempuish quaquas setmanas los montpelhierencs arretròban lo lor nivèu de las annadas passadas. Los arpitans furen un chic innocents de quan en quan e aquò es maishant fàcia a la còla montpelhierenca.
 
 

1		Tolon	37	9	8	0	1	143
2		Clarmont	32	9	7	0	2	64
3		Tolosa	29	9	6	0	3	96
4		Montpelhièr	27	9	6	0	3	16
5		Castras	24	9	5	1	3	40
6		Grenòble	22	9	5	0	4	15
7		Biàrritz	20	9	4	0	5	4
8		Racing-Métro 92	20	9	4	0	5	-2
9		Perpinhan	20	9	4	0	5	-15
10		Estadi francés	19	9	4	1	4	-6
11		Bègla-Bordèu	15	9	3	0	6	-39
12		Baiona	15	9	3	0	6	-93
13		Agen	14	9	3	0	6	-88
14		Mont-de-Marsan	2	9	0	0	9	-135

 
 
 
 
Pro D2 Victòria importanta d’Oyonnax
 
Briva 22-18 Pau
Narbona 22-24 Ais de Provença
Lion 24-6 Colomièrs
Albi 13-12 Aush
Carcassona 37-30 Dacs
La Ròchela 48-11 Besièrs
Massy 26-28 Tarba
Oyonnax 36-20 Orlhac
 
 

1	Oyonnax	35	9	7	1	1	269	152	117
2	Lion	29	9	6	1	2	253	143	110
3	Briva	28	9	6	1	2	198	163	35
4	La Ròchela	25	9	5	0	4	208	153	55
5	Orlhac	25	9	6	0	3	241	202	39
6	Albi	25	9	6	0	3	195	213	-18
7	Pau	24	9	5	0	4	177	163	14
8	Tarba	24	9	5	1	3	222	219	3
9	Aush	23	9	5	0	4	182	182	0
10	Carcassona	21	9	4	0	5	246	223	23
11	Narbona	15	9	3	0	6	175	207	-32
12	Colomièrs	15	9	3	0	6	164	220	-56
13	Besièrs	14	9	3	0	6	185	278	-93
14	Dacs	12	9	2	0	7	189	234	-45
15	Ais de Provença	12	9	2	0	7	175	229	-54
16	Massy	10	9	2	0	7	175	273	-98

 




Eric Goyhenne