Actualitats
Lo departament d’Erau poiriá pèrdre un conselhièr pedagogic d’occitan
Lo CRÈO de Lengadòc se mobiliza, e mai d’un milièr de signaturas se son amassadas contra la supression d’aquel pòst, que contraven a la legalitat
L’ensenhament public poiriá pèrdre un conselhièr pedagogic d’occitan en Bas Lengadòc, concretament dins lo departament d’Erau. Una peticion en linha, qu’amassa mai d’un milièr de signaturas, exigís lo manten d’aquel pòst del temps que denóncia que “la supression foguèt brutalament anonciada pels servicis academics d’Erau lo 13 de març de 2018”.
Los signataris son d’ensenhaires, de parents, d’elegits, de responsables sindicals o de simples ciutadans que demandan lo manten d’aquel pòst e remembran los tèxtes legals que i contravendriá la supression del pòst de conselhièr pedagogic.
Dins aquel sens, lo Centre Regional de l’Ensenhament de l’occitan (CRÈO) de Lengadòc a mandat una lètra al rectorat en exprimissent a la rectritz una “prigonda inquietud” e en pregant “de donar la desmentida a aquela informacion extrèmament preocupanta e contrària als tèxtes en vigor”. D’efièch, la supression d’aquel pòste contravendriá a la circulara 82-281 qu’organiza l’ensenhament de las lengas mal nomenadas regionalas e a la circulara 2001-166 que definís la foncion dels conselhièrs pedagogics departamentals, afirmada tornarmai per la convencion-quadre signada amb l’Estat lo 26 de genièr de 2017.
Saique caldriá apondre a aquela peticion que tota decision que reduga l’occitan dins l’ensenhament public ataca una lenga febla e los dreches mai fondamentals dels escolans occitans.
Per signar la peticion cal anar sus aqueste ligam.
Los signataris son d’ensenhaires, de parents, d’elegits, de responsables sindicals o de simples ciutadans que demandan lo manten d’aquel pòst e remembran los tèxtes legals que i contravendriá la supression del pòst de conselhièr pedagogic.
Dins aquel sens, lo Centre Regional de l’Ensenhament de l’occitan (CRÈO) de Lengadòc a mandat una lètra al rectorat en exprimissent a la rectritz una “prigonda inquietud” e en pregant “de donar la desmentida a aquela informacion extrèmament preocupanta e contrària als tèxtes en vigor”. D’efièch, la supression d’aquel pòste contravendriá a la circulara 82-281 qu’organiza l’ensenhament de las lengas mal nomenadas regionalas e a la circulara 2001-166 que definís la foncion dels conselhièrs pedagogics departamentals, afirmada tornarmai per la convencion-quadre signada amb l’Estat lo 26 de genièr de 2017.
Saique caldriá apondre a aquela peticion que tota decision que reduga l’occitan dins l’ensenhament public ataca una lenga febla e los dreches mai fondamentals dels escolans occitans.
Per signar la peticion cal anar sus aqueste ligam.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Data pas de uèi lo mesprès complet de l'estat francés per l'occitan e totei leis empachas mesas en travèrs dau camin q'aquelei que lo vòlon defendre e promòure ! Pauc a cha pauc "detricòtan" tot çò que fuguèt mes en plaça per de militants occitans. Tot es fach per nos enterrar !
Coma o ai dich dins un comentari sus l'editorial, 2 milions e mièg engolits pels raubaires de Madagascar en nom de la francofonia e reduccions per l'occitan. De mai, los 4 pòstes al CAPES cobrisson quitament pas los ensenhants d'occitan que parton a la retirada.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari