Bandièra01 1180x150: Comuna de Tolosa

Actualitats

Lo casco serà obligatòri per jogar a la petanca dins l’estat francés

La mesura es destinada a “limitar las nafraduras grèvas al cap e a la cara”

| mustapha ennaimi
Los jogaires de petanca de tot l’estat francés deuràn obligatòriament portar un casco, segon un decret publicat al Jornal Oficial que precisa: “Dins las partidas de petanca, los jogaires devon èsser cofats d’un casc confòrme a la reglamentacion relativa als esquipaments de proteccion individuala. Aquel casco deu èsser estacat”. La mesura es destinada a “limitar las nafraduras grèvas al cap e a la cara”, çò es precisat.
 
Aquela decision seguís un dels engatjaments electorals del president francés, Emmanuel Macron, de protegir los ciutadans. “La majoritat dels jogaires de petanca son de personas annadas e lor devèm doncas portar un suènh especial”, çò diguèt a l’AFP un representant del Ministèri de las Solidaritats e de la Santat.
 
 
135 èuros de multa
 
En cas de non-respècte d’aquela obligacion, “los adultes que jògan o acompanhan los menors sens proteccion poiràn èsser sancionats per una multa prevista per las contravencions de quatrena classa”, çò es de 135 èuros.

 



 
fffff fffff
 Aquesta nòva es un peis d’abril. 
   



abonar los amics de Jornalet

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pascau
15.

Com cada annada qu'èi començat per i créder! :-)

  • 4
  • 0
Gèli Grande Lairac en Agenés
14.

#8 Es una vergonha qu'es pas de dire ... lo casco serà pas obligatòri pel Jòc Provençau.
Un còp de mai lo govèrn francés o fa tot per dividir Occitània en tot se servir de las bòchas.
Felip Martel a rason ..... Macron Demission

  • 2
  • 0
Pirolet
13.

#12 E lo reglament oficial impausa la publicitat. Enfin, es pas dins lo règlament mas es tot parièr.

  • 1
  • 0
Emmanuèl Isopet
12.

Bon peis d'abrial, gaireben credible, ja qu'es enebit de far a la petanca amb un camiset sens marga, un bragòt al dessús del genolh o de solièrs dubèrts (sandalas, tòng…). Si si, es lo règlament oficial!

  • 2
  • 0
francesc palma
11.

Cresi pas que hajan de portar casc, mas que tengan un poc de punteria, perquè se non hi veien poden pegat amb las bolhas a qualsevol banda, rompre las farolas, vidres de casas, mostradors e pegar un mal cop a la gent que passa. Un pauc de vista o posarse las olheras.

  • 1
  • 0

Escriu un comentari sus aqueste article