Actualitats
Canadà: licenciat per marrit caractèr o per cultura francesa?
Un serveire licenciat per son agressivitat envèrs sos collegas a denonciat l’entrepresa a la justícia. Segon el, “la percepcion de sa cultura francesa lo fa semblar agressiu”
Un serveire francés es estat licenciat per un restaurant canadenc per agressivitat envèrs sos collègas. El pensa que son actitud correspondiá pas brica a una manca de cortesiá, mas que “la percepcion de sa cultura francesa lo fa semblar agressiu”, çò rapòrta l’AFP e Radio Canada.
Ara, la justícia canadenca deurà resòlver se l’an licenciat per sa cultura francesa o per son agressivitat. Guillaume Rey, que trabalhava dins un restaurant de Vancouver, a fach sa denóncia davant lo tribunal dels dreches de la persona de la Colómbia Britanica.
L’emplegaire li repròcha d’aver contravengut al còde de bona conducha e de respècte dins l’entrepresa. Li reconeis de qualitats professionalas mas considèra que foguèt mai d’un còp “descortés, agressiu e irrespectuós” envèrs sos collègas.
De son costat, Rey estima qu’es estat victima “de discriminacion contra sa cultura”, dins la quala se tendriá a se mostrar “mai dirècte e mai expressiu”. Crei d’èsser estat licenciat a causa de son actitud “dirècta, onèsta e professionala” e de sos “nauts critèris” apreses dins l’indústria ostalièra francesa.
Ara, la justícia canadenca deurà resòlver se l’an licenciat per sa cultura francesa o per son agressivitat. Guillaume Rey, que trabalhava dins un restaurant de Vancouver, a fach sa denóncia davant lo tribunal dels dreches de la persona de la Colómbia Britanica.
L’emplegaire li repròcha d’aver contravengut al còde de bona conducha e de respècte dins l’entrepresa. Li reconeis de qualitats professionalas mas considèra que foguèt mai d’un còp “descortés, agressiu e irrespectuós” envèrs sos collègas.
De son costat, Rey estima qu’es estat victima “de discriminacion contra sa cultura”, dins la quala se tendriá a se mostrar “mai dirècte e mai expressiu”. Crei d’èsser estat licenciat a causa de son actitud “dirècta, onèsta e professionala” e de sos “nauts critèris” apreses dins l’indústria ostalièra francesa.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3 Las errors dels autres nos consòlan de nòstras errors. Sètz planvengut, Gèli, al mond dels òmes*!
*Perdeque: Errare... eca.
Desencusatz me ! vèni de me trachar que sèm vertadièrament lo 1èr d'abriu
Òsca al nòstre Jornalet
Pel meteis prètz avèm :
Un peis d'abriu amb un jorn d'avança per Occitània e
Un autre pel demai del monde.
La fòta mostra pas la cara del serveire. Solide que revèrta la d'Emmanuel Valls.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari