Bandièra01 1180x150: Comuna de Tolosa

Actualitats

Niça: una iniciativa solidària per pagar los loguièrs de las familhas sens domicili

Fin finala, es la societat civila que s’es mobilizada per resòlver la manca d’albergaments e lotjaments socials

| pxhere
A Niça, de personas solidàrias an trobat una solucion de lotjament per de familhas sens tet. Quand l’administracion a mal capitat amb sos centres d’albergament d’urgéncia e lo lotjament social, lo collectiu Cent per un 06 an desvolopat una cadena de solidaritat per lotjar las personas sens domicili.
 
Lo principi es que cent personas cotizan per pagar un loguièr e las cargas de personas precàrias. “I a enòrmament de gents defòra qu’arriban pas de si lotjar”, çò explica a 20 Minutes la responsabla del projècte Nicole Scheck. “Lu prètz son tot plen auts a Niça: per logar cau un garent e assegurar tres còps lo prètz dau loguier. E non i a pron de loguiers sociaus”, çò precisa. De fach, segon las darrièras chifras del Ministèri de la Coesion dels Territòris, “la comuna complis(siá) pas en 2015 sas obligacions en matèria de lotjaments socials” amb 12,67% d’HLM, çò precisa 20 Minutes.
 
Lo collectiu Cent per un 06 lancèt son iniciativa al començament de març e se contentarà pas de finançar lo lotjament, mas acompanharà e sostendrà cada familha entrò son retorn a l’autonomia, en fasent del lotjament cofinançat un trempolin. “Es un còp de poce. Quand non an de lotjament, i a tot plen de cauas qu’es dificil de far coma trobar de trabalh, far lu sieus devers... Es una inseguretat morala e materiala. A long tèrme, la nòstra tòca es que si pòscan desvolopar solets”.





abonar los amics de Jornalet
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article