Bandièra01 capçalera  1180x150: Novestivada

Actualitats

crotz-tolosaCreated with Sketch.LengadòcLengadòc NautTolosan

Tolosa: de susmautas dins lo quartièr del Miralh entre ciutadans e policièrs

Los incidents comencèron dimenge sustot dins los quartièrs de la Reineriá e de Bèlafont amb de lançaments de pèiras suls policièrs, e d’incendis de veituras e de bordilhièrs

| Fabrice Valery
Lo quartièr del Miralh a Tolosa es, dempuèi dimenge passat, lo teatre d’incidents e violéncias entre de grops de ciutadans e las fòrças de l’òrdre. Segon las primièras informacions, i auriá pas de nafrats, mas almens 11 veituras son incendiadas. Dempuèi diluns, la prefectura a enebit la venda e lo transpòrt de carburant al detalh. A l’ora d’ara, la preséncia de policièrs sus plaça es fòrça mai nombrosa e un elicoptèr de la gendarmariá subrevòla la zòna.
 
Los incidents comencèron dimenge sustot dins los quartièrs de la Reineriá e de Bèlafont amb de lançaments de pèiras suls policièrs, e d’incendis de veituras e de bordilhièrs. A mièjanuèch arribèt la calma sens que i aguèsse d’interpellacions. Mas diluns los incidents se tornèron produire.
 
 
La causa de las violéncias
 
L’informacion a prepaus de l’origina de las violéncias es fòrça confusa. L’ipotèsi pus versemblanta es lo suicidi d’un detengut de 26 ans, retrobat penjat dissabte de ser dins sa cellula de la preson de Sèishes (Tolosan). De fach, diluns de tantòst de presonièrs refusèron de reïntegrar lors cellulas après la passejada, en rason d’aquel suicidi. Se mandèt sus plaça las còlas regionalas d’intervencion e de seguretat de l’administracion penitenciària.
 
Ça que la, segon de fonts policièras, las susmautas comencèron a causa del contraròtle d’una femna que portava lo niqab. Aquela ipotèsi sembla la pus acceptada dins los rets socials, ont se debat fòrça mai sus aquela mena de vestit que non pas sus las susmautas e los eveniments d’aqueles quartièrs tolosans.
 
 

 
 

 
 




abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Hilh
8.

#7 acì ciutadan que vòu simplament dìser membres de la ciutat ci pensi. Çò qui son e qu'èm tots. Qu'ei important d'aver aqueth espiar. Arron que pòts dìser que son maishants ciutadans qu'ei nh auta question.

  • 2
  • 0
Mèfi ! 31
7.

#6 ciutadan
L'emplec d'aqueste mot es discutible, qu'es polisemic e ambigu.
Abitant de quartièr, abitant de vila, membre de la nacion...
S'agìs de moviment sòcio-etnico-territorial contra la polícia e la justícia, justificats o non, segond l'opinion de cadun; moviment ciutadan ?
Aquestes "territòris, ancianament tèrras agricòlas tolosanas, puèis ciutats nòvas de la classe mejana, son venguts zònas d'exclusion patida o volguda.

  • 1
  • 0
Hilh
6.

" ciutadans" que soi quasi segur que n'us am pas jamèi vist aperats atau ens mèdias francés. Que pòt paréisher ua fotiròla mes per jo que 'muisha lo gran umanisme de L'occitanisme.

  • 6
  • 0
Mèfi ! 31
5.

Toponimia tolosana, quina grafia?
Les noms de luòcs citats son en Gasconha tolosana (riba esquèrra de Garòna) ;
Una grafia duala lengadocian/gascon fariá :
Bèlafont/Bèrahont, La Reineriá/La Reinaria, Seisses/Seishes,Le Miralh/Le Mira(i)lh.
Cal notar que la pronóncia tolosana dels dus costats de Garòna èra fòrt vesina amb un son intermediari entre F e H, e SS e SH, LL e R, ALH e A(I)LH.
A Tolosa, la nuància dins le biais de díser es mailèu sòciologica, que la riba dreitha lengadociana èra borgesa e la riba esquèrra èra paisana o obrièra.
La frontalizacion dialectala es qualque chic artificiala en país tolosan, e una grafia etimologica communa,conforma a una pronóncia populara communa sembla racionala.
Bèllafont, Le Miralh, La Reineria, Seisses.
Per quant a Seisses/Seishes, la grafia etimologica communa seriá :
SAXES, o SAIXES, eissut de sax* = pèira al plural.
De véser, qualques mots amb la "X" latina que ven -ISS/-EISH :
Bois/boish, tais/taish, laissar/laishar, Fois/Foish...

  • 2
  • 0
Pirolet
4.

Lo miralh que la macronia s'i vòl pas mirar...

  • 4
  • 0

Escriu un comentari sus aqueste article