Actualitats
Après lo Brexit, lo nòu passapòrt britanic serà fabricat dins l’UE
La societat franconeerlandesa Gemalto n’a ganhat la concession, çò qu’a descadenat la polemica al Reialme Unit
Après lo Brexit, los ciutadans del Reialme Unit cambiaràn de passapòrt e ne tendràn un d’una autra color que mençonarà pas l’Union Europèa. Mas, ailàs, la polemica es arribada quand s’es sauput qu’aquel nòu passapòrt serà fabricat dins l’UE.
Lo quite govèrn britanic a decidit que lo nòu passapòrt serà fach per Gemalto, una societat franconeerlandesa especializada en seguretat digitala, que ganhèt la concession. La societat britanica De La Rue, que fabricava fins ara los passapòrts, a decidit de pausar un recors.
Cada an, s’expedís 6 milions de passapòrts al Reialme Unit. Lo govèrn de Theresa May soslinha que lo cambiament de fabricant representarà un estalvi pel contribuable de près de 140 milions d’èuros.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari