Bandièra01 1180x150: Comuna de Tolosa

Actualitats

crotz-tolosaCreated with Sketch.DaufinatAut DaufinatBriançonés

Un centenat d’ultradrechistas son a “barrar la rota dels migrants” al còl de l’Eschala

Generacion Identitària “exigís l’arrèst de l’immigracion massissa e lo blocatge definitiu del passatge de la frontièra” entre Briançonés e Val d’Ors

| Génération Identitaire
De militants ultradrechistas del grop Generacion Identitària an grimpat lo còl de l’Eschala (Briançonés) amb la toca de “barrar la rota” als migrants. Ara son a contrarotlar la frontièra politica que travèrsa Occitània entre Daufinat e las Valadas. Atal, lo grop afirma qu’un centenat de sos membres “an pres posicion” sus la frontièra francoitaliana, çò rapòrta France Info
 
Amb una bandeiròla giganta que ditz “No way” (ges de passatge), e de filats iranges de seguretat, los ultradrechistas an aviat lor dicha “Mission Alps”. Segon son comunicat, Generacion Identitària “exigís l’arrèst de l’immigracion massissa e lo blocatge definitiu del passatge del còl de l’Eschala”, e demanda l’aumentacion del budget de la polícia a las frontièras.
 
 
Passivitat de la sosprefectura
 
Contactada per France Info, la sosprefectura de Briançon confirma “èsser al corrent” e “seguir l’afar”, mas refusa de “comentar” l’operacion.
 
De son costat, la pòrtavotz de l’associacion Totes Migrants, Anne Chavanne, planhiá que “los còps que [fan] d’achamps pacifistas amb un discors d’aculhença, las fòrças de l’òrdre son aquí per verificar los papiers”. Quitament “i aviá un barratge de polícia que filtrava las veituras. Uei sembla pas èsser lo cas”.
 
 
Una situacion inquietanta
 
En mai d’aquò, Chavanne denoncia a France Info que la situacion es inquietanta. D’un caire, se demanda: “Coma lo prefècte pòt laissar far aquel achamp? Eles an un discors d’òdi.”
 
E apond: “Meton en perilh de gents. Al còl de l’Eschala i a una rota. I  passam pas totjorn en veitura, es barraa perque i a encara fòrça nèu. I a una temperatura bruscament doça e i a un risc d’avalancha”.
 
En mai de tot aquò, la militanta s’inquieta tanben per “d’eventualas accions sus los refugiats e los luecs ont los joves son aculhits”.
 

 
 








abonar los amics de Jornalet
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
6.

Los emigrants,refugiats que fugen de la guerra, es una problematica que ven de long. La guerra de Libia, de Siria, d'Extrem Orient qu' han organitzat los eeuu e los angleses, s'atura pas, e los paísos europeus son los que pagan las consequèncias, amb una man d'obra barata que pot perjudicar sos trabalhador. Lo primier que s'ha d'acabar es amb las guerras al nord d'Africa qu' organiza la pentagona per sos afars. Las messorgas de las armas de destruccion massiva deian a l'ONU e a la premsa internacionala., ara surten amb una altra mentida, los bombardejos amb gasos prohibits.

  • 6
  • 0
Guilhem Belibaste
5.

Generacion Identitaria ? Los fraires grands, los inspirators, los models remirats e enviejats dels bons amics de la Joinessa Mondina, lo Couleitieu Provença e la Ligue du Midi ! Cantava lo trobador "lo mond es giblat uei..". Quina vergonha !

  • 4
  • 0
Pirolet
4.

#2 Me fasètz dire çò qu'ai pas dich. Tornatz legir lo comentari aprèp vos traire las clucas de vòstres prejutjats.
Fau pas de morala e disi pas que cal aculhir totòm. Disi qu'amb la misèria creada per la nauta finança e la màfia, o doblidem pas, que van cotria, nos va tombar sus l'esquina, lo volgam o non, una molonada de gents que vòlon pas que subreviure. E i a pas de barrièra nimai de fòrças de l'òrdre qu'o pòscan empachar. Quand se parla tant de cambiar de logiciel, es lo logiciel mercantil que cal cambavirar.

Per lo de mai, mèni una vida modèsta e ne soi plan content. Ai pas esperat la descreissença per aquò, que ja Epicura explicava: lo qu'a pas de besonhs inutils, aquel se sarra del bonaür. Lo mond consumèsse coma nautres, I auriá pas aquel degalhatge e aquel pilhatge de la planèta, mas mens d’espleitacion dels òmes e cadun seriá plan en cò seu.

  • 13
  • 0
JC D
3.

#2 Paubre egoïsta, qu'es sovent los mai paubres chas nos qu'acuelhen daus migrants dau temps dich que los mai riches vòlen totjorn poder contunhar de profiechar de lor pitit confòrt borgés sens jamai voler partejar las richesas. Quand la gent fugissen la miséria, que voletz far? Los far nejar dins la Mediterranea? Podretz totjotn eissaiar de luchar contra l'arribada de la gent, vese pas coma faretz si 'riban en nombre (aura son pas tan nombrós, franchament, un estat tan riche coma França los podriá pas aculir???), mielhs vau organizar l'acuelh, quò seriá mai fin, e, enfin, obludatz pas, son "paubres" en Africa a causa daus Occidentaus que los an expleitats, que se son enrehichesits en expleitant las matèrias prumieras de lors territòris, en las lor raubar, vergonha!

  • 17
  • 3
Lo Mahatmà Tombocto
2.


#1 Alara bèl esperit que sètz, quora los 140 000 000 van voler dintrar sul nòstre continent, que farètz ?
Ieu vos prepausi dejà d'aculhir dus o tres migrants al vostre ostal per èsser coërent. Balhar de lessons de morala còsta pas car.
Profiechatz pas, vos, del confòrt occidental bastit sus la pauretat de l'Africa.
Ipocrita e moralista que sètz !!!

  • 10
  • 19

Escriu un comentari sus aqueste article