Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaBearnPalés

Pau: conferéncia-debat suu bilingüisme precòç e sus l'innovacion pedagogica

Animat peu professor Gilbert Dalgalian, l'eveniment se debanarà divés que ven a 18h au Pabalhon de las Arts

Gilbert Dalgalian animarà divés a Pau la conferéncia-debat suu bilingüisme prendiu e de l'inovacion pedagogica
Gilbert Dalgalian animarà divés a Pau la conferéncia-debat suu bilingüisme prendiu e de l'inovacion pedagogica
Lo CRÈO Aquitània (Collectiu Regionau tà l’Ensenhament de l’Occitan e en occitan en la region dita Nòva Aquitània) en partenariat dab Òc-Bi (associacion de parents e regents de classas bilinguas), sostiengut per la Comunautat d’Aglomeracion Pau Bearn Pirenèus, qu’organiza ua conferéncia-debat suus tèmas deus avantatges deu bilinguisme precòç e de l’innovacion pedagogica divés lo 27 d’abriu a 18h au Pabalhon de las Arts (Plaça Reiau a Pau). 
 
Lo professor Gilbert Dalgalian qu’animarà aquera conferéncia uberta tà tots e a gratis. Pairs d’escolans bilingües e unilingües, regents e totas las personas qui s’interrògan sus l’educacion en generau e sus l’ensenhament bilingüe o plurilingüe en particular que son planvienguts.
 
Lo professor Gilbert Dalgalian qu’ei psicolingüista, especializat dens los aprendissatges precòç de las lengas. Qu’estó director pedagogic de l’Aliança Francesa e expèrt tà l’UNÈSCO en tecnologias educativas.
 
Qu’a escriut mei d’un libe sus aqueths subjèctes: Enfances plurilingues(2000), e Reconstruire l’éducation ou le désir d’apprendre(2007).
 
La conferéncia que serà seguida d’ua discussion ubèrta dab lo professor Dalgalian: pairs e navèths pairs d’escolans de classas bilinguas occitanas, regents bilingües o unilingües, tots que poderàn préner la paraula e partatjar las lors experiéncias suu bilinguisme francés-occitan hicat en plaça dens las escòlas publicas bilinguas e las Calandretas. Que serà lo parat de respóner a las questions de’us qui seràn presents. 
 
Entà’vs brembar, l’ensenhament bilingüe dens las escòlas publicas qu’estó apitat per l’Educacion Nacionau dens la region despuish 2003. Uei, lo departament deus Pirenèus Atlantics qu’arcuelh 2466 escolans qui segueishen un ensenhament bilingüe francés-occitan de la mairau dinc au licèu (en préner en compte los escolans deu public com de l’associatiu dab Calandreta).
 
La vila de Pau qu’a dejà ua classa bilingua a l’escòla Stanilas Lavigne  e un projècte d’ubertura qu’ei estat evocat tà la rentrada 2018 a l’escòla Bosquet.
 
Lo CREO Aquitània, Oc-Bi Aquitània, e la Comunautat d’Aglomeracion Pau Bearn Pirenèus, que v’atenen numerós divés lo 27 d’abriu a 18h au Pabalhon de las Arts (Baloard deus Pirenèus, Plaça Reiau a Pau).
 
 
 
 
Héléna Malabirade

 
 
fffff fffff
 Jornalet a l'escòla

Jornalet a una seccion especifica sus l’escòla occitana. Nos agradariá fòrça que las escòlas, que sián de Calandretas o d’escòlas bilingüas, poguèsson emplenar elas meteissas aquesta seccion amb de nòvas, e que los quites escolans las poguèsson redigir en explicar los faches que fan l’actualitat dins cada escòla: una excursion culturala, la vesita d’una personalitat, una fèsta populara amb los parents, una competicion esportiva, etcetèra. Evidentament, las fotografias, los enregistraments o los imatges de vidèo seràn tras que benvenguts, se n’i a.

 Se cada escòla nos manda quatre o cinc nòvas per an serem plan contents e satisfaches. Pensam que pòt èsser un bon ponch d’amassada per la comunautat educativa occitana, una iniciativa interessanta pels escolans e un esplech de socializacion lingüistica per las familhas dels escolans.

Esperam de poder comptar amb lo vòstre sosten, e esperam que Jornalet serà una aisina utila per las escòlas occitanas. Mandatz-nos las vòstras nòvas a info@jor…
 
   



abonar los amics de Jornalet

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article