Actualitats
Carcin: lo festenal Escambis se consolida
Del 18 al 20 de mai aurà luòc l’eveniment de referéncia de la cultura occitana carcinòl, ongan inaugurat amb un concèrt de Nadau
Lo festenal Escambis se consolida coma eveniment de cultura occitana de referéncia en Carcin. Après quatre ans de reüssidas, se prepara ara la cinquena edicion qu’ongan se tendrà del 18 al 20 de mai, a Solhac, a Banas e a Sant Joan de la Ginèsta. Lo festenal Escambis es organizat per l’associacion Aquí l’Òc, e receb lo sosten de Jornalet.
Aquel festenal en Carcin a la particularitat de s’adreiçar a un public larg: los que parlan occitan o non, los que son d’aicí o non... Tradicion e modernitat se conjugan per far descobrir e partejar nòstra cultura e nòstra lenga. Joves e mens joves se retròban dins de domenis tan variats coma lo cinèma, la musica, la dança, l’artisanat, la literatura, la poesia, l’istòria o lo conte.
Ongan, lo festenal comença lo divendres 18 de mai a Solhac (Causse de Martèl) amb un concèrt del grop mitic Nadau al Palais dels Congrèsses.
L’endeman, contunharà a Banas (Limarga e Segalar Carcinòl), tant sus la plaça del vilatge coma dins la sala de las fèstas, amb un mercat artisanal, una exposicion, de productors locals, de restauracion, una beguda, un taulièr de libres, de produches culturals... al programa i aurà de conferéncias, de contes, d’aperitius amb de musica tradicionala, de repaisses (jos reservacion prèvia), de concèrts, de balètis.... Dimenge, lo mercat e lo festenal se desplaçan a Sant Joan de la Ginesta, totjorn en Limanha, amb de concèrts.
De soslinhar la participacion dels grops Cal Caminar, Les Balutines, Castanha e Vinovèl, los Gabarièrs de la Dordonha, los Gojats del Porti e lo duo Calèu.
Per mai d’informacion, podètz telefonar al +33(6) 73 62 64 63, o ben escriure a .asso.aquiloc@gm... Trobaretz mai d’entresenhas e lo programa en linha sul sit www.espacioccitancarcinol.com.
Aquel festenal en Carcin a la particularitat de s’adreiçar a un public larg: los que parlan occitan o non, los que son d’aicí o non... Tradicion e modernitat se conjugan per far descobrir e partejar nòstra cultura e nòstra lenga. Joves e mens joves se retròban dins de domenis tan variats coma lo cinèma, la musica, la dança, l’artisanat, la literatura, la poesia, l’istòria o lo conte.
Ongan, lo festenal comença lo divendres 18 de mai a Solhac (Causse de Martèl) amb un concèrt del grop mitic Nadau al Palais dels Congrèsses.
L’endeman, contunharà a Banas (Limarga e Segalar Carcinòl), tant sus la plaça del vilatge coma dins la sala de las fèstas, amb un mercat artisanal, una exposicion, de productors locals, de restauracion, una beguda, un taulièr de libres, de produches culturals... al programa i aurà de conferéncias, de contes, d’aperitius amb de musica tradicionala, de repaisses (jos reservacion prèvia), de concèrts, de balètis.... Dimenge, lo mercat e lo festenal se desplaçan a Sant Joan de la Ginesta, totjorn en Limanha, amb de concèrts.
De soslinhar la participacion dels grops Cal Caminar, Les Balutines, Castanha e Vinovèl, los Gabarièrs de la Dordonha, los Gojats del Porti e lo duo Calèu.
Per mai d’informacion, podètz telefonar al +33(6) 73 62 64 63, o ben escriure a .asso.aquiloc@gm... Trobaretz mai d’entresenhas e lo programa en linha sul sit www.espacioccitancarcinol.com.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Òsca a "Aquí l'òc" que fa un trabalh remirable ins Carcin!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari