Actualitats
Catalonha: una corsa de 800 quilomètres pels presonièrs politics
An jonch lo Parlament de Catalonha e las tres presons madrilencas per revendicar la libertat dels independentistas encarcerats
An fach una corsa de gaireben 800 quilomètres, en tot jónher Barcelona e las tres presons d’a l’entorn de Madrid ont son embarrats los presonièrs politics catalans. Los correires partiguèron del Parlament de Catalonha divendres de matin, e arribèron a la primièra destinacion diluns a 8 oras. Dins las tres presons, los esportius rescontrèron los avocats dels presonièrs e d’organizacion espanhòlas solidàrias amb Catalonha. En mai d’aquò, donèron als avocats de libres dedicats als presonièrs e signats per totes los correires qu’an participat a la corsa.
Las tres presons mençonadas son Soto del Real, Estremera e Alcalá Meco. Dins las primièras doas presons son embarrats Jordi Turull, Jordi Cuixart, Jordi Sànchez, Raül Romeva, Oriol Junqueras, Joaquim Forn e Josep Rull, del temps qu’en Alcalà Meco son encarceradas Carme Forcadell e Dolors Bassa.
L’iniciativa li dison “KMS per la Libertat” e l’organiza lo collectiu Corram per la Democracia amb lo sosten de l’Assemblada Nacionala Catalana e de la Plataforma Prò-seleccions Esportivas Catalanas.
Lo percors es estat de sètze tròces, cadun devesit en cinc sostròces d’entre dètz e trètze quilomètres cadun. Cada sostròç l’an corregut quatre correires vestits de camisetas auriòlas, la color que revendica la libertat dels presonièrs.
#KMSxlaLLIBERTAT tuits
Las tres presons mençonadas son Soto del Real, Estremera e Alcalá Meco. Dins las primièras doas presons son embarrats Jordi Turull, Jordi Cuixart, Jordi Sànchez, Raül Romeva, Oriol Junqueras, Joaquim Forn e Josep Rull, del temps qu’en Alcalà Meco son encarceradas Carme Forcadell e Dolors Bassa.
L’iniciativa li dison “KMS per la Libertat” e l’organiza lo collectiu Corram per la Democracia amb lo sosten de l’Assemblada Nacionala Catalana e de la Plataforma Prò-seleccions Esportivas Catalanas.
Lo percors es estat de sètze tròces, cadun devesit en cinc sostròces d’entre dètz e trètze quilomètres cadun. Cada sostròç l’an corregut quatre correires vestits de camisetas auriòlas, la color que revendica la libertat dels presonièrs.
#KMSxlaLLIBERTAT tuits
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari