Bandièra01 1180x150: Comuna de Tolosa

Actualitats

La segonda edicion del Forum Cultural Euroregional se sarra

Los 18 e 19 de mai al Pont de Gard se rescontraràn las culturas de las illas Balearas, Catalonha e Occitània amb un programa fòrça ric e interessant

| Andrew and Annemarie
La segonda edicion del Forum Cultural Euroregional se sarra. Après lo succès de fa dos ans a Castèlnòu d’Arri, ara es lo Pont de Gard (Costièra de Nimes) qu’aculhirà l’eveniment los 18 e 19 de mai venents. Per aquesta edicion, lo forum arriba amb un programa fòrça ric e interessant pels diferents publics, mestièrs, estructuras, etc. S’agís d’un grand rescontre d’escambis informals amb un fum de professionals, institucions, associacions vengudas de pertot per tal de conéisser los actors occitans.
 
En mai del forum de l’Euroregion que concernís una bona partida d’Occitània, de Catalonha e las Illas Balearas, l’eveniment farà tanben la dobertura del Total Festum 2018, ont se maridaràn los concèrts de jazz, tradicional, pòp....
 
L’eveniment es tanben l’escasença perfiècha per descobrir las figuras totemicas lengadocianas, los castells catalans, experimentar en familha las cosinas e danças tradicionalas, o esprovar sas coneissenças amb d’enquèstas e de jòcs de pista.
 
En mai de tot aquò, i aurà un vilatge cultural amb d’animacions, exposicions e de taulièrs.
 
Tendretz mai d’informacions dins lo programa çai jonch, o sus l’eveniment publicat sus Facebook. Trobaretz la presentacion e lo formulari d’inscripcion sul sit del CIRDÒC.
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article