CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimenge, 22 de setembre

Actualitats

Divendres, 11 de mai de 2018, 03h00 Cultura,Economia,Internacional,Libres

Catalonha e Aran: dubèrta era linha de subvencions entà promòir er occitan

Era dotacion economica aumente de 15 000 èuros per arrepòrt ar an 2017


Comentaris 13 comentaris    
Marrit Flac Bon Plan bon Fabulós (7 vòtes)
carregant En cargar


Era Direccion Generau dera Politica Lingüistica deth Departament de Cultura a dubèrt, a compdar deth 8 de mai, eth limit de sollicitacion entà subvencions de promocion dera coneishença e der usatge der occitan, aranés en Aran, en Catalonha, entar an 2018. Eth limit serà eth 23 de mai.
 
Eth pressupòst previst entad aguesta linha ei de 60 000 èuros, 15 000 èuros mès qu'ena dotacion der an 2017. Est an passat, sostenguec 5 projèctes prepausadi per 4 entitats. Atau, dus projèctes impulsadi pera Associacion entara Difusion d'Occitània en Catalonha (ADÒC); eth programa audiovisuau en occitan #aranésóc, que s’emet cada setmana ena cadea Betevé, e eth sit d'informacions Jornalet, qu'aufrís notícies der encastre occitan e dera rèsta deth mond. D'auti projèctes subvencionadi sigueren eth de Viasona, de dessenh deth portau Trobasons, plataforma entà indexar ua basa de donades documentària e audiovisuau de musica occitana, qu'includirà es paraules des cançons, es perfils d’autors e interprèts, e tanben eth projècte de plataforma informatica Skoolpoint entara gestion d’activitats de centres escolars, entre ensenhaires, escolans e es sues familhes, adreçades ara totalitat des centres educatius d’Aran. Fin finau, cau mencionar eth supòrt ath projècte de promocion de corsi de lengua occitana (en modalitat referenciau) deth nivèu A1 enquiath nivèu C1, deth Comitat d’Afrairament Occitanocatalan (CAÒC), que garantís era continuitat d’activitats de difusion dera lengua e cultura occitana que promò aguesta entitat istorica dempús der an 1977.
 
Aguesta linha de subvencions hè part der amàs d’accions dera Direccion Generau dera Politica Lingüistica entara promocion der occitan en Catalonha, ath costat deth sosten ath Conselh Generau d’Aran entà corsi e normalizacion der aranés, o ar Institut d’Estudis Aranesi, Acadèmia Aranesa dera Lengua Occitana (IEA), o es accions d’encoratjament en encastre universitari per miei des ajudes Interlingua, impulsades amassa damb era Direccion Generau d’Universitat. Cau arrebrembar qu'es prèmis Llanterna Digital de cuertmetratges e eth programa de promocion musicau Kastanya.cat, impulsadi pera DGPL, s’adrecen tanben a òbres en occitan.

 
 


Subvencions en portau Lengua catalana
Subvencions entà promòir era coneishença e er usatge der occitan, aranés en Aran, en Catalonha
 
 


abonar los amics de Jornalet
 



publicitat
BANER1-2-3: DGPL TRADUCTOR



Comentaris

20 de mai 04.59h

#12 Qu'entercalhi a truvèrs vos aqueth lengadociano-egemonisme qui s'escon darrèr aquera fotiròla de l'occitan arreferenciau, que siitz gascon o pas personalament ne voi pas discutà'n.

Que beròi aquera politica culturau, que dirém l'académie française


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

19 de mai 22.12h

#11 Per mos aujòls, soi tan gascon coma lengadocian, segon las mapas del militantisme occitanista constumièr. D'aquí estant, un "Gascon", coma disètz, ontologicament, vesi pas çò qu'es, respècte a çò que soi ieu.

Me disètz : "Lo vòste besonh ne'vs pertòca pas qu'a vos"… Riscant de vos decebre un pauquet aquí subre, sèm plan mai d'un a esprobar aquel "besonh". E per començar, i sèm doás academias sabentas compausadas tan de "Gascons" (e benlèu mai) coma d'autres.

Tota lenga... Legir mai


Valoriza aqueste comentari:   votar positiu 0   votar negatiu 1
Respondre comentari replica Comentari inadeqüat   Formulari d'abús de comentari

16 de mai 18.19h

#10 lhevat que 1/ lo vòste besonh ne'vs pertòca pas qu'a vos, que hètz çò qui volètz dab lo parlar dont eiretatz mes n'atz pas a dìser aus gascons que har deu lor patrimòni lingusitic.

1/b. L'occitanisme qu'at a arrecaptat quasi tot de la defensa deus patrimònis lingusitics occitans e que se passam ad ua lenga uniformizada que hèn sordeish la susvivéncia d'aqueth patrimòni atau com l'am arrecebut ( pigalhat).

3/benlèu que se la natura honsa de la nosta lenga qu'ei la soa dive... Legir mai


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

16 de mai 17.48h

Ne vòli far lo parion de las lengas oficialas en general. Quora s'apren las autras lengas d'Euròpa, non se n'apren 56 versions localistas per caduna… Lo localisme m'ss patoesisme… Ai besonh d'universalisme et d'universalitat occitanofòns.


Valoriza aqueste comentari:   votar positiu 0   votar negatiu 1
Respondre comentari replica Comentari inadeqüat   Formulari d'abús de comentari

15 de mai 02.41h

#8 aquò de que'ns comprenam qu'ei l'argument lingusitic 0. Que'vs èi mentavut tribalhs arreconeishuts de scientifics qu'an bastit e que basteishen l'occitanisme, ja podetz clucar los uèlhs n'a pas jamèi empachat arren.
Per çò de l'orgulhoser, on ei ? Jo qui defeni la mia lenga o vos qui la comparatz au patoés deu vòste papet e qui sajatz d'aubligà'm moraument a estruçà'u devath lo vòste parlar afaitat d'estat lo parion de la lenga de Dante o Hugo. O benlèu volètz meilèu hà'n lo ... Legir mai


Valoriza aqueste comentari:   votar positiu 2   votar negatiu 1
Respondre comentari replica Comentari inadeqüat   Formulari d'abús de comentari

14 de mai 20.03h

#6 L'occitan coma l'escriguèt Mistral s'esforçava el tanben de venir referencial. Vos cal documentar corrèctament.

#4 Se lo gascon es una lenga difenrenta de la mieuna cossí se pòt que vos comprenga e que me coprengatz ? Es pas de linguistica que me parlatz, mas d'orguèlh mal plaçat…


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

14 de mai 19.18h

Merci ! Ne'm sembla pas tanpòc #6


Valoriza aqueste comentari:   votar positiu 1   votar negatiu 1
Respondre comentari replica Comentari inadeqüat   Formulari d'abús de comentari

14 de mai 17.50h

#3 Cresi pas, ça que la, que Mistral aje obtengut lo prèmi Nobel ambe son òbra en occitan referencial.


Valoriza aqueste comentari:   votar positiu 5   votar negatiu 2
Respondre comentari replica Comentari inadeqüat   Formulari d'abús de comentari

14 de mai 02.48h

#4 Mei precisament: J.P Chambon dab Y. Greub qu'am amuishat que los trèits màgers deu gascon que vason purmèr que l'espaci occitan apareishossi e P. Bec qu'ua norma comuna endau gascon e endaus parlars occitans ne podè pas estar bastit. Enfin pas nat locutor gascon a la mia conéishença nes hè endau lengadocian en pas nat moment de la soa practica linguistica. Aladonc qu'ei clar que lo lengadocia, ja-sii adobat per ua academia, non pòt estar arreferenciau endau gascon. Que'vs arremercii ... Legir mai


Valoriza aqueste comentari:   votar positiu 2   votar negatiu 2
Respondre comentari replica Comentari inadeqüat   Formulari d'abús de comentari

14 de mai 00.20h

#3 lo gascon n'ei pas lo parlaròt deu ton papet qu'ei ua lenga qui vasó a despart e mei d'òra que l'occitan segon los vòstes lingüistas. Basgi.


Valoriza aqueste comentari:   votar positiu 1   votar negatiu 2
Respondre comentari replica Comentari inadeqüat   Formulari d'abús de comentari

5 -10 -20 -totes
1
-
2 >




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL DICTADES

Editorial

Jornalet en papièr: la seguida

Dijòus passat a Carcassona, la còla de Jornalet anoncièrem l'intencion de tornar publicar una revista en papièr per l'an 2020. Nòstra idèa es de publicar ...
giny

Lo temps

Mapa
  • sol Agen 15
  • sol Aush 16
  • sol Bordèu 16
  • sol Briançon 13
  • sol Caors 14
  • sol Carcassona 17
  • sol Clarmont-Ferrand 13
  • sol Confolent 14
  • sol Gap 9
  • sol La Canau 17
  • sol La Gàrdia 23
  • sol Limòtges 14
  • sol Lo Borg Sant Dalmatz 14
  • sol Lo Puèi de Velai 13
  • sol Marselha 20
  • sol Montpelhièr 18
  • sol Naut Aran 14
  • sol Niça 19
  • sol Nimes 18
  • sol Pau 16
  • sol Peireguers 14
  • sol Rodés 16
  • sol Tolon 16
  • sol Tolosa 16
  • sol Valença 15

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • © Laurenç Revèst

    Val de la Tiniá

  • Irissa: prumèra edicion dera corsa populara de BTT

  • © Franc Bardòu

    Asuèlhs Bigordans

  • Sud Tolosan. © Franc Bardòu

    Concors d'estiu 2012: La fotografia de las vacanças

  • País de Rasés. © Franc Bardòu

    País de Rasés

  • © Franc Bardòu

    Asuèlhs de Lauragués

  • © Aure Séguier

    Carnaval Biarnés 2017

  • Auchan. © Remèsi Firmin

    L'occitan per carrièras (concors de prima 2014)

  • © Laurenç Revèst

    Menton, 'a vivaroalpenca maritima

  • © Laurenç Revèst

    Lo Canet dei Mauras: Brassariá e manhanariá, luecs de vida de l'occitan provençau

  • Niça vièlha en occitan niçard. © LR

    Niça vièlha en occitan niçard

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • © Franc Bardòu

    País Bordalés

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • © Franc Bardòu

    Tresaurs andorrans

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • © Laurenç Revèst

    La botiga de Macarèl a Sant Joan de Vedats (Montpelhierenc)

  • © Zep Armentano

    Era Mongetada (Val d'Aran 28-29 d'octobre 2017)

  • Irissa: prumèra edicion dera corsa populara de BTT

  • Lo grand passacarrièra de Rodés. Occitan Pride 2013

publicitat

lateral 2 teveoc



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Tornariás sosténer una edicion de Jornalet en papièr en 2020?


61%



27%



12%




Vots 33 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)