Bandièra01 1180x150: Comuna de Tolosa

Actualitats

crotz-tolosaCreated with Sketch.LengadòcLengadòc NautTolosan

La prima occitana: repensar l'occitanisme e sosténer lo CFPO en lucha

La jornada de reflexion e debat, e tanben de balèti e concèrt, se tendrà a Tolosa lo 19 de mai que ven

Se tendrà a Tolosa lo 19 de mai que ven una jornada per perpensar sus l'occitanisme e transformar son biais de foncionar. Nomenada "Le printemps occitan", la jornada començarà a 14h a la Borsa del Trabalh, sus la plaça de Sant Sarnin de la Ciutat Mondina e se parlarà de la situacion dels salariats del Centre de Formacion Professionala d'Occitània Miègjorn-Pirenèus (CFPO), en cauma dempuèi octòbre de 2017, e tanben dels problèmas per trobar collectivament una solucion.
 
Per mai d'informacion podètz vesitar lo sit printemps-occitan.org.
 
 
Una cauma illimitada de set meses
 
Los salariats del Centre de Formacion Professionala d’Occitània Miègjorn-Pirenèus (CFPO-MP) son en cauma illimitada dempuèi lo 2 d'octòbre passat.
 
Los caumaires denóncian una marrida gestion, de marridas practicas, de demissions e purgas, e crenhon una desparicion de l’estructura. Aquela gestion, que li dison “arcaïca”, a descadenat —segon los caumaires— “un plan de redreiçament economic que nos mena encara auèi dreit dins la paret”. En mai d’aquò, planhon “de persecucions, le flicatge generalizat, les òrdres absurdes” e tanben que lo material se tròbe dins de condicions “deplorablas”.
 
Aquela gestion, segon los caumaires, a menat l’ancian burèu a la demission e a l’organizacion de “purgas” dintre lo personal.
 
Per quant a las revendicacions, exigisson la fin dels secutaments dels salariats e la levada de las sancions, de revalorizacions salarialas a nautor de las grasilhas de salaris en vigor dins la convencion collectiva dels organismes de formacion professionala, e la perennizacion dels contractes precaris.
 
Lo Centre de Formacion Professionala d’Occitània Miègjorn-Pirenèus es especializat dins l’ensenhament de l’occitan. Dempuèi 1999 prepausa una ofèrta de formacion variada de qualitat e dobèrta a totòm, en gascon e en lengadocian.
 
Los sèt meses de cauma an menat los caumaires dins una situacion economica catastrofica, e per aquela rason an mes en plaça una caissa de solidaritat
en linha sul sit leetchi.com.
 





abonar los amics de Jornalet

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Emmanuèl Isopet
8.

#7 Vertat es que sens cap de nom, l'article sembla dedicat als iniciats. I a benlèu una mena de pudor entre occitanistas per denonciar pas. Es pas atal dins tot plen d'autres articles. Los medias occitans creisson e maduran!...

  • 1
  • 0
Andriu
7.

Compreni pas res a n'aquel conflicte. Quin n'es l'objecte ? Quins en son los protagonistas ambe pichons noms e noms d'ostal e benlèu lor organizacions" ( los patrons e los salariats son pas nombròses)? Quines son lor proposicions e revendicacions?
Pòdi pas anar a l'amassada del 19 de mai.
Mercés

  • 0
  • 0
Emmanuèl Isopet
6.

#4 Super! Al trabalh!

  • 5
  • 0
pas sup
5.

#3

https://formation-professionnelle.lemonde.fr/recherche/e-learning-a-distance-communication/a217-c2324

  • 0
  • 0
pas sup
4.

#3
Justament siai a soscar a una aficha sonorisada que parlèssa occitan. Sufís d'un detector de presencia, d'una piuse . e atal cada còp que passaàs d'abans l'abicha (adiu manhac.. que fas auèi.... o plan d'autras causas...)

S'agís pas de balhar de leissons mas diu me damne, un bocin pas tròp, lo design es pîetadós e ai lo drech de lo dire, e as lo drech de la trobar repolida, 'aquèla aficha de mon vejaire servís degun e subretot pas la lenga occitana !

  • 1
  • 6

Escriu un comentari sus aqueste article