Actualitats
Encara un chaple en Palestina
L’inauguracion de l’ambaissada dels Estats Units a entraïnat las protèstas que commemòran la Nakba. Ièr se comptava 55 mòrts entre los manifestants
Lo nombre de palestins tuats per las balas dels soldats israelians es a créisser. Ier se’n comptava almens d’autres 55 durant las protèstas contra l’inauguracion de l’ambaissada dels Estats Units a Jerusalèm, transferida de Tel Aviv. Dempuèi qualques setmanas, de milièrs de palestinians protèstan en Gaza, e la repression de las autoritats israelianas es totjorn tragica. E mai, Israèl a avertit los abitants de Gaza que lors vinhas son en perilh se contunhan de participar als acamps de protèsta.
Las protèstas comencèron fa un mes per ramentar la Nakba, es a dire l’expulsion de mai de 700 000 palestinians desplaçats de lors tèrras en 1948, e lo bilanç de la repression compta una cinquantena de mòrts e mai de 8500 nafrats.
La decision de Donald Trump d’installar l’ambaissada dels Estats Units en Israèl a Jerusalèm a descadenat mai encara las protèstas. Lo jorn causit per Trump es pas un azard, car lo 14 de mai es l’anniversari de la declaracion d’independéncia de l’estat d’Israèl, qu’ongan a 70 ans.
L’eveniment coïncidís amb un moment de tension maximala a l’Orient Mejan en seguida del retirament dels Estats Units del pache nuclear amb Iran e del conflicte derivat en Israèl, que lancèt una vintena de missils sus Golan, un territòri sirian ocupat per l’armada israeliana dempuèi 1967. Per ara, lo bilanç seriá d’una vintena de soldats sirians mòrts.
Las protèstas comencèron fa un mes per ramentar la Nakba, es a dire l’expulsion de mai de 700 000 palestinians desplaçats de lors tèrras en 1948, e lo bilanç de la repression compta una cinquantena de mòrts e mai de 8500 nafrats.
La decision de Donald Trump d’installar l’ambaissada dels Estats Units en Israèl a Jerusalèm a descadenat mai encara las protèstas. Lo jorn causit per Trump es pas un azard, car lo 14 de mai es l’anniversari de la declaracion d’independéncia de l’estat d’Israèl, qu’ongan a 70 ans.
L’eveniment coïncidís amb un moment de tension maximala a l’Orient Mejan en seguida del retirament dels Estats Units del pache nuclear amb Iran e del conflicte derivat en Israèl, que lancèt una vintena de missils sus Golan, un territòri sirian ocupat per l’armada israeliana dempuèi 1967. Per ara, lo bilanç seriá d’una vintena de soldats sirians mòrts.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Trump un cap de fava per far riure a la dreta capitalista, e ara tamben assassin de paures.
PALESTINA
Pax in nomine Domini!
Que ganhes à far plorar ton vesin ?
Quand sa maire
Aurà vujat tótei lei lagremas de seis uèlhs
Plorarà la tieuna.
Pax in nomine Domini!
Quau regna per lo glavi
Afiela lo fèrre
Que d’eu aurà rason.
Pax in nomine Domini!
Palestinian
Ò ben jusieu,
Que vau lo sang?
A lo prètz roge
De la vergonha.
Pax in nomine Domini!
Quau coneisse son fraire
En fraire sarà reconeissut.
Pax in nomine Domini!
La patz siegue sus Tèrra
En nom d’un dieu
En nom d’un autre
En nom de l’òme.
Le 52n estat estats-unenc, un implant en Palestina s'impausa al mieij del caòs à l'entorn, que manca pas
qu'Iran de destrùser...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari