CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimars, 17 de setembre

Actualitats

Dimenge, 20 de mai de 2018, 03h00 Cinèma

Canas 2018: Asia Argento a denonciat publicament Harvey Weinstein per viòl durant la ceremònia de clavadura

Lo realizaire japonés Hirokazu Koreeda a ganhat la Palma d’Aur de la 71a edicion del festenal de Canas amb lo filme Manbiki Kazoku


Comentaris 9 comentaris    
Marrit Flac Bon Plan bon Fabulós (5 vòtes)
carregant En cargar


L’actritz e realizaira italiana Asia Argento es estada la primièra femna a denonciar oficialament lo productor estatsunidenc Harvey Weinstein. O faguèt publicament aqueste dissabte de ser durant la ceremònia de remesa dels prèmis de la 71a edicion del Festenal de Canas, ont afirmèt qu’ela foguèt forçada durant aquel eveniment.
 
“En 1997 foguèri violada aicí a Canas per Harvey Weinstein. Aviái 21 ans. Aqueste festenal èra son terren de caça. Vòli far una prediccion: Harvey Weinstein serà pas pus benvengut aicí”, çò diguèt l’actritz al moment de remetre lo prèmi de la melhora actritz a Samal Yeslyamova per son ròtle dins lo filme Ayka.
 
En mai d’aquò, Argento denoncièt publicament  “los qu’an pas res dich” e “lor comportament indigne”. “Sabètz qual sètz, sabèm QUAL sètz, vos permetrem pas de viure dins l’impunitat”, çò assegurèt.
 
 


Una ceremònia revendicativa e un palmarès repartit
 
Lo realizaire japonés Hirokazu Koreeda a ganhat la Palma d’Aur de la 71a edicion del festenal de Canas amb lo filme Manbiki Kazoku (traducha en francés coma Un afar de familha). Un filme sus una familha de paures qu’amb lor sosten mutual subrevivon en panant dins de botigas, fins qu’un incident revèle brutalament lors secrets pus terribles "que dinamitaràn lors ligams".
 
Lo grand prèmi de la jurada l’a obtengut lo filme BlacKkKlansman, del realizaire Spike Lee, qu’explica de biais comic l’istòria d’un policièr negre infiltrat dins lo Ku Klux Klan.
 
 
Camèra d’Aur, Queer Palm e prèmi de la melhora interpretacion per Girl
 
La Camèra d’Aur es anada al jove realizaire flamenc Lukas Dhont, amb son filme Girl qu’aviá egalament recebut divendres la Queer Palm, lo guierdon reservat al cinèma de tematica LGBT. Lo filme explica l’esfòrç d’una joventa que vòl devenir dançaira e mai se considère amb un còrs masculin. Lo realizaire a revendicat un còp de mai lo ròtle inspiraire d'aqueles adolescents qu'an pas cap de paur de las criticas. Victor Polster, l'actor protagonista sortit d'un casting realizat sens especificacion de sexe pel ròtle, a obtengut lo prèmi de la melhora interpretacion de la jurada d'Un Certan Regard, a 16 ans.
 
 
D’aplaudiments per Panahi reprimit en Iran
 
Lo prèmi del melhor realizaire l’a ganhat lo polonés Paweł Pawlikowski per son filme Zimna wojna (Guèrra freja) del temps que lo melhor scenari lo ganhèron a l’encòp los filmes Lazzaro Felice de la cineasta italiana Alice Rohrwache, e Se rokh (3 caras) del realizaire iranian Jafar Panahi. Panahi foguèt representat a Canas per sa filha, car es totjorn empachat de quitar Iran ont es menaçat de preson e interdich d’exercir lo mestièr de cineasta. Lo public li dediquèt un long e calorós aplaudiment. A l'ora de recebre lo guierdon, la filha de Panahi faguèt un omenatge al realizaire iranian Abbas Kiarostami, que menèt son paire al Mond del cinèma.
 
 
Palma d’Aur especiala per Godard
 
Lo realizaire francosoís Jean-Luc Godard a recebut una Palma d’Aur especiala a la demanda de la jurada. Segon la presidenta de la jurada, Cate Blanchett, el es un artista “qu’a fach avançar lo cinèma e a redefinit sos limits”. Godard aviá presentat a Canas son filme Livre d’image (Libre d’imatge), una juxtaposicion d’imatges amb una tòca a l’estil experimentalista del videoart. Aquel filme amaga un “omenatge a Catalonha”.
 
 
Capharnaüm escridassat
 
L’anóncia del prèmi de la jurada per Capharnaüm provoquèt una escridassada del public de la sala reservada pels jornalistas, qu’èra pas gaire d’acòrdi amb la remesa d’aquel prèmi al filme de la realizaira libanesa Nadine Labaki. L'acusavan d'èsser “malonèsta” o de far una “instrumentalizacion de la pauretat”. En tot cas, es un filme que tracta l’enfança maltractada, los migrants e sens-papièrs, e es rodat quitament per las carrièras d’enfants e de familhas de migrants e de sens-papièrs e dins de centres de detencion e de reeducacion.
 
 
Revendicacion feminista
 
L’edicion d’ongan de Canas marca un virament important dins la revendicacion feminista dins l’encastre del cinèma. La 71a edicion del Festenal internacional de Cinèma a jonch la revendicacion feminista coma se passèt als Oscars amb lo movement #MeToo per se quilhar contra lo masclisme e revendicar l’egalitat dels genres.
 
Dimècres passat, 82 femnas marchèron sul tapís roge per nos remembrar que, sus aperaquí 1700 realizaires, solament 82 realizairas femnas son passadas pel festenal long de tota son istòria. Aquela accion l’organizèt lo movement Time’s Up e lo collectiu francés 5050, que revendica l’egalitat de las possibilitats per las femnas e los òmes.
 
En mai d’aquò, lo còde vestimentari del festenal exigís que las femnas pòrten de calçaduras de talon sul tapís roge, una règla que de mai en mai d'actrises refusan. En 2016, Julia Roberts se descalcèt per protestar, e ongan es estada Kristen Steward qu’a revendicat son drech de portar pas de talons pel simple fach d’èsser femnas. “Qual diguèt que las femnas eriam obligadas de metre de talons del temps que nòstres collègas masculins pòrtan de calçaduras planas?”, çò se demandèt Steward.
 
 
 
 



 






abonar los amics de Jornalet
 



publicitat
BANER1-2-3: DGPL TRADUCTOR



Comentaris

26 de mai 20.18h

#8 Ok, donc elements (enquistas de jornalistas o autas causas) qui permeterén d'ahortir la vòsta tèsi segon laquau las acusacions de viòl contra Harvey Wenstein son ua biais de l'afeblir dens la competicion entre estudiòs de Hollywood, ne n'avetz pas. B'ei aquò?


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

24 de mai 22.17h

#6 Isteria collectiva d'un faiç d'estarlètas que, APREP ESSER PASSADAS EN TOTA CONEISSENCA DE CAUSA PEL LIECH DE WEINSTEIN per venir las stars que son devengudas, se fan una novèla verginitat en participant a la mèsa a mòrt aisida e autorizada d'un tipe que val pas pus qu'èlas. Revelacions que VENAN PAS PER AZARD e qu'an mai a vèire amb la concurència ferotja entre los productors grands d'Hollywood qu'amb una sembla-liberacion de la paraula feminista qu'es aqui INSTRUMENTALIZADA PER DE... Legir mai


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

24 de mai 13.14h

#3 Non. Segon ua enquista menada aus Estats Units en 2010, permiei las personas qui pòrtan planh per viòl, que n'i a 6% qui menten. Segon ua auta qu'ei 6 a 8%*.
Mei de 9 còps sus 10, l@ planhent(a) que ditz vertat.

Dab comentaris atau e lo nombre de flèchas vèrdas qui obtienen ne's cau pas estonar de demorar casi tostemps enter òmis sus aqueste sit!

* cf nòta 13 de la paja 13 d'aquesta enquista https://www.ipsos.com/fr-fr/violences-sexuelles-pourquoi-les-stereotypes-persistent ... Legir mai


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

24 de mai 12.41h

#2 Avetz elements qui permeten de díser qu'ei ua "sembla-liberacion de la paraula feminista qu'es aqui instrumentalizada per de foscas questions de guèrra economica entre d'empèris financièrs americans"?

Si non, atencion au reflèxe de solidaritat quand ua persona de la nosta comunautat (ací los òmis) ei atacada : ne sabem pas çò qui s'ei passat e las acusacions de viòl mensongèras ne son pas qu'ua petita minoritat... que i a hèra mei de hemnas violadas qui's caran que de hemnas qu... Legir mai


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

22 de mai 20.46h

Paure Weinstein ! S'aguèsse dich que se sonava Strauss Kahn las causas se serian mielhs passadas !


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

22 de mai 20.46h

Paure Weinstein ! S'aguèsse dich que se sonava Strauss Kahn las causas se serian mielhs passadas !


Valoriza aqueste comentari:   votar positiu 8   votar negatiu 0
Respondre comentari replica Comentari inadeqüat   Formulari d'abús de comentari

21 de mai 23.35h

Aprés de 21 ans se li ocorre denunciar que la varen violar. Perquè ho faguet pas abans? Se li aguessen rauabt la cartera haguesse esperat mieg an, non, hagues anat totd'una lo mateis dia a denuniar-ho. Hi ha moltas mentideras pel mond.


Valoriza aqueste comentari:   votar positiu 5   votar negatiu 1
Respondre comentari replica Comentari inadeqüat   Formulari d'abús de comentari

21 de mai 11.26h

Isteria collectiva d'un faiç d'estarlètas que, aprèp ésser passadas en tota conèissènça de causa pel lièch de Weinstein per venir las stars que son devengudas, se fan una novèla verginitat en participant a la mèsa a mòrt aisida e autorizada d'un tipe que val pas pus qu'èlas. Revelacions que vènan pas per azard e qu'an mai a vèire amb la concurència ferotja entre los productors grands d'Hollywood qu'amb una sembla-liberacion de la paraula feminista qu'es aqui instrumentalizada pe... Legir mai


Valoriza aqueste comentari:   votar positiu 7   votar negatiu 3
Respondre comentari replica Comentari inadeqüat   Formulari d'abús de comentari

20 de mai 23.05h

Le còdic vestimentari, le tapis roje tot aquell cinema...
E le dreit de cuessatge...
Jornalet deveva se sentir extranh...


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 21
  • sol Aush 21
  • sol Bordèu 21
  • sol Briançon 22
  • sol Caors 21
  • sol Carcassona 23
  • sol Clarmont-Ferrand 16
  • sol Confolent 20
  • sol Gap 16
  • sol La Canau 21
  • sol La Gàrdia 26
  • sol Limòtges 22
  • sol Lo Borg Sant Dalmatz 21
  • sol Lo Puèi de Velai 18
  • sol Marselha 23
  • sol Montpelhièr 22
  • sol Naut Aran 19
  • sol Niça 22
  • sol Nimes 22
  • sol Pau 21
  • sol Peireguers 21
  • sol Rodés 21
  • sol Tolon 19
  • sol Tolosa 21
  • sol Valença 20

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • © Laurenç Revèst

    Menton, 'a vivaroalpenca maritima

  • De bandièras occitanas a la manifestacions dels Gilets Jaunes, Tolosa 8 de decembre 2018

  • Pòrt de Niça: Li galeras

  • Besièrs. © Melanie Laupies

    Besièrs

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • Narbona. © Cercle Occitan de Narbona

    18a Dictada Occitana

  • Ciutat de Draoníer. © Cristòu Daurore

    Ciutat de Draoníer (Val Maira)

  • Omenatge a Aragon. © Franc Bardòu

    Omenatge a Aragon

  • Asuèlhs de Garnagués. © Franc Bardòu

    Asuèlhs de Garnagués

  • © Laurenç Revèst

    Castelar

  • © Xavi Gutiérrez Riu

    Baish Ador

  • © Franc Bardòu

    Tèrra albigesa

  • Mobilizacion a Brelh de Ròia per fin de sostenir lo mantenement de la linha Niça-Coni

    Mobilizacion lo diménegue 25 de mai a Brelh de Ròia per fin de sostenir lo mantenement de la linha Niça-Coni

  • Montpelhièr la lengadociana

  • Concors de preseps de Jornalet 2017

  • © Laurenç Revèst

    Vista de Nimes, lengadociana per l'istòria, provençala per lo dialècte

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • Hug de la Rosa

    Manifestacion "Er aranés, era nòsta identitat". Vielha 24 de març 2018

  • © Celèsta Toion

    La plaja espaci de libertat? D'expression?

  • Valadas. © Xavi Gutiérrez Riu

    Valadas

publicitat

LATERAL2 330x60: Casteth Paums



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)