Bandièra01 1180x150: Comuna de Tolosa

Actualitats

Corsega estúdia la formacion d’un collectiu d’avocats per afrontar “l’òdi anticòrs”

Los rets socials son comols de messatges qu’insultan los còrses en seguida d’una partida de fobtòl entre l’AC Aiacciu e Le Havre

| Jean Guy Talamoni
Lo president de l’Assemblada de Corsega, Jean-Guy Talamoni, a anonciat que se metriá en contacte amb los presidents dels collègis d’avocats de Bastia e Aiacciu per estudiar la formacion d’un collectiu de juristas qu’afronte “l’òdi anticors” que s’es descadenat dins las darrièras oras. Talamoni assegura que “de nombroses còrses” l’an contactat per li transmetre que Corsega pòt pas demorar los braces crosats en vesent l’èrsa d’insultes contra los insulars.
 
L’origina de la controvèrsia es una partida de fotbòl entre l’AC Aiacciu e Le Havre, que, après lo repòrt de la partida del divendres a causa d’incidents entre l'autocar de Le Havre e de suportaires còrses, s’acabèt dimenge amb la victòria de l’esquipa còrsa. Le Havre denóncia que los afeccionats, los jogadors e los dirigents del club còrs secutèron los membres del club normand e que lo president Vincent Volpe foguèt agressas. Lo president de l’Aiacciu, Alain Orsoni, o nèga, e assolida que denonciarà Volpe per calomnias.
 
En seguida d’aqueles incidents, los rets socials son comols d’insults contra lo pòble còrs, compresas de menaças de tuariás massissas. Ça que la, qualques comptes de Twitter e de jornals coma Le Monde denóncian qu’abans e pendent la partida, los afeccionats còrses insultèron los jogaires de Le Havre. Un jogador de l’esquipa normanda assegura que lor diguèron “franceses de mèrda” e d’autras apostròfas racistas.
 
 
 

 
 
 
Aquesta nòva es adaptada de Nationalia amb qui Jornalet ten un acòrdi de cooperacion.
 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
3.

Es habitual, no ho hauria d'esser, que els Pobles lliures, ens insultin , i ens intentin rebaixar, forma part de l'ADN imperialista, el que passa als camps de futbol no només es això, sinó que passen moltes mes coses, i no gaire maques. Per tant no te sentit insultar a un País, que a mes fa segles que tiranitzen, i a mes ara insulten i maltracten igual que han fet sempre. Doncs ja n'hi ha prou! Que es caguin en la p...
que la cosa ja ha tocat fons, hi ara que mes volen? Que no n'hi ha hagut prou!?
Visca la Terra...Lliure!
L'Ernest, "El Tàrrega".

  • 0
  • 0
Felip Martèl Montpelhier
2.

Chau puèi pas exagerar. Que sieie a Aiacciu, dins las tribunas dau parc des princes amb los ultras faissistas suporters dau PSG, o dins la tribuna de l'estadi de Romorantin (per parlar pas, diplomaticament, de Marselha) amb los suporters qu'insultan la còla adversa, las bramadissas dels suporters son intolerablas. Talamoni seria mai oportun en condemnant las inversemblablas insultas ant-còrsas que se poian liéger dins los comentaris en linha de Marianne, LIberation o le Monde (lo Figaro ai manca pas provat de l'i anar veire) au moment dau viatge de Jupiter sus l'iscla. Aqui, òc, se poia parlar legitimament de racisme ant--còrs.

  • 3
  • 0
LACHAUD
1.

L'odi anticòrs tòca tots los que s'opausan au centralisme frances? Que fan las autras lezngas regionalas per sostener una campanha per lo respect de lòr lenga e cultura a començar per los occitans?
Benleu que chaldria pas totjorn acusar los occitans de pas parlar lòr lenga e laissar una campanha antioccitana deferlamesma per en-dejos.

  • 6
  • 0

Escriu un comentari sus aqueste article