Actualitats
Lo cantador de rap malhorquin Valtònyc es en exili en Belgica
La justícia espanhòla l’aviá condemnat a tres ans e mièg de preson per las paraulas de sas cançons
Lo cantador de rap malhorquin, Josep Miquel Arenas, de nom d’artista Valtònyc, s’es exiliat. Ièr saupèrem que s’èra anat en Belgica dempuèi qualques jorns per evitar son encarceracion. La justícia espanhòla l’aviá condemnat a tres ans e mièg de preson per las paraulas de sas cançons, çò que descadenèt una avalanca de solidaritat e d’indignacion dins los Païses Catalans e endacòm mai.
Lo cantador èra susvelhat per la polícia espanhòla e totas las companhiás aerianas èran obligadas d’informar las autoritats se Valtònyc quitava l’illa. Pasmens, a capitat a partir en Belgica sens èsser detectat. Fa qualques setmanas o avertiguèt dins un concèrt: “Intrarai pas volontàriament en preson e me deuràn venir cercar”, çò diguèt del temps que ièr publiquèt un messatge sus twitter que disiá:
“Deman es lo jorn. Deman tombaràn la pòrta de mon ostal per me metre en preson. A causa de cèrtas cançons. Deman Espanha se ridiculizarà tornarmai. Lor o facultarai pas, desobesir es legitim e una obligacion davant aquel estat faissista. Degun se rend pas.”
Sosten del Parlament Europèu
Se tenguet ièr dijòus al Parlament Europèu un parladís sus la libertat de la premsa, ont s’evoquèt la situacion de Valtònyc. A l’eveniment participèt un representant del grop de sosten al cantador, qu’expliquèt que lo rapaire èra en Belgica per preparar sa defensa.
Manifestacions de protèsta
Mentretant, i aguèt ièr fòrça manifestacions de sosten al cantador malhorquin dins los Païses Catalans (Barcelona, Vila-Real, Castelhon, Alacant) e tanben en Madrid e Saragossa.
Condemnat a la preson per cantar contra lo rei
La justícia espanhòla condemnèt a tres ans e mièg de preson lo cantador hip-hop de Malhòrca per las paraulas d’una cançon contra lo rei emerit, Joan Carles Ir. Es estat condemnat per enaurament del terrorisme, injúrias a la corona e menaças, a causa de las paraulas d’una cançon, que podètz escotar dins lo vidèo çai jos. L’a jutjat e condemnat l’Audiéncia Nacionala espahòla, qu’es un tribunal d’excepcion que jutja los delictes de terrorisme.
La senténcia es de tres meses superiora a la que demandava lo ministèri public.
Durant lo jutjament, Valtònyc reconeguèt qu’aviá compausat aquela cançon a la demanda de Pablo Iglesias, lo numèro un del partit politic Podèm, per son emission de television La Tuerka.
En seguida, podètz veire e escotar la cançon en question. Las paraulas son en catalan, e i a de sostítols en espanhòl.
En mai d’aquò, fa qualques jorns, l’Associacion Unificada de Gàrdias Civils (AUGC) anoncièt que denonciariá tornar lo cantador per enaurament del terrorisme per aver cridat a tuar de Gàrdias Civils dins un concèrt.
Lo cantador èra susvelhat per la polícia espanhòla e totas las companhiás aerianas èran obligadas d’informar las autoritats se Valtònyc quitava l’illa. Pasmens, a capitat a partir en Belgica sens èsser detectat. Fa qualques setmanas o avertiguèt dins un concèrt: “Intrarai pas volontàriament en preson e me deuràn venir cercar”, çò diguèt del temps que ièr publiquèt un messatge sus twitter que disiá:
“Deman es lo jorn. Deman tombaràn la pòrta de mon ostal per me metre en preson. A causa de cèrtas cançons. Deman Espanha se ridiculizarà tornarmai. Lor o facultarai pas, desobesir es legitim e una obligacion davant aquel estat faissista. Degun se rend pas.”
Sosten del Parlament Europèu
Se tenguet ièr dijòus al Parlament Europèu un parladís sus la libertat de la premsa, ont s’evoquèt la situacion de Valtònyc. A l’eveniment participèt un representant del grop de sosten al cantador, qu’expliquèt que lo rapaire èra en Belgica per preparar sa defensa.
Manifestacions de protèsta
Mentretant, i aguèt ièr fòrça manifestacions de sosten al cantador malhorquin dins los Païses Catalans (Barcelona, Vila-Real, Castelhon, Alacant) e tanben en Madrid e Saragossa.
Condemnat a la preson per cantar contra lo rei
La justícia espanhòla condemnèt a tres ans e mièg de preson lo cantador hip-hop de Malhòrca per las paraulas d’una cançon contra lo rei emerit, Joan Carles Ir. Es estat condemnat per enaurament del terrorisme, injúrias a la corona e menaças, a causa de las paraulas d’una cançon, que podètz escotar dins lo vidèo çai jos. L’a jutjat e condemnat l’Audiéncia Nacionala espahòla, qu’es un tribunal d’excepcion que jutja los delictes de terrorisme.
La senténcia es de tres meses superiora a la que demandava lo ministèri public.
Durant lo jutjament, Valtònyc reconeguèt qu’aviá compausat aquela cançon a la demanda de Pablo Iglesias, lo numèro un del partit politic Podèm, per son emission de television La Tuerka.
En seguida, podètz veire e escotar la cançon en question. Las paraulas son en catalan, e i a de sostítols en espanhòl.
En mai d’aquò, fa qualques jorns, l’Associacion Unificada de Gàrdias Civils (AUGC) anoncièt que denonciariá tornar lo cantador per enaurament del terrorisme per aver cridat a tuar de Gàrdias Civils dins un concèrt.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo rap es un cant molt critic coma los glosadors mallorquins, qu' es disen de tot entre els e a las autoritats, forma part de l'humor de les festes populars dels pobles, e ningen s'enfada perquè li diguen lo que sia en glosat. Mas se vei que a Castelha n'hi ha pas e non ho coneissen los jutges. Los paisos catalans sempre han estat mai tolerants que la Corona de Castelha; per açò alà es prenen al ped de la letra la cançon de Valtonic e non amb un sentit humoristic qu' es coma s'han de prene aquestas cançons, dins lo context de las festas . A Mallorca ha cadut molt malament la sentència i l'actuacion policial per empresonar-lo.
Lor o facultarà pas.
E ben segur, d'aquelh mentre se pòu absoludament tot dire sobre Catalonha sens èsser inquietat una minuta ! Coma aquelh Jiménez Losantos que parla sens vergonha de bombardar los Catalans ! Una justiça de doas vitessas... Aquò-es de pas creire !
→ https://www.elperiodico.com/es/politica/20180514/losantos-pide-bombardear-catalunya-6817564
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari