Bandièra01 1180x150: Comuna de Tolosa

Actualitats

Un nòu sondatge revèla la diglossia de la societat de Malta

Lo maltés se ten fòrt dins l'encastre de la familha e dels amics del temps que l'anglés es preferit per legir de libres o publicar suls rets socials

| Frank Vincentz
Lo maltés es la lenga parlada a l’ostal de manièra mai frequenta pel 79% dels malteses, mentre que l’anglés es en segonda posicion amb lo 18,6%. Son de donadas d’un sondatge del jornal Malta Today, que revèla tanben que, al trabalh, lo maltés es parlat mai sovent pel 50,6%, del temps que l’anglés arriba al 38,4%. Gaireben lo 10% afirma que parla sovent las doas lengas al trabalh. Per edats, se percep una tendéncia descreissenta del maltés demest los qu’an mens de 50 ans, e mai s’entre los 18 e los  35 ans se detècta una leugièra recuperacion. La lenga pròpia del país es fòrça prevalenta coma lenga mai emplegada amb los amics a totas las edats, mas per contra l’anglés a un nivèl d’acceptacion naut per de foncions coma la lectura de libres e jornals o l’escritura de nòtas suls rets socials.
 
Lo maltés a gaireben 483 000 parlants dins lo Mond, segon Ethnologue, dont 403 000 son a Malta. Es lenga cooficiala dins aquela pichona republica mediterranèa, amb l’anglés, e es tanben una de las lengas oficialas de l’Union Europèa.
 
 
 
 
 
 
Aquesta nòva es adaptada de Nationalia, amb qui Jornalet ten un acòrdi de cooperacion.
 
 
 
Lo lingüista Carles Castellanos nos a ramentat las influéncias occitanocatalanas sus la lenga maltesa.
 
 
 


abonar los amics de Jornalet

 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article