Actualitats
D'elevaires e pastors començan de patir lo cambiament climatic dins los Alps
I a dins lo massís tres milièrs d'alpatges de mai en mai confrontats a un cambiament climatic mai sensible qu'endacòm mai
Lo cambiament climatic es ja una realitat perceptibla en montanha, e los elevaires e los pastors començan de ne patir los efièches negatius e devon desenant trobar de solucions per s'i adaptar, çò rapòrta Reporterre. Lo jornal ecologista precisa que se comencèt de prene consciéncia d'aquel fenomèn en seguida d'una sèria d'annadas fòrça secas a comptar de 2003.
Dins los Alps la temperatura es montada de 2ºC al respècte de 1900, çò que provòca d'efièches en cascada qu’impactan dirèctament las activitats umanas, mai que mai las agricòlas. La diminucion de la nèu es benlèu la consequéncia mai grèva. Ara i a mai de pluèjas que de nevadas. Per exemple, a Ambrun (Ambrunés) lo deficit idric calculat sul periòde de vegetacion (d'abril a setembre) a aumentat d'aperaquí un 50% dempuèi los ans 1970.
Una autra donada inquietanta es la diminucion del pastural. A l'ora d'ara son comptats dins tot lo massís alpenc aperaquí 3000 pasturals, que permetrián de noirir pendent 3 o 4 meses solament la mitat dels ovins e los tres quarts dels ovins recensats. En mai d'aquò, l'elevatge patís tanben l’escalfament global a causa de la repercussion sus las ressorsas ferratgièras.
Totes aqueles cambiaments se fan pas progressivament, mas a travèrs de chòcs e de risques de mai en mai marcats coma de secaresas recurrentas o de primas mai precòças, çò qu'empedís pas un temps en estiu plujós coma en 2014 o una prima fòrça freja e tardiva coma en 2013. E aquela variabilitat es çò que dificulta mai la gestion d'una sason a l'autra, en daissant sens marge de manòbra los païsans, los elevaires e los pastors.
Lo projècte Adamont
L'article de Reporterre mençonat es escrich per dos cercaires de l'Irstea, lo centre de trabalh de Grenòble qu'a entamenat lo projècte Adamont sus l'adaptacion al cambiament climatic dels territòris de montanha en prepausant un acompanhament e un modèl que permeton als actors del territòri d'aprene las alteracions climaticas e las activitats impactadas, e de dispausar d'un panèl de solucions per i far fàcia.
Lo projècte es començat en partenariat estrech entre d'actors sòcioprofessionals e de cercaires dins una logica participativa.
L'exemple mai remarcable analisat dins l'encastre d'aquel projècte es lo partatge de l'aiga sul territòri del pargue natural de Vercòrs, ont los besonhs d'aiga per abeurar los tropèls aumentan a causa de l’escalfament climatic, del temps que las resorsas demesisson per la meteissa rason. De dispositius de recèrca amassan d'informacion climatica que deu èsser tractada per preveire de fenomèns climatics.
Dins los Alps la temperatura es montada de 2ºC al respècte de 1900, çò que provòca d'efièches en cascada qu’impactan dirèctament las activitats umanas, mai que mai las agricòlas. La diminucion de la nèu es benlèu la consequéncia mai grèva. Ara i a mai de pluèjas que de nevadas. Per exemple, a Ambrun (Ambrunés) lo deficit idric calculat sul periòde de vegetacion (d'abril a setembre) a aumentat d'aperaquí un 50% dempuèi los ans 1970.
Una autra donada inquietanta es la diminucion del pastural. A l'ora d'ara son comptats dins tot lo massís alpenc aperaquí 3000 pasturals, que permetrián de noirir pendent 3 o 4 meses solament la mitat dels ovins e los tres quarts dels ovins recensats. En mai d'aquò, l'elevatge patís tanben l’escalfament global a causa de la repercussion sus las ressorsas ferratgièras.
Totes aqueles cambiaments se fan pas progressivament, mas a travèrs de chòcs e de risques de mai en mai marcats coma de secaresas recurrentas o de primas mai precòças, çò qu'empedís pas un temps en estiu plujós coma en 2014 o una prima fòrça freja e tardiva coma en 2013. E aquela variabilitat es çò que dificulta mai la gestion d'una sason a l'autra, en daissant sens marge de manòbra los païsans, los elevaires e los pastors.
Lo projècte Adamont
L'article de Reporterre mençonat es escrich per dos cercaires de l'Irstea, lo centre de trabalh de Grenòble qu'a entamenat lo projècte Adamont sus l'adaptacion al cambiament climatic dels territòris de montanha en prepausant un acompanhament e un modèl que permeton als actors del territòri d'aprene las alteracions climaticas e las activitats impactadas, e de dispausar d'un panèl de solucions per i far fàcia.
Lo projècte es començat en partenariat estrech entre d'actors sòcioprofessionals e de cercaires dins una logica participativa.
L'exemple mai remarcable analisat dins l'encastre d'aquel projècte es lo partatge de l'aiga sul territòri del pargue natural de Vercòrs, ont los besonhs d'aiga per abeurar los tropèls aumentan a causa de l’escalfament climatic, del temps que las resorsas demesisson per la meteissa rason. De dispositius de recèrca amassan d'informacion climatica que deu èsser tractada per preveire de fenomèns climatics.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari