Bandièra01 1180x150: Comuna de Tolosa

Actualitats

Eslovènia: l'euroscepticisme xenofòb a ganhat las eleccions mas amb una majoritat escassa

Janez Janša aurà de dificultats per trobar lo sosten dels autres partits que vòlon pas cap d’aliança amb el, mai que mai après sa campanha electorala basada sus la paur de l’immigracion

| Janez Janša
L’euroscepticisme e la xenofobia s’estendon en Euròpa. Ara en Eslovènia a ganhat lo conservator eurosceptic Janez Janša, mas a pas obtengut pro de majoritat per far un govèrn. Janša, èx-primièr ministre del país, aurà de dificultats per trobar lo supòrt dels autres partits que vòlon pas cap d’aliança amb el, mai que mai après sa campanha electorala basada sus la paur de l’immigracion amb lo sosten del primièr ministre ongrés Viktor Orbán.
 
“Cresi qu’uèi serà lo primièr pas per qu’Eslovènia siá un país que priorize los eslovèns, compresa lor prosperitat”, çò diguèt Janša après sa victòria, e mai se precisèt son scepticisme sus “l’obtencion d’un resultat que garentisca l’estabilitat immediata dins aquesta primièra estapa”.
 
Janša obtenguèt lo 25% dels vòtes, seguit per l’èx-umorista Marjan Šarec qu’a obtengut lo 13% dels vòtes. Malgrat que Šarec represente un partit liberal, a refusat tot pache amb los conservators de Janša. Al contrari, cercarà una coalicion alternativa.
 
Quant a la formacion centrista de l’actual primièr ministre, Miro Cerar, s’es esclafada en obtenent solament lo 9% dels vòtes. En 2014, n’obtenguèt gaireben lo 35%.
 
Lo govèrn de Janša tombèt fa cinc ans per d’acusacions de corrupcion.
 
Eslovènia es un país d’aperaquí dos milions d’abitants. Sa moneda es tanben l’èuro e a superat la crisi del 2008 amb una creissença remarcaba e quasi sens caumatge.

 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
4.

Lo govern de la dretas financiera bancaria privada ultracapitalista, L'UE ha estat lo qu' ha creat la guerra de Siria col·laborant amb los EEUU e los angleses. Ara s'han inventat una nova consigna per que la premsa embocalhada las repetesca fins l'avorriment: Que los que priorizan lo benestar dels seus ciutadans nacionals son d'extrema dreta, chenofos,ec. Que se miren lo que feren eles e veiran que son molt potjor !

  • 1
  • 0
Pierre Terral
3.

"eurosceptic", "xenofòb", m'es quitament estat dich que seriá "eslovenofil".

  • 1
  • 0
Pirolet
2.

La xenofòbia sembla qu'avança imparablament: mercé la Comisson europèa, mercé Junker, mercé lo parlament que bolèga pas pus qu'un tròç de fusta. Dins lo Parlament, i a ben de deputats que fan çò que pòdon mas lo mamot liberal-socalista o esclafa tot.

  • 2
  • 0
Mèfi ! 31
1.

En slovène, se quicha la finala: Slovenija, doncas Eslovenia sembla melhor.

  • 4
  • 0

Escriu un comentari sus aqueste article