Actualitats
La Copa aima lo cremat catalan
Aquesta vesprada de dimenge 10 de junh foguèt vertadièrament un grand moment de rugbi de XIII per totes los qu’èran a l’estadi Brutus, temple del XIII a Perpinhan
Alan Roch
Copa: ensag daurat pels catalans
En Copa Nitard, la competicion juniors, los joves lesinhaneses se mostrèron mai fòrts e inspirats que los Canaris de Carcassona que tenguèron pas la distància: 50-24, marca finala.
La finala de la Copa Lòrd-Derby opausava St Estève-XIII Catalan a Limós. Coma previst, los catalans faguèron mòstra de lor rapiditat de circulacion de la palma per menar lèu 16-0. Mas los limosencs èran pas venguts en victimas e tornèron a 16-12 abans la pausa. A la represa, los catalans tornèron faire lo trauc: 26-12. Los limosencs repliquèron amb dos ensages per tornar a 20-26 (e lor capitani manquèt una transformacion fàcia a las barras). Los audencs finiguèron qu’egalizèron mas poguèron pas passar lo tombat decisiu. Calguèt anar a las prolongacions. Durèron 7 minutas: fins a un ensag del centre pianenc Ambert qu’ofrissiá lo trofèu a sa formacion, 30-26.
Qual passarà los barratges?
En barratge del campionat d’Elèit 1, aqueste dissabte 16, Avinhon reçauprà Carcassona. Pronostic en favor dels provençals qu’an ganhat las doas oposicions de la sason e qu’auràn l’avantage de jogar sus lor pelena.
Dimenge, Lesinhan reçauprà Albi: aquò promet una partida sarrada. Dins la sason regulara, Lesinhan ganhèt a Albi e Albi venguèt ganhar fa una brava mesada al Molin!
Los Dragons tornan prene vam
Dissabte, a Brutus, los Dragons recebián los darrièrs de Superliga: los Vikings de Widnes. Calguèt esperar lo segond temps per veire los catalans s’impausar: 32-12. Tornan atal a un punt dels 8ns los Gigants d’Huddersfield que ganhèron a Leeds actualament en pana. La partida entre las 2 formacions aqueste divendres en Anglatèrra serà decisiva per una plaça dins lo Super 8 per poder viure dins la serenitat la fin de la sason.
Tolosa: rendètz-vos a Albi
En Championship, dissabte de vèspre a Blanhac, lo Tolosa Olimpic signèt sa dotzena victòria de la sason fàcia a Batley: 42-26. Aqueste dissabte 16, es sus la pelena de l’Estadium d’Albi, que los tolosans reçaupràn los Centurions de Leigh dins una jornada que serà una granda fèsta esportiva.
Los Marrons an… lo blues!
Aqueste dimècres, se debanava a Melbourne lo primièr Estats d’Origina de la sason davant 90 000 espectators. Dempuèi 2006, Nòva Galas de Sud a ganhat un sol còp una tièra de las 3 partidas annalas. Mas Queensland a renovelat sa formacion amb las retiradas de Cooper Kronk, Jonathan Thurston e Cameron Smith, sens parlar de la nafradura de Billy Slatter. Aquò fasiá tròp e la patida virèt a l’avantage dels Blaus menats per l’arrièr Tedesco que ganhan aqueste primièr rendètz-vos: 22-12.
Las doas formacions se tornaràn trapar lo dimenge 24 de junh a Sydney e los Blaus espèran que Sant Joan virarà enfin al fuòc d’artifici!
Alan Roch
Imatge:
En Copa Nitard, la competicion juniors, los joves lesinhaneses se mostrèron mai fòrts e inspirats que los Canaris de Carcassona que tenguèron pas la distància: 50-24, marca finala.
La finala de la Copa Lòrd-Derby opausava St Estève-XIII Catalan a Limós. Coma previst, los catalans faguèron mòstra de lor rapiditat de circulacion de la palma per menar lèu 16-0. Mas los limosencs èran pas venguts en victimas e tornèron a 16-12 abans la pausa. A la represa, los catalans tornèron faire lo trauc: 26-12. Los limosencs repliquèron amb dos ensages per tornar a 20-26 (e lor capitani manquèt una transformacion fàcia a las barras). Los audencs finiguèron qu’egalizèron mas poguèron pas passar lo tombat decisiu. Calguèt anar a las prolongacions. Durèron 7 minutas: fins a un ensag del centre pianenc Ambert qu’ofrissiá lo trofèu a sa formacion, 30-26.
Qual passarà los barratges?
En barratge del campionat d’Elèit 1, aqueste dissabte 16, Avinhon reçauprà Carcassona. Pronostic en favor dels provençals qu’an ganhat las doas oposicions de la sason e qu’auràn l’avantage de jogar sus lor pelena.
Dimenge, Lesinhan reçauprà Albi: aquò promet una partida sarrada. Dins la sason regulara, Lesinhan ganhèt a Albi e Albi venguèt ganhar fa una brava mesada al Molin!
Los Dragons tornan prene vam
Dissabte, a Brutus, los Dragons recebián los darrièrs de Superliga: los Vikings de Widnes. Calguèt esperar lo segond temps per veire los catalans s’impausar: 32-12. Tornan atal a un punt dels 8ns los Gigants d’Huddersfield que ganhèron a Leeds actualament en pana. La partida entre las 2 formacions aqueste divendres en Anglatèrra serà decisiva per una plaça dins lo Super 8 per poder viure dins la serenitat la fin de la sason.
Tolosa: rendètz-vos a Albi
En Championship, dissabte de vèspre a Blanhac, lo Tolosa Olimpic signèt sa dotzena victòria de la sason fàcia a Batley: 42-26. Aqueste dissabte 16, es sus la pelena de l’Estadium d’Albi, que los tolosans reçaupràn los Centurions de Leigh dins una jornada que serà una granda fèsta esportiva.
Los Marrons an… lo blues!
Aqueste dimècres, se debanava a Melbourne lo primièr Estats d’Origina de la sason davant 90 000 espectators. Dempuèi 2006, Nòva Galas de Sud a ganhat un sol còp una tièra de las 3 partidas annalas. Mas Queensland a renovelat sa formacion amb las retiradas de Cooper Kronk, Jonathan Thurston e Cameron Smith, sens parlar de la nafradura de Billy Slatter. Aquò fasiá tròp e la patida virèt a l’avantage dels Blaus menats per l’arrièr Tedesco que ganhan aqueste primièr rendètz-vos: 22-12.
Las doas formacions se tornaràn trapar lo dimenge 24 de junh a Sydney e los Blaus espèran que Sant Joan virarà enfin al fuòc d’artifici!
Alan Roch
Imatge:
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo resultat que saunetge:
Catalans 50, Paris Sant Germen 2.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari