CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimenge, 15 de setembre

Actualitats

Diluns, 5 de novembre de 2012, 03h00 Societat,Politica,Internacional

L’arrestacion d’Aurore Martin dobrís una crisi politica dins l’Estat francés


Comentaris 9 comentaris    
Marrit Flac Bon Plan bon Fabulós (3 vòtes)
carregant En cargar


Polemica per l’arrestacion e extradicion en Espanha de la militanta de Batasuna venent del Bascoat Nòrd, ont aquel partit es legal. Lo govèrn francés se desinterèssa dels faches. Hollande participèt a una manifestacion contra la pretension espanhòla, abans d’èsser president.


L’arrestacion d’Aurore Martin, facha per la polícia francesa en compliment d’un òrdre d’arrestacion de la justícia espanhòla, e lo sieu transferiment dins una preson de Madrid, an generat una enòrma polemica dins l’Estat francés. Espanha reclama Martin en l’acusant d’èsser dirigenta de Batasuna, una organizacion considerada terrorista dins l’Estat espanhòl mas qu’es legala dins l’estat francés. Martin es ciutadana francesa e la siá extradicion a levat tantas protèstas que lo govèrn francés s’es vist obligat d’afirmar que se podiá pas empedir l’arrestacion perque veniá d’un mandat judicial europèu.
 
Dins una comparucion publica, un centenat d’elegits de totas las sensibilitats politicas e de membres del collectiu Bake Bidea (Camin de la Patz) an demandat d’explicacions al govèrn francés per l’arrestacion e l’extradicion de Martin, que risca una demanda de preson de fins a dotze ans.
 
Denóncian que Martin èra perseguida dins l’estat espanhòl que per un delicte d’opinion e an apelat a un acamp de protèsta uèi, a Baiona (Baish Ador). L’Audiéncia Espanhòla acusa Aurore Martin —militanta activa de Bake Bidea— d’aver participat a de reünions publicas en qualitat de sòcia de Batasuna, partit illegalizat dins l’estat espanhòl mas legal dins l’Estat francés. Los tribunals espanhòls lancèron a la fin de 2010 un mandat d’arrestacion europèu contra Martin, que desapareguèt alavetz de la vida publica, mas que i tornèt fa qualques meses.
 
Aurore Martin foguèt arrestada dijòus per de gendarmas pendent un contraròtle estradièr. Foguèt sul pic liurada a las autoritats espanhòlas, que n’avián sollicitat l’extradicion, ja que lo Tribunal de Pau (Bearn) aviá acceptada aquela demanda d’extradicion arunan. Èra lo primièr còp qu’un tribunal de l’Estat francés acceptava d’extradir un sòci de Batasuna de ciutadaniá francesa. Dissabte, lo jutge de l’Audiéncia Nacionala espanhòla, Pablo Ruz, mandèt Aurore Martin  en preson après li imputar un delicte d’integracion de banda armada en qualitat de dirigenta.
 
 
Polemica dins l’Estat francés
 
La decision del govèrn francés es estada refusada per de politicians d’esquèrra e de drecha, e quitament tres parlamentaris del PS, qu’es lo partit del president François Hollande, an criticat lo ministre de l’Interior, Manuel Valls, per complir un òrdre europèu qu’aviá pas aplicat lo sieu predecessor (lo del govèrn Fillon jos la presidéncia de Sarkozy). Valls a respondut a las criticas en disent qu’el a pas res a veire e que l’aplicacion de l’òrdre d’arrestacion espanhòla èra automatica. Lo tèma es estat portat a totes los informatius e jornals de l’estat, en provocant una enòrma polemica. Per contra, dins los mèdias de l’Estat espanhòl, se’n parla pas gaire.
 
Divèrsas associacions se demandan cossí es possible qu’una ciutadana francesa, sòcia d’una organizacion legala en França, pòsca èsser liurada a las autoritats espanhòlas solament pel fach qu’en Espanha aquela organizacion es pas legala.
 
Lo president de la republica, François Hollande, aviá participat a una manifestacion en 2011, abans d’èsser president, contra la persecucion per Espanha d’Aurore Martin.
 
 
Criticas d’EH Bildu e del PNB
 
Dins lo Bascoat Sud, La dirigenta d’EH Bildu, Laura Mintegi, a soslinhat que l’arrestacion e l’empresonament avián pas cap de basa politica ni juridica. A afirmat que lo govèrn espanhòl “empedís un procès de patz”. Del sieu costat, lo Partit Nacionalista Basco (PNB) a criticat los faches “chocants”, segon de paraulas del sieu president, Andoni Ortuzar, qu’a remembrat que l’arrestacion s’es facha dins l’encastre d’una lei dels partits que correspond a una estapa politica “ja superada”. S’agís d’una lei dels partits basada sus l’afirmacion que tota l’esquèrra independentista basca es ETA.



publicitat
BANER1-2-3: DGPL DICTADES



Comentaris

7 de novembre 16.05h

Vertat es qu'es quicòm de nòu de liurar una ciutadana francesa a un autre país pel motiu qu'es sòcia d'una associacion enebida dins lo país en question mas pas en França. Aquí es possible qu'aquò faga jurisprudéncia dins l'avenidor.
Caquelà nòti qu'es l'estat francés que mandèt Aurore Martin cap a l'estat espanhòl pel biais dels tribunals. L'estat francés fasiá pas qu'aplicar automatic una decision de nivèl europèu al mejan d'un mandat europèu.
Quora disi l'estat es pas lo g... Legir mai


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

7 de novembre 09.13h

La question, tà jo, que's pausa hèra
de qu'anava a har hens esta galèra ?


Valoriza aqueste comentari:   votar positiu 0   votar negatiu 2
Respondre comentari replica Comentari inadeqüat   Formulari d'abús de comentari

5 de novembre 14.29h

#6 Plan mercés, Robèrt de Lauragués. La revolucion, la trabalhi ieu per enseminacion naturala pertot ont endintri. Fa que coneissi pas aquestas celulas localas del nom sinistrament localista, mas del programa tant positiu dins son intitolat. Vos desiri a totes bon vent (e non pas bons vents, se veses çùo que vòli dire). Contunhi ieu de convertir d'incurables escurantistas a la lutz revolucionària sul mieu sendero luminoso.

Hasta la revolucion, siempre !


Valoriza aqueste comentari:   votar positiu 1   votar negatiu 5
Respondre comentari replica Comentari inadeqüat   Formulari d'abús de comentari

5 de novembre 10.04h

#4 Amic revolucionari. Caldriá que coneguèsses l'esquèrra revolucionària del tieu país. "Libertat, esquèrra revolucionària d'Occitània" (www.libertat.org) a de grops locals en Bearn, Gasconha nòrd, Val d'Aran, Lengadòc, Carcin, Auvèrnhe, Provença... Ebé, los qu'an signat aquel comentari son los de la seccion bearnesa de Libertat! Per aquò se sonan "Libertat Bearn".


Valoriza aqueste comentari:   votar positiu 9   votar negatiu 1
Respondre comentari replica Comentari inadeqüat   Formulari d'abús de comentari

5 de novembre 09.35h

Del temps de la segonda guèrra mondiala, los guerrejaires esperduts de la Resisténcia èran dit tanben "terroristas pels ocupants d'Occitània, de França, etc… Al final d'aquesta guèrra, foguèron qualificats d'eròis nacionals. Qu'un jorn advenga l'independéncia d'Euskadi, e ne tornarem parlar.


Valoriza aqueste comentari:   votar positiu 4   votar negatiu 1
Respondre comentari replica Comentari inadeqüat   Formulari d'abús de comentari

5 de novembre 09.28h

#1 "Libertat Bearn" ? Un nom curiós : d'un costat se vòlon liberar, e de l'autre, s'embarran dins son polit Beran mairal… Devon èsser mistics, en quista de sabi pas quina liberacion interiora. Bodistas, benlèu ?


Valoriza aqueste comentari:   votar positiu 2   votar negatiu 6
Respondre comentari replica Comentari inadeqüat   Formulari d'abús de comentari

5 de novembre 09.25h

#1 Doncas, s'o ai plan tot comprés, Lo partit socialista francés seriá favorable a l'alienacion, la division e lo junta en Euskadi… E doncas, los socialistas franceses serián tanben, fin finala, los "enemics de la libertat deus pòbles e de la democracia, los dignes eretèrs de Franco." Mas alara, nos aurián mentits ! Serián pas tant socialistas qu'aquò, fin finala… Cossí es possible, aquò ? Empega, macarel…


Valoriza aqueste comentari:   votar positiu 3   votar negatiu 1
Respondre comentari replica Comentari inadeqüat   Formulari d'abús de comentari

5 de novembre 09.24h

"Per l'independéncia, l'unitat e lo socialisme au País Basco
Gora Euskal Herria, Aurore Askatu !" : e tanben en Occitània, non ?


Valoriza aqueste comentari:   votar positiu 4   votar negatiu 1
Respondre comentari replica Comentari inadeqüat   Formulari d'abús de comentari

5 de novembre 08.16h

Libertat ne's hasèva pas d'illusions sus l'arribada au poder deus socialistas francés e deus lors aliats verds o ròses. Mes l'arrestacion d'Aurore Martin, militanta de Batasona en Bascoat nòrd (donc dens l'estat francés) que s'assimila a ua provocacion grèu tà tornar hicar en causa lo procèssus de patz aviat per l'esquèrra independentista basco.

Nosautes, militant(a)s occitan(a)s que condemnam fèrmament l'arrestacion d'Aurore Martin e l'aplicacion deu Mandat d'Arrèst Europèu (MAE).... Legir mai


Valoriza aqueste comentari:   votar positiu 8   votar negatiu 1
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL AN LAFONT

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 31
  • sol Aush 31
  • sol Bordèu 32
  • sol Briançon 24
  • sol Caors 32
  • sol Carcassona 27
  • sol Clarmont-Ferrand 32
  • sol Confolent 31
  • sol Gap 22
  • sol La Canau 32
  • sol La Gàrdia 29
  • sol Limòtges 31
  • sol Lo Borg Sant Dalmatz 25
  • sol Lo Puèi de Velai 30
  • sol Marselha 29
  • sol Montpelhièr 28
  • sol Naut Aran 27
  • sol Niça 26
  • sol Nimes 31
  • sol Pau 29
  • sol Peireguers 32
  • sol Rodés 31
  • sol Tolon 32
  • sol Tolosa 30
  • sol Valença 32

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • Sus l'autorota, en arribar del nòrd (fòto presa a 130km/h). © Lutz

    Concors d'estiu 2012: La fotografia de las vacanças

  • © Laurenç Revèst

    Menton, 'a vivaroalpenca maritima

  • © Franc Bardòu

    Coserans al còr

  • @ Lisa Gròs

    De ruscas

  • © Asalaís Moniguet

    Montpelhièr la lengadociana

  • País de Rasés. © Franc Bardòu

    País de Rasés

  • © Franc Bardòu

    País Bordalés

  • © Franc Bardòu

    Catalonha etèrna

  • © Aure Séguier

    Carnaval Biarnés 2017

  • © Catarin Seguran

    Pargue nacionau dels Escrinhs vist de Pratpic (vierar d'Orsiera) a la partença de la valaa dau Drau Nier en Aut Champsaur

  • © Zep Armentano

    XI prèmis Gaudí de l'Acadèmia Catalana del Cinèma

  • © Laurenç Revèst

    Besièrs, preséncia d'occitan en ciutat e CIRDOC

  • Grépia de l'Ostal Sirventés (Cercle occitan del país de Carcassona). © Mirelha Braç

    Concors de Nadal de Jornalet: Cossí se passan las Calendas en cò vòstre?

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • © Xavi Gutiérrez Riu

    Coserans: Sent Líser, Casavèth, Sent Guironç, Saurat...

  • Asuèlhs de Menerbés. © Franc Bardòu

    Asuèlhs de Menerbés

  • Petugon de La Boal

    Conferéncia e dedicaça de l'artista Richard Cairaschi au Musèu municipau deis Arts e Tradicions populàrias de Grimaud (Mauras)

  • © Laurenç Revèst

    Menton, 'a vivaroalpenca maritima

  • Asuèlhs de Menerbés. © Franc Bardòu

    Asuèlhs de Menerbés

  • Minecraft en version occitana

publicitat

LATERAL2 330x60: Casteth Paums



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)