CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimenge, 18 d'agost

Actualitats

Dissabte, 16 de junh de 2018, 03h00 Environament,Politica,Societat

Gasconha > Val d'Aran > Marcatosa

Lo Conselh General d'Aran demanda que se capture e se repàtrie l'ors Goiat

Las autoritats aranesas sollicitaràn de la Generalitat de Catalonha la repatriacion d'aquel ors a causa de son agressivitat excessiva


Comentaris 24 comentaris    
Marrit Flac Bon Plan bon Fabulós (4 vòtes)
carregant En cargar


Lo Conselh General d'Aran demandarà a la Generalitat de Catalonha que se capture e se repàtrie l'ors Goiat a causa de son agressivitat manifestada dins las darrièras annadas. Atal, los conselhièrs de l’institucion aranesa suprèma decidiguèron divendres a l'unanimitat de sollicitar de la Direccion Generala de las Politicas Environamentalas de la Generalitat la repatriacion del plantigrad.
 
Segon lo sindic d'Aran, Carlos Barrera, l'acòrdi ven en seguida de las atacas repetidas, del comportament anormal e de l'instint agressiu de l'ors Goiat. L'obsession de Goiat pels cavals dificulta enòrmament las mesuras de proteccion, que son pro malaisidas per l'elevatge equin del país de cap de Garona.
 
Fa un an, après mai d’una ataca de Goiat contra l’elevatge d’Aran, lo Conselh General d’Aran organizèt una reünion tecnica per avalorar los assauts. Alavetz se mesurèt la portada de las atacas malgrat las mesuras de proteccion e se decidiguèt de realizar un seguiment mai intensiu de l’animal, bòrd que las donadas del GPS que contraròtla l’ors arriban amb qualques oras de retard. Tanben se resolguèt de far una compilacion de tota l’informacion disponibla per analisar las circonstàncias de cadun dels assauts, e mai dels que se son produches fòra Aran, per avalorar amb precision la conducha del plantigrad en question.
 
Ara los conselhièrs araneses demandan que se transferisca l'ors en Eslovènia, e sollicitan una reünion tecnica amb los responsables del programa de reïntroduccion de l'ors de la Generalitat per metre en comun tota l'informacion disponibla sus las atacas e los comportaments de qualques especimens en Aran. Dins aquel sens se desira l’establiment d’un protocòl que fixe las accions d’aplicar dins lo cas dels orses conflictius.
 
E mai se lo Conselh General d'Aran pren en carga las responsabilitats de las accions dels orses, que ne fa lo seguiment, e ne paga las indemnitats, lo govèrn aranés a pas l'autoritat per decidir uniletaralament la captura e la repatriacion dels animals considerats excessivament agressius.
 
 
Lo menèron d'Eslovènia en junh de 2016
 
L'ors Goiat lo menèron en junh 2016 passat d’Eslovènia e lo liberèron al centre dels Pirenèus dins l’encastre del programa Piroslife. Segon de donadas de 2015, i auriá 33 especimens d’orses dins los Pirenèus, dont 10 femes. Pasmens, un solet mascle seriá paire e pairegrand de totes los orses nascuts dins las darrièras annadas. Per aquela rason, en seguida de la mòrt de l’ors Balou en 2014, decidiguèron de i menar Goiat. Aquel nom, que poiriá sonar occitan, foguèt causit en Palhars (Catalonha). En catalan d’aquel parçan tenon l’occitanisme “goiat” que vòl dire “gojat”.
 
 
 




abonar los amics de Jornalet



publicitat
BANER1-2-3: DGPL TRADUCTOR



Comentaris

17 de junh 17.17h

#23 Òc, qu’èm ad ua, ja. Çò qui non pòdem pas har shens de’n pagar las consequéncias qu’ei contunhar com audavant e ahirar lo deute a’us de mei, vesins, mainadís, etc.
#18 Tanben, lo nombre d’atacs en America deu nòrd que’s deu raportar a la densitat de populacion. Los sèt ans que vivoi au Canadà, per tant qui m’ac brombi ne s’i a pas parlat sonque de 2 o 3 atacs mortaus, deus quaus l’un au mensh estó imputat a ua imprudéncia de la victima. Mes en generau los qui v... Legir mai


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

17 de junh 16.00h

#21 Òc que soi d'acòrd dab çò qui dises, qu'ei un subjècte pelut ( lol). Mei aisat d'arrelocalizar ua bèstia au Canadà o en Russia que per las Pirenèas. Jo ne disi pas que cau har purmèr lo sauvament deus òmis o deus òrs. Que disi sonque que har l'un shens l'aut d'aquera faiçon ne miarà en lòc o meilèu a çò se uei o quasi totas las comunas montanhòlas ne vòlen pas de l'ors. E cresem que s'i esparbalharà totun? Qu'ei un subjècte tecnic d'argec deu territòri qui non mestreji... Legir mai


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

17 de junh 15.16h

#18 Tèèèèè cresiai qu'i avia cap de problemas ça nos disias...

De tot biais los Araneses gerisson lor airal coma vòlon, ambe d'elegits e se passaràn dels conselhs e vejaires d'un potomartin de burèu qu'es pas elegit d'enluòc e qu'estatja pas en aran..


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

17 de junh 15.03h

#15 Solide har encapir aus umans que ne son pas l’alfa e l’omèga deu vivent ne serà pas pro, mes qu’ei ua precondicion sine qua non. O sinon que s’i canta tostemps medisha sonsaina:
Meòc que cau sauvar los ors mes purmèr que’s cau encuentar de l’economia rurau…
Meòc que cau avisà’s a las balenas encalhadas mes purmèr que cau portar ajuda aus refugiats…
Meòc que cau sauvar l’occitan mes purmèr que cau crear emplecs…
… com si calè causir! Figura retorica dita deu... Legir mai


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

17 de junh 13.50h

la realitat es lo subrepasturatge de la zòna montanharda pirenenca per un pasturatge intensiu amb de bèstias largadas en camion gràcia a de pistas dins totes los recantons dins l'idea de competir amb lo mercat europèu de produccion intensiva, Los Pirenèus son ara une zòna naturala fòrça degradada per lo subrepasturatge e une politica d'estacions d'esqui e de multiplicacion de las rotas al profièit del BTP amb una vida salvatge redusida (fa mai de 10 ans que lo parc nacional non a pas ... Legir mai


Valoriza aqueste comentari:   votar positiu 3   votar negatiu 2
Respondre comentari replica Comentari inadeqüat   Formulari d'abús de comentari

17 de junh 13.14h

Article tras qu'interessant : https://ici.radio-canada.ca/nouvelle/787608/morts-animaux-requins-alligator-ours-abeille-guepe
Avetz plan mai de chanças de murir fodrejat o de murir trepinhat o embanat per una vacha que de murir d'una ataca d'orsa.


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

17 de junh 11.02h

Ten, una estatistica reala : http://www.maxisciences.com/ours-noir/attaques-d-ours-les-statistiques-bousculent-les-idees-recues_art14567.html
69 atacas mortalas en mai d'un segle nonmàs, confirma çò que disiá , avetz mai de chança de ganhar au loto crese que de vos far atacar per una orsa. Quantben d'activitats umanas fan mai de morts? Un fum. Quantben d'orsas tuadas per los umans? De centenats de còps mai, aquò segur.... Legir mai


Valoriza aqueste comentari:   votar positiu 2   votar negatiu 1
Respondre comentari replica Comentari inadeqüat   Formulari d'abús de comentari

17 de junh 10.52h

#16 Ten, me fai pensar ad una istorieta risoliera: Un pestre crestian se permena en Africa e subran, te vei un lion que cors vers eu, adonc se met de prejar lo senhor en li damandant de rendre crestian aqueu lion e capable de prejar eu tanben, ad aqueu moment, lo lion se 'resta e ditz "Senhor, benissetz lo meu repas."
Afen, emb tot çò que tuan los umans sus Terra (6a extinction màger de las espécias), podrián totparier acceptar de laissar deçai-delai e de temps en temps, un pauc de plaça... Legir mai


Valoriza aqueste comentari:   votar positiu 2   votar negatiu 1
Respondre comentari replica Comentari inadeqüat   Formulari d'abús de comentari

17 de junh 07.00h

#13 e òc problemas mai que bels ça me diguèc una amiga mia qu'es del
Lac saint jean.
Se vas endacòm minjar sus l'erba val melhor aver la carabina a posita.

Fin finala acceptas de te far atacar benleu minja per un ors.
Impausas pas als autres. Bon apetit...a l'ors non pas a tu !


Valoriza aqueste comentari:   votar positiu 1   votar negatiu 1
Respondre comentari replica Comentari inadeqüat   Formulari d'abús de comentari

17 de junh 02.48h

#14 lo Canadà, la Russia que son espacis hèra mei espandits e estremats d'activitats umanas que las vaths premudas de las Pirenèas. Que volhim entroduir ors eslovèns endà arremplaçar la raça exterminada de las Pirenèas ( ors eslovèn qui n'ei pas miaçat au men sabut), qüan aquò ne cambia pas arren a la bio-diversitat d'un punt de vista globau ( e òc per'mor qu'aquera espècia que s'esparbalha en Eslovènia) que pòt estar enteressant mes que con.hessaràtz que n'ei pas un prètz-hè... Legir mai


Valoriza aqueste comentari:   votar positiu 0   votar negatiu 1
Respondre comentari replica Comentari inadeqüat   Formulari d'abús de comentari

5 -10 -20 -totes
1
-
2
-
3 >




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL DICTADES

Editorial

Lo drech de viure es pus important que totas las frontièras

Uèi, dimenge 18 d’agost, fa 18 jorns que l’Open Arms reten malgrat el mai d’un centenat de migrants socorreguts en marrit estat de santat. Enfin, lo naviri es arribat davant ...
giny

Lo temps

Mapa
  • sol Agen 13 6
  • sol Aush 15 4
  • nuvols Bordèu 10 -1
  • sol Briançon 6 -6
  • sol Caors 14 0
  • sol Carcassona 14 2
  • pluja Clarmont-Ferrand 11 5
  • pluja Confolent 9 5
  • sol Gap 14 0
  • nuvols La Canau 13 6
  • sol La Gàrdia 22 9
  • nuvols La Torre de Pèlitz 16 4
  • pluja Limòtges 9 5
  • sol Lo Borg Sant Dalmatz 18 6
  • sol Lo Puèi de Velai 16 4
  • nuvols Marselha 18 6
  • nuvols Montpelhièr 17 8
  • nuvols Naut Aran 12 2
  • sol Niça 14 0
  • nuvols Nimes 19 5
  • nuvols Pau 15 5
  • pluja Peireguers 19 5
  • pluja Rodés 17 3
  • nuvols Tolon 17 3
  • sol Tolosa 19 5
  • pluja Valença 10 -1

giny

giny

giny

Vidèos

Entrevista

Mn. Condò siguec hilh dera Renaishença Catalana

Jusèp Amiell prèire e escrivan aranés

Mn. Condò siguec hilh dera Renaishença Catalana
giny

giny

publicitat

lateral 2 teveoc

Fotografias

  • © Asalaís Moniguet

    Montpelhièr la lengadociana

  • © Aure Séguier

    Carnaval Biarnés 2017

  • © Laurenç Revèst

    La botiga de Macarèl a Sant Joan de Vedats (Montpelhierenc)

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • © Adriana Díaz

    Canas 2019

  • © Zep Armentano

    XI prèmis Gaudí de l'Acadèmia Catalana del Cinèma

  • © Franc Bardòu

    Asuèlhs Bigordans

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • © Aure Séguier

    Carnaval Biarnés 2017

  • Un bòn anniversari. © Laurenç Revèst

    Concors d'estiu 2012: La fotografia de las vacanças

  • Omenatge a Aragon. © Franc Bardòu

    Omenatge a Aragon

  • © Laurenç Revèst

    Las Cevènas, Barjac en Val de Cese

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • © Zep Armentano

    XI prèmis Gaudí de l'Acadèmia Catalana del Cinèma

  • Estacion de trens de Limós (Rasés) - Senhalizacion en occitan. © Terric Lausa

    Estacion de trens de Limós (Rasés) - Senhalizacion en occitan

  • © Laurenç Revèst

    Menton, 'a vivaroalpenca maritima

  • © Franc Bardòu

    Coserans al còr

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • © Aure Séguier

    Carnaval Biarnés 2017

  • © Laurenç Revèst

    Fòrt Maginòt de Sant Anhe

publicitat

lateral 2 teveoc



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Creses que refusar de socórrer los migrants es racista?


37%



51%



12%



0%




Vots 43 vòtes

comentaris 1

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)