CAPÇALERA2: FAI-TE SOCI

Jornalet, gaseta occitana d'informacions

Dimars, 19 de febrièr

Actualitats

Diluns, 18 de junh de 2018, 03h00 Economia,Escòla,Politica,Societat

Gasconha > Lanas e Labrit > Maremna

Soston: l'escòla Nidau en perilh per manca de finançament

Dab un budget provisionau qui deberé gahar 42 000 èuros, l'escòla bilingua demandava 6000 èuros a l'ÒPLO, que ne perpausa pas que 1000 èuros


Comentaris 3 comentaris    
Marrit Flac Bon Plan bon Fabulós (7 vòtes)
carregant En cargar


Escòla Nidau





A Soston (Maremna), l’escòla Nidau —ua escòla Montessori bilingua francés/occitan— qui va obrir en seteme qu’ac harà dab hèra chic de sostien financèr de las institucions dedicadas.
 
E totun, b’ei sedusent e novator, aqueth projècte! En efèit, qu’ei lo tot prumèr còp que s’espeleish ua escòla associativa bilingua francés/gascon en las Lanas, un parçan on la quita Federacion Calandreta e s’i mauescadó mei d’un còp (ne n’i a pas nada uei lo dia). Aquiu, 15 mainats que son d’ara endavant inscriuts per la rentrada qui vien.
 
Au nivèu educatiu, pedagogic e lingüistic, lo projècte que sembla hèra a’us qui son sostienuts, mes aqueth ne n’ei pas, o hèra chic, se consideram los besonhs d’ua escòla, sustot la prumèra annada. Lo projècte Nidau que respon totun a tots los critèris entà recéber un finançament adequat, dab mei que mei son caractèr d’interès generau e lo tribalh de socializacion de la lenga.
 
Dab un budget provisionau qui deberé gahar 42 000 èuros, ne’n demandavan pas que 6000 èuros a l’Ofici Public de la Lenga Occitana (ÒPLO). Malurosament, aqueth ne’n perpausaré pas que 1000 èuros a la sesilha d’arbitratge a viéner, çò qui condamnaré  lo projècte dens son format actuau, segon Didier Tousis, un deus portaires deu projècte, qui ac hidè a Ràdio País dens ua letra enviada lo 5 de junh passat. Que bremba tanben que lo departament de las Lanas ne tòca pas nada subvencion de l’ÒPLO, shens ne precisar totun la(s) rason(s): arrefús de finançar o abséncia de demanda d’ajuda (en mei de la lor), abans de’s questionar, eth tanben, sus l’estrategia miada per l’ÒPLO. Qu’espèra atau amuishar la situacion particulara de censura politica deus projèctes en favor de la transmission de la lenga dens lo departament de las Lanas e har virar la perpausicion purmèra de l’ÒPLO. 
 
Au micro de Ràdio País, lo director de l’Ofici Esteve Cròs qu’evoquè la tenguda de diferents obraders de concertacion aqueth mes de junh drin pertot en las regions nomenadas Occitània e Navèra Aquitània.
 
Probable que seràn animats, tant l’incompreneson e sembla ganhar daubuns militants.
 
En tot cas, peu dusau còp après l’ahar de las subvencions de Vistedit, l’ÒPLO que deu har cap a un navèth litigi deus bèths. De seguir.
 
 
 
 
Ràdio País
 
 
 




abonar los amics de Jornalet



 



publicitat



Comentaris

18 de junh 22.51h

#2 mercés d'encoratjar las inicitaivas navèras! Calandreta ne s'i escad pas, mes d'autes que s'i hèn!

PS : A despart de quauques ensenhaires, lo monde en las Lanas ne disen pas 'occitan' mes 'gascon'', desolat...


Valoriza aqueste comentari:   votar positiu 8   votar negatiu 8
Respondre comentari replica Comentari inadeqüat   Formulari d'abús de comentari

18 de junh 15.54h

Enas Lanas que i avó ua escòla Calandreta a La Boèira en 1999 e pendent 4 annadas. Que viscó shens ajuda publica financièra, dab locaus arredusits hèra pera municipalitat, d'ensenhaires enviats per Calandreta e hèra de tribalh militant der'associacion e deths parents. Qu'encontrà oposicions de totas, inspeccion d'acadèmia, municipalitat qui non volèva pas qu'ua escòla mairau, propaganda ostila (escòla illegau...) e "sistèma Emmanuelli" qui estofava era vita politica landesa... Per ... Legir mai


Valoriza aqueste comentari:   votar positiu 8   votar negatiu 8
Respondre comentari replica Comentari inadeqüat   Formulari d'abús de comentari

18 de junh 13.52h

OPLO: 2 / occitan: 0
En lengas i a los monolengas, los bilengas, los trilengas e a partir de 4 los poliglòts.
Sul sicut que nos interèssa, a partir de 4, serà un masèl per part de l'OPLO.
Serà lo reviscòl de Montfort 8 sègles aprèp.


Valoriza aqueste comentari:   votar positiu 7   votar negatiu 3
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Editorial

La manifestacion de Tolosa: una esperança per l’occitanisme

La darrièra agression que ven de la patir la lenga nòstra es fòrça grèva. Lo Ministèri de l’Educacion de París a mostrat una volontat evidenta de ...
giny

Lo temps

Mapa
  • nuvols Agen 12 2
  • nuvols Aush 12 2
  • nuvols Bordèu 11 -1
  • sol Briançon 9 -7
  • nuvols Caors 14 2
  • nuvols_parcials Carcassona 13 1
  • sol Clarmont-Ferrand 14 -1
  • nuvols Confolent 14 3
  • sol Gap 14 -1
  • nuvols La Canau 13 3
  • nuvols La Gàrdia 14 3
  • sol La Torre de Pèlitz 14 3
  • nuvols Limòtges 14 -1
  • sol Lo Borg Sant Dalmatz 14 2
  • nuvols_parcials Lo Puèi de Velai 10 -1
  • nuvols_parcials Marselha 14 2
  • nuvols Montpelhièr 12 4
  • sol Naut Aran 11 -2
  • sol Niça 8 -6
  • nuvols Nimes 14 2
  • nuvols Pau 11 -2
  • nuvols Peireguers 13 3
  • sol Rodés 14 1
  • nuvols_parcials Tolon 19 0
  • nuvols Tolosa 12 3
  • nuvols_parcials Valença 11 -1

giny

giny

giny

Vidèos

giny

giny

publicitat

lateral 2 teveoc

Entrevista

publicitat

LATERAL1 300X250: radio pais



publicitat

LATERAL2 330x60: Casteth Paums

Fotografias

  • © Laurenç Revèst

    Cavairac (Costièra de Nimes)

  • © Laurenç Revèst

    Besièrs, preséncia d'occitan en ciutat e CIRDOC

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • © Conselh Generau d'Aran

    Lo Torn de França 2016 en Aran

  • © Laurenç Revèst

    Fòrt Maginòt de Sant Anhe

  • Niça vièlha en occitan niçard. © LR

    Niça vièlha en occitan niçard

  • © Laurenç Revèst

    De las charrièiras de Genolhac (500 m. d'altitud) al bèlvéser de las Bosedas (1235 m.)

  • Mentan

  • Fèsta dal Dalfin al Borg. © Cristòu Daurore

    Fèsta dal Dalfin al Borg Sant Dalmatz

  • © Zep Armentano

    XI prèmis Gaudí de l'Acadèmia Catalana del Cinèma

  • © Franc Bardòu

    Asuèlhs Bigordans

  • Alejandro Benito Rusiñol

    Concors de preseps, betlèms o grépias

  • Coserans: Sent Líser, Casavèth, Sent Guironç, Saurat...

  • País de Rasés. © Franc Bardòu

    País de Rasés

  • Ferriòl Macip

    Manifestacion Anem Òc! per la lenga occitana. Montpelhièr 24 d'octòbre de 2015

  • Còth deth Tormalet, 18/07/2012

  • Niça vièlha en occitan niçard. © LR

    Niça vièlha en occitan niçard

  • Minecraft en version occitana

  • © Franc Bardòu

    Tresaurs andorrans

  • Valadas. © Xavi Gutiérrez Riu

    Valadas

giny

Las mai...

publicitat

LATERAL2 300x250: Cultura Conselh Aran

giny

Sondatge

Creses que la manifestacion de Tolosa a portat un vam nòu al combat occitanista?


64%



17%



8%



6%



5%




Vots 111 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny


Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)