Bandièra01 1180x150: Comuna de Tolosa

Actualitats

Itàlia: Matteo Salvini ditz que vòl recensar los ròms

Sas declaracions an portat lo primièr mescòrdi seriós dins la coalicion de govèrn

Es arribat lo primièr desacòrdi seriós al sen del govèrn italian de coalicion entre lo Movement Cinc Estelas (M5E) e la Liga. Las declaracions del ministre de l’Interior, Matteo Salvini, a prepaus de l’organizacion d’un “recensament de ròms” per expulsar los que se trobarián en situacion irregulara, a pas agradat al sòci de l’M5E Luigi di Maio, qu’a exigit una rectificacion.
 
“Cal un registre per veire quins, cossí, quantes. Ensajam de comprene cossí intervenir en refasent çò qu’a son moment s’apelèt recensament […] per aver un imatge e comprene aital de qué parlam”, çò assegurèt dimars passat Salvini dins de declaracions a la cadena de television Telelombardia. “Malaürosament, los ròms italians devon demorar en cò lor”, diguèt quitament.
 
Qualques oras pus tard, Salvini nuançava en precisant qu’aviá pas idèa “d’enregistrar degun” mas que cercava “un estudi de la situacion dels campaments de gitanos” amb la tòca de “protegir de milièrs d’enfants que lor permeton pas d’assistir a l’escòla amb regularitat perque preferisson de los introduire dins la delinquéncia”. Di Maio, qu’es lo ministre del trabalh, s’es mostrat “a son aise” pel fach que son sòci de govèrn aja refusat “cap d’ipotèsi de recensament d’immigrants” perque quicòm d’“inconstitucional” se pòt pas far.
 
L’iniciativa de Salvini a recebut una avalanca de criticas, en particular de l’èx-primièr ministre italian, Paolo Gentiloni. “Ièr los refugiats, uèi los ròms e deman de pistolets per totes. Coma es fastigós d’èsser marrit!”, çò a dich l’èx-primièr ministre sus Twitter.
 
L’eurodiputat catalan Ernest Urtasun, pel mejan d’una fiulada sus Twitter, a avertit que la Comission Europèa ‘deu far téner la rega’ a Salvini. Urtasun a anonciat lo depaus d’una demanda davant la CE per que siá ‘atentiva’ a de possiblas violacions ‘dels dreches fondamentals mai basics’.
 
L’eurodeputat catalan Ernest Urtasun a denonciat a la Comission Europèa las declaracions de Salvini .
 
 
 

 
 

 
 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
1.

Cal recensar los racistas coma el e l'extrema dreita faissista.

Castilha 1-Catalunya 3.

  • 0
  • 0

Escriu un comentari sus aqueste article