Bandièra01 1180x150: País Invisible

Actualitats

Los amazighs de Libia refusan l’acòrdi de París

La comunautat berbèra planh que cap de sas revendicacions siá pas presa en consideracion dins la nòva Constitucion prepausada jos los auspicis de l’estat francés

| Tamazgha.fr
Se tenguèt lo 29 de mai passat a París una conferéncia internacionala sus Libia ont s’arribèt a l’acòrdi de convocar d’eleccions en decembre que ven e se prepausèt l’aprobacion d’una constitucion, que la comunautat amazigh refusa.
 
Lo Naut Conselh dels Amazighs de Libia (Amqim ameqqran n Imaziγen n Libya), a manifestat son desacòrdi car se ten pas en compte cap de las revendicacions del pòble berbèr sus la taula dempuèi l’an 2011, çò es l’oficialitat de la lenga amazigh e la reconeissença de l’identitat de Libia coma "amazigh e africana", d’acòrdi amb la realitat istorica e geografica del país e amb lo respècte per totas sas lengas e culturas.
 
En mai d’aquò, lo Naut Conselh dels Amazighs de Libia deplora una manca de transparéncia democratica d’aquel procès e anóncia una mobilizacion critica contra "aquel procès antidemocratic".
 
Per ne saber mai, Tamazgha.fr publica una entrevista de Hicham Hamadi, membre de la direccion del Naut Conselh dels Amazighs de Libia.

 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pirolet
2.

París vòl pas saupre res dels amazighs : per eles i a pas que d’arabs, error monumentala que reven a causir l’islam contra la laicitat.

  • 3
  • 0
Enric Mala Tèsta CNT@1936.CAT
1.

L'acòrdi de París ? Lo tractat de 1229 ? Ieu tanpauc o refusi !…

  • 6
  • 1

Escriu un comentari sus aqueste article