Bandièra01 1180x150: País Invisible

Actualitats

L’ÒNU acusa Argeria d'aver obligats 13 000 migrants de tornar a pè dins lo desèrt

Los daissan abandonats sus la frontièra amb Nigèr sens aiga ni noiridura a de temperaturas qu’atenhon los 48oC

L’ÒNU a acusat Argeria d’aver obligadas aperaquí 13 000 personas qu’ensajavan d’anar en Euròpea de recular devèrs lo desèrt al sud. Pendent l’an passat, aquela quantitat de personas, compresas de femnas prenses, caminèt dins lo desèrt sens argent, sens noiridura, sens aiga devèrs las frontièras de Nigèr o Mali.
 
Mai d’un vidèo mòstran de moments d’aquela marcha, jos de temperaturas que van entrò los 48oC. Argeria a  desmentits los faches e afirma que que se tracta sonque d’una campanha de descrèdit. Argeria recep pas de sòus de l’Union Europèa per arrestar los migrants, mas si qu’o fan Libia, Tunis, Marròc o Nigèr, devèrs los quals son encaminats.
 
Lo govèrn argerian mena las gents en autobuses o camions fins a la frontièra amb Nigèr, sus un no man’s land, e los daissa ailà abandonats. La vila nigeriana mai pròcha, ont la majoritat ensajan de se gandir, es Assamakka, aperaquí a quinze quilomètres al sud del ponch ont son abandonats. Es un pichon vilatge frontalièr ont i a paucas bastissas e un destacament de l’ÒNU qu’ensaja d’aculhir los que se tròban en piègers condicions. Per aquela rason, los migrants se veson obligats de caminar —o viatjar dins de camions de l’ÒNU—, cap al sud en direccion d’Arlit, qu’es a 200 Km al sud a travèrs del desèrt, e puèi saique devèrs Agadès —qu’es lo primièr luòc que se poiriá considerar coma una vila— qualques centenats de quilomètres al sud.
 
L’ÒNU crei que per cada migrant qu’es mòrt en ensajant d’arribar en Euròpa a travèrs de la Mediterranèa, n’i a dos qu’an perit dins lo desèrt del Sahara. L’organizacion de las Nacions Unidas calcula que dempuèi l’an 2015 lo nombre de migrants mòrts en ensajant de traversar lo Sahara despassa los 30 000.
 

 
 

 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
2.

Cresi que a lo desert d'Algeria non hi ha dret de pas liure, non hi pot passar tothom que vulga. Son sas frontieras e son territori. Cresi que tenen dret a fer ho.

  • 3
  • 0
E Passa Que T Ai Vist
1.

Sus la video en englès que metètz amb l'article, usan pas de l'eufemism "migrants", mas parlan de "negres". E es una de las claus dau problèma, aquel racism dels arabis contra los negres per comprene lo biais crudèl e inuman qu'an de los tractar, que siague en Argeria o en Libia. Jà qu'en arabi lo mèsma mot vol dire a l'encop "negre" e "esclau", pas besonh de faire un dessenh ! L'Occident se refusa a reconèisser (politicament corrècte obliga !) qu'aquel racism es tanben plan present dins las terrors d'invasion negra (d'un "perilh negre" tan coma abans se parlava d'un "perilh jaune") que fan flori al nostre. Europa civilizada espera que los arabis faguen lo missant trabalh a sa plaça, benlèu un pauc escandalizada per lors metodes, mas ipocritament tras que rassegurada.

  • 18
  • 4

Escriu un comentari sus aqueste article