Actualitats
Aprèp Auvèrnhe, Arc Nòrd Mediterranèa jòga a Malhòrca
Dins lo projècte, los occitans de Mar e Montanha an recampat los catalans de Va de Vent de Reus e Tarragona, los calabreses de Totarella e los malhorquins dels Xeremiers de Sóller
La dimenjada passada, Arc Nòrd Mediterranèa joguèt al festenal Hautes Terres (Nautas Tèrras) a Sant Flor (Cantal). Aquesta dimenjada, lo projecte musical es a Sóller a las illas Balearas per lo Festenal Internacional de Xeremies.
Arc Nòrd Mediterranèa es un projècte musical e cultural engimbrat per lo grop lengadocian Mar e Montanha, es un rescontre entre quatre grops que jògan de bodega e d’autres instruments tradicionals. Dins lo projècte, los occitans de Mar e Montanha an recampat los catalans de Va de Vent de Reus e Tarragona, los calabreses de Totarella e los malhorquins dels Xeremiers de Sóller.
La dimenjada passada, son los cantalons qu’an pogut descobrir los instruments tradicionals de la partida nòrd de Mediterranèa e ausir las diferentas lengas. Passacarrièra, balètis, explicacions, lo grop bèl joguèt dissabte 23 e dimenge 24 de Junh al festenal Nautas Tèrras de Sant Flor. Aquel festenal, a sa creacion, se voliá un rescontre de culturas de montanha. Amb Arc Nòrd Mediterranèa, avián tanben de grops montanhòls: los calabreses de Totarella venon d’Alessandria del Carretto a 1000m d’altitud dins lo pargue del Pollino, los bodegaires de Mar e Montanha son de Montanha Negra e los malhorquins son de Sóller, de la Sèrra de Tramontana de Malhòrca.
Es justament lo torn dels sollerics d’aculhir lo projècte aquesta dimenjada lo divendres 29 e lo dissabte 30 de junh. Organizan per lo segond còp lo Festenal Internacional de Xeremies ont en mai dels occitans, dels calabreses e dels catalans d’Arc Nòrd Mediterranèa, i aurà tanben un grop galèc Xustra de Coruxo. Aquò se passarà sul pòrt de Sóller lo divendres de ser e sus la plaça de Sóller lo dissabte amb una animacion del mercat, una presentacion dels instruments tradicionals del projècte Arc Nòrd Mediterranèa e un concèrt final.
Arc Nòrd Mediterranèa es un projècte excepcional que, per lo primièr còp, se rescontran aqueles instruments qu’a l’encòp se semblan fòrça e son diferents. Sus l’empont, lo public pòt descobrir mai de dètz instruments diferents: las cabretas (la bodega occitana, la xeremia malhorquina, lo sac de gemecs catalan e la zampogna calabresa), los autbòis (autbòi de Lengadòc Bas, la tarota catalana e la totarella calabresa), lo flabiol malhorquin e las percussions (lo tamborn de barca setòri, la bomba de Lauragués, lo timbal catalan, lo tamburello calabrés e lo tamborin dels flabiolaires malhorquins ). Lo grop jòga lo repertòri, presenta una dança e canta dins la lenga de cada país.
Lo projècte Arc Nòrd Mediterranèa es sostengut per la Region qu'a pres lo nom d'Occitània e l’Euroregion Pirenèus-Mediterranèa.
Melania Zetofré
Arc Nòrd Mediterranèa es un projècte musical e cultural engimbrat per lo grop lengadocian Mar e Montanha, es un rescontre entre quatre grops que jògan de bodega e d’autres instruments tradicionals. Dins lo projècte, los occitans de Mar e Montanha an recampat los catalans de Va de Vent de Reus e Tarragona, los calabreses de Totarella e los malhorquins dels Xeremiers de Sóller.
La dimenjada passada, son los cantalons qu’an pogut descobrir los instruments tradicionals de la partida nòrd de Mediterranèa e ausir las diferentas lengas. Passacarrièra, balètis, explicacions, lo grop bèl joguèt dissabte 23 e dimenge 24 de Junh al festenal Nautas Tèrras de Sant Flor. Aquel festenal, a sa creacion, se voliá un rescontre de culturas de montanha. Amb Arc Nòrd Mediterranèa, avián tanben de grops montanhòls: los calabreses de Totarella venon d’Alessandria del Carretto a 1000m d’altitud dins lo pargue del Pollino, los bodegaires de Mar e Montanha son de Montanha Negra e los malhorquins son de Sóller, de la Sèrra de Tramontana de Malhòrca.
Es justament lo torn dels sollerics d’aculhir lo projècte aquesta dimenjada lo divendres 29 e lo dissabte 30 de junh. Organizan per lo segond còp lo Festenal Internacional de Xeremies ont en mai dels occitans, dels calabreses e dels catalans d’Arc Nòrd Mediterranèa, i aurà tanben un grop galèc Xustra de Coruxo. Aquò se passarà sul pòrt de Sóller lo divendres de ser e sus la plaça de Sóller lo dissabte amb una animacion del mercat, una presentacion dels instruments tradicionals del projècte Arc Nòrd Mediterranèa e un concèrt final.
Arc Nòrd Mediterranèa es un projècte excepcional que, per lo primièr còp, se rescontran aqueles instruments qu’a l’encòp se semblan fòrça e son diferents. Sus l’empont, lo public pòt descobrir mai de dètz instruments diferents: las cabretas (la bodega occitana, la xeremia malhorquina, lo sac de gemecs catalan e la zampogna calabresa), los autbòis (autbòi de Lengadòc Bas, la tarota catalana e la totarella calabresa), lo flabiol malhorquin e las percussions (lo tamborn de barca setòri, la bomba de Lauragués, lo timbal catalan, lo tamburello calabrés e lo tamborin dels flabiolaires malhorquins ). Lo grop jòga lo repertòri, presenta una dança e canta dins la lenga de cada país.
Lo projècte Arc Nòrd Mediterranèa es sostengut per la Region qu'a pres lo nom d'Occitània e l’Euroregion Pirenèus-Mediterranèa.
Melania Zetofré
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Los agradarà e faran una bona actuacion a Soller qu' es un poble ont sempre hi ha bon ambien. Soller es un poble amb una burguesia rica, molta gent lo segle passat emigrà a Marselha e Occitania e ganheren diners e quan tornaren invertiren a Soller fent bonas cases senhorials e un tren. Tamben tenien un vaixelh "Lo vila de Soller" que portava taronjas a Seta e Marselha. Precisament lo meu avi hi anava. Es un poble polit e un dels mai moders de l'Illa.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari