Bandièra01 1180x150: Comuna de Tolosa

Actualitats

Canadà legaliza la marihuana

Après Uruguai, serà lo segond país de la planeta que legaliza l’usatge de la marihuana per de fins recreativas

| Gounsil
Canadà, après Uruguai, serà lo segond país de la planeta que legaliza l’usatge de la marihuana per de fins recreativas. La votacion se faguèt aquesta setmana al Senat canadian e la lei foguèt aprovada per 52 vòtes en favor e 29 contra. La venda de marihuana serà doncas legala en Canadà abans la fin de l’an.
 
Amb aquesta nòva lei, Canadà vòl intrar lèu dins lo comèrci mondial de la marihuana. Es lo primièr estat del dich grop dels 7 (G7) o païses mai industrialitzats,  qu’anarà delà l’usatge de la marihuana per de fins medicalas. La lei pòrta lo nom C-45 mas es mai coneguda coma Lei del Cannabis e es la resulta de la promessa electorala del primièr ministre canadian Justin Trudeau a sos votaires.
 
La prevision es ara d’aplicar la nòva lei a las províncias e territòris, qu’auràn d’adaptar lors leis localas per poder permetre la dobertura de botigas estatalas dedicadas a sa venda abans la fin de l’an. E las províncias an ja avisat qu’an de besonh d’un periòde d’entre 8 e 12 setmanas per s’i adaptar.
 
 
Una promessa electorala
 
“Es estat pro aisit per nòstres joves d’aver de marihuana —çò diguèt Trudeau a Twitter— e per los criminals de far de beneficis. Ara Canadà vòl cambiar tot aquò. La nòva lei ja es estada aprovada al Senat canadian”. A mai, lo ministre de la justícia, Jody Wilson-Rayboult se mostrèt content de la nòva lei: “Es un eveniment istoric dins la politica de progrès de Canadà – çò afirmèt tanben sus Twitter–. La nòva lei protegirà los joves pr’amor que serà balhada mai d’informacion sus los risques del cannabis e, de mai, los criminals ganharàn pas pus res. Ara o ganharàn los canadians a travèrs de l’estat”.
 
La nòva Lei del Cannabis canadiana permetrà als adultes de portar amb eles fins a 30 gr de marihuana legala en public. Tanben serà permesa la cultura de fins a quatre plantas d’aquela espècia dins los ostals e de cosinar d’aliments amb de marihuana per lo consum pròpri, mas demorarà una lei fòrça estricta que secutarà l’obtencion illegala de marihuana.
 
Los consumaires auràn de comprar de marihuana dins de botigas administradas per las províncias e los territòris canadians. E se n’i a pas, de negòcis amb una licéncia federala. E la marihuana serà pas venduda dins de magazins ont se pòt comprar d’aloòl o de tabac. En mai d’aquò, ara cal cambiar las leis sus la conducha de veïculs per las adaptar a l’influéncia del cannabis.
 
L’edat minimala per comprar de marihuana serà de 18 ans, e produire, distribuir o vendre de cannabis a de menors serà totalament enebit. Segon d’estimacions estatalas, la nòva lei canadiana del cannabis portarà mai d’un miliard de dolars a l’estat. (Legissètz la seguida).



 
Aqueste article es  publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.







abonar los amics de Jornalet

 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Lo raiòu Cevenas
21.

Après l'aigardent e lo vin, après lo tabat e... saique n'oblide, l'Estat monopoliza ce qu'èra considerat coma una dròga. Aquò segur es que, au mai pàsson los ans, au mai l'Estat raspalha tot ce que pòt aveire quauqua valor, quauque profièch duradís.
Los encaravatats en camisa blanca son los mèstres messorguièrs, manipulators e oportunistas dau jòc anti-democratica que contunhem de renovelar chasca cinc ans.

44 milhons d'electors ! Sèm pas que tropelada de nècis, sovent escarabilhats per jalosar lo vesin amai espompits per rondinar sus lo trepador. Dinc doas o tres generacions, quand vesèm l'evolucion dau monde, saràn pas fièrs de nautres nòstres (rèire-)felencs !

  • 1
  • 0
Pas sup
19.

#18

Aremarqui quicòm çaquelà : i a plan mond per platussar e plan mens per trabalhar.

1- Quora recassi mond per legir d’aperaqui 500 noms e ne traire los de nascuts en Occitània
T’ai pas vist !
2- Quora recassi mond per puntejar una autra lista, un cò mai t’ai pas vist !
3- Quora recassi mond per aprigondir d’autras entresenhas, un còp mai t’ai pas vist !
4- Quora recassi mond per atiera totas las revòltas en Occitània enquea t’ai pas vist !

Aqui son quatre exemple d'un trabalhòt de ren que demana sonque un bocin de man d'obra

Una autra entresenha especiala per tu : l’ostal de Trotsky es de vendre 4,5 milhons de dollars
Un crane ostal 950 m2, 18 crambas, 5 salas de banhs, vista sus la mar e dins una iscla sens cap de vuèituras.. Un pichon paradís ambe qualquas ajudas è qual sap ?
Se torcavan pas amb’un fusta los amics teus !

èras a nos parlar del CAC40, aqui tanben voldriai aver las explicas menimosas de tot lo mecanisme borsièr, de totis los indcis, los biais que son calculats e lo detalh de totas las operacions borsièras que se pòdon far !

Alavetz tas pichonetas leiçons de morala a tres sòus, comprendràs que m’i sieti plan dessus.

  • 0
  • 1
Sinistratus Pubescens
18.

#17 Be hès plan, que riscarés d’apréner causas, e quauque jorn començarés de pensar, e tad aquò har mei vau d’estar de càpia.

  • 0
  • 0
Pas sup
17.

#15 Te legissi pas ! -:) e pòdes diser e pensar çò que vòs, vertat es que te legissi pas !



  • 0
  • 0

Escriu un comentari sus aqueste article