Bandièra01 1180x150: País Invisible

Actualitats

crotz-tolosaCreated with Sketch.GasconhaBearnPalés

Ligams: capítol dusau

Arron l’escaduda de La Passem, l’associacion que lança un aperet entà finançar de projèctes per la transmission e lo desvolopament de la lenga

| Thomas Blanquet
La prumèra edicion de La Passem, la corsa per la transmission de la lenga, qu’estó donc ua escaduda de las bèras.
 
L’associacion Ligams, qui gavidè l’eveniment, que pòt donc lançar adara la dusau partida deu son plan, qu’ei a díser un aperet entà finançar projèctes, qui perpausaràn de:
 
— facilitar l’espelida d’ accions navèras per la transmission de la lenga,
 
— sostiéner lo desvolopament, l’estructuracion e l’ahortiment de las accions dejà viradas cap a la transmission;
 
— favorizar la mutualizacion e lo tribalh en comun deus actors en plaça.
 
La prumèra edicion de la corsa que permetó totun de crubar 40 000 èuros. Un bèth tesaur de guèrra qui probable e balharà l’escadença aus mei valents d’aviar projèctes naus, mes benlèu tanben de’n sauvar d’autes qui son sus agulhas per aqueste torns.
 
Lo lançament oficiau que’s harà lo 4 de julhet que ven a l’Ostau Bearnés de Pau a 18h.
 
E seré donc possible d’apitar ua estructura, de crubar sòus e desparti’us de faiçon eficaça e adaptada en mensh de tres ans? Que semblaré que òc, fin finau. Coneguda causa sia, com ac ditz ua cèrta cançon.
 
 
 
 
Ràdio País
 
 


abonar los amics de Jornalet
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
1.

Quan es fan aquestes actes amb l'ajuda de las institucions, en aqueste cas la de la municipalitat, las causas van ben e s'aconsegueissen resultats sorprenents.

  • 4
  • 0

Escriu un comentari sus aqueste article