Bandièra01 1180x150: Comuna de Tolosa

Actualitats

Puèja la tension militara entre Somaliland e la region federada somali de Puntland

Lo govèrn somalilandés cèrca d’enfortir sa posicion sobeirana de facto

| Nationalia
An aumentat ongan las tension militaras entre Somaliland e Puntland, dins lo nòrd del territòri internacionalament conegut coma una partida de Somalia. Segon lo Crisis Group, los dos estats son a comolar d’efectius militars dins la region de Sool e Sanag, que cadun revendica coma pròpria.
 
En genièr passat, las fòrças somalilandesas prenguèron lo contraròtle de la vila de Tukaraq. Dempuèi alara, Puntland menaça de la recuperar per fòrça.
 
Tukaraq se tròba dins los limits de l’anciana Somalia britanica, lo territòri que lo revendica Somaliland coma pròpri. Las autoritats somalilandesas argumentan que lor sobeiranetat nacionala serà pas garentida fins que contraròtlen tot aquel ancian territòri colonial britanic.
 
Somaliland es un estat independent de facto dempuèi 1991, quand se separèt de Somalia, mas es pas estat formalament reconegut per nat país. Pasmens, ten de relacions diplomaticas amb de païses coma Etiopia, Jiboti o los Emirats Arabis.
 
Per contra, Puntland —qu’agís tanben essencialament coma un país independent— se considèra el meteis un estat federat de Somalia. Refusa lo drech de Somaliland d’èsser un estat sobeiran e argumenta que las tèrras contestadas correspondon a Puntland, en se basant sus de critèris clanics e geografics.

 
 
 
Aquesta nòva es adaptada de Nationalia, amb qui Jornalet ten un acòrdi de cooperacion.

 
 
 




abonar los amics de Jornalet
 
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
1.

Cresi entendre que Somalilan ha conquerit una ciutat e que ha las intencions de quedar-s'ho tot, e que lo Puntland no vol que Somaliland sia inependent e vol la ciutat per eles. Quin embolic ! Cresi que aquests paisos han estat creats per los iancos per raubar-los lo petroli.

  • 0
  • 0

Escriu un comentari sus aqueste article