Bandièra01 1180x150: Comuna de Tolosa

Actualitats

Los puèges d'Auvèrnhe inscriches al patrimòni mondial de l'UNÈSCO

Diluns passat, l'Organizacion de l'ÒNU per l'educacion, la sciéncia e la cultura inscriguèt sus sa lista la cadena dels volcans e la falha de Limanha

La Linha dels Puèges d’Auvèrnhe e la falha de Limanha son inscrichas al patrimòni mondial de l’UNÈSCO dempuèi lo 2 de julhet passat. La cadena alinha 80 volcans endormits dempuèi mai de 8000 ans, e mai se los vulcanològs n'excluson pas lo revelh, çò rapòrta Le Monde.
 
Lo comitat de l’UNÈSCO n’aviá refusat la candidatura en 2014 e 2016, en seguida de rapòrts negatius de l’Union Internacionala per la Conservacion de la Natura (UICN), qu’estimava que sas caracteristicas èran “pas unicas” e semblavan “melhor representadas dins d’autres sits del Mond”. En mai d’aquò, remarcavan las marcas de preséncia umana dempuèi los temples de l’Antiquitat fins a l’actuala antena de telecomunicacions de la cima del puèg de Doma.
 
Justament aquela preséncia umana es estada essenciala per las caracteristicas de la cadena auvernhata. “S’es demostrat que sens quela preséncia umana qu’a entretengut lo sit, especialament per lo pastoralisme, quelas formas volcanicas unicas serián pas pus visiblas uei”, çò defend lo president del conselh departamental del Puèg de Doma, Jean-Yves Gouttebel, qu’es a l’origina de la candidatura.
 
Lo puèg de Doma, al costat de Clarmont-Ferrand, es saique la montanha mai emblematica de la cadena. Es un puèg de 1465 metres que se pòt escalar a bòrd d’un tren de cremalh.




abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pas sup
7.

#5#6


1- I a çò que cassas e que voles saber
2- I a çò que lo test ADN s’es fach dins de bonas condicions pòt balhar
3- I a la melhoracion e los enantiments de las tecnicas e de las scienças
4- I a çò que lo test ADN te poirà pas balhar, a un moment segond las coneissença
5- I a lo laboratòri, serIós, mièg seriós, brica seriós
6- L’interpretacion que faràs tu personalament del test que pòt èsser messorguièra.

Alavetz es coma per tot i deu aver vigilencia e subretot s’entrensenhar menimosament sus tot aquò.

Apèi, faràs o faràs pas de test ADN e s’es plan fach seriosament te balharà d’entresenhas benlèu mai
Scientificas que l’afirmacion scientifica de la tresena republica.
A saber :

« Nos ancêtres les gaulois étaient blonds et avaient les yeux bleus »

Cap de problema se t'acontentas de l'afirmacion de la tresena.

  • 1
  • 0
francesc palma
4.

Uns pujols polits que fan gaug de veire sus una gran catifa verda.

  • 1
  • 0
Pas sup
3.

#1
Un ligam sus un sit qu'explica tot Aquò

https://www.eupedia.com/europe/origines_haplogroupes_europe.shtml

  • 1
  • 0

Escriu un comentari sus aqueste article