Bandièra01 1180x150: Comuna de Tolosa

Actualitats

Estats Units: los enfants migrants que compareisson solets davant los jutges

S’es multiplicat lo nombre de menors constrenches de se presentar davant los jutges sens saber çò qu’es un avocat

| Alone in America
Lo govèrn dels Estats Units fa comparéisser de mainats migrants davant los jutges, quitament quand sabon pas çò qu’es un avocat. E mai siá pas una nòva practica, qualques organizacions umanitàrias avertisson qu’amb lo govèrn de Donald Trump s’es multiplicat lo nombre de menors que se presentan solets davant los jutges. La majoritat d’aqueles enfants lor ajuda pas quitament un avocat que los represente, e maites enfants i comprenon pas res, çò rapòrta eldiario.es.
 
La nòva politica de Donald Trump envèrs l’immigracion, dicha “tolerància zèro”, a separat 2575 menors de lors familhas. E mai la justícia aja fach anullar aquelas separacions, creisson las possibilitats que de menors comparescan solets davant los jutges.
 
Segon l’organizacion TRAC Immigration, qu’estúdia las migracions als Estats Units, lo 75% dels enfants que capitavan a demorar al país avián un avocat. Los que n’avián pas, èran majoritàriament expulsats. Òr, qualques organizacions coma Safe Passage prepausan d’assisténcia juridica als enfants.
 
Safe Passaget denóncia que lo govèrn dels Estats Units es totjorn a separar los mainats de lors familhas. “Aqueles enfants an pro patit, en fugissent la violéncia e las revòltas de lors païses d’origina, e en fasent lo perilhós viatge als Estats Units. Après tot aquò, aqueles enfants son remandats per tot lo país e plaçats dins de procèsses de deportacion, sens qu’ajan drech d’aver un avocat”, çò dison en tot assolidar qu’es una violacion dels dreches umans.
 
 

 
 

 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Sinistratus Pubescens
2.

Las politicas xenofòbas deu Trumpident, e lo neocapitalisme descabestrat, son duas causas diferentas. L’ua ne procedeish pas de l’auta, mes las duas que vienen de la dreta arrabiada qui cèrca de s’apoderar lo contròle deus USA e de’u se guardar per au mensh ua generacion (per exemple en estacant a la Cort suprèma de joens jutges ultraconservators, per la vita). Que poirén èstar ultracapitalistas e xenofils, o socialistas e xenofòbes tot parièr…
Mes non pas non, a la plaça an causit d’estar ua caricatura de tot ço de péger a dreta:
- Candidats fondamentalistas? Check! √
-- représ de justícia? Check! √
-- neonazis? Check! √
-- pedofils? Check! √
- Destruccion deus sindicats? √
- Politicas xenofòbas (contra los musulmans, los latinoamericans, los negues – qui son ciutadans cap e tot…)? √
- Politicas regressivas contra los drets de las hemnas, lo planning familiau, las minoritats sexuaus? √
- Sapament de las missions estataus e de tota politica sociau (santat, enviroament, educacion…)? √
Ad aquò que cau hornir politicas estraviadas d’un quite punt de vista capitalista, com d’aviar guèrras comerciaus contra la rèsta deu monde, qui afèctan purmèr de tot l’economia americana e qui los republicans "moderats" estiman catastroficas.
Tot aquò vienent de monde qui revendican sens e moralitat, e qui se compòrtan com sociopatas irresponsables e immoraus deu som envath.

  • 2
  • 0
francesc palma
1.

La cara vertadiera de lo capitalisme salvatge.

  • 3
  • 0

Escriu un comentari sus aqueste article