Bandièra01 1180x150: Comuna de Tolosa

Actualitats

A començat lo salvament dels enfants tailandeses blocats dins una cauna

Quatre joves son ja estats salvats aquesta dimenjada, e s'espèra que uèi los autres o seràn totes

Lo salvament dels gojats blocats dintre una balma inondada en Tailàndia inspira d’optimisme. Quatre joves son ja estats salvats aquesta dimenjada, e s'espèra que uèi los autres o seràn totes.
 
La delicada operacion de salvament dels 12 gojats d'entre sièis e onze ans e de lor entraïnaire de fobtòl, de 26 ans, cunhats dempuèi lo 23 de junh passat dins la cauna negada de Tham Luang, dins lo nòrd de Tailàndia, es a far la primièra pagina de la majoritat dels mèdias del Mond.
 
Participan a l'operacion tretze cabussaires expèrts venguts d'autres païses al costat de la còla d'elèit de l'armada tailandesa, que los fan sortir a travèrs de passatges estreches e sens visibilitat completament immergits. S'agís d'una operacion plan complicada puèi que qualques unes dels enfants sabon pas nadar. E mai l'operacion ja plora la mòrt d’un soldat de l'armada tailandesa.
 
Los primièrs quatre mainats salvats ièr foguèron menats sul pic dins un espital. Lor estat de santat es fòra de perilh, e se tròban "rasonablament plan", segon la BBC.
 
Tot comencèt lo 23 de junh passat. Lo grop foguèt susprés per una fòrta tempèsta, e s'amaguèron dins una cauna. Mas a causa de la fòrta pluèja la cauna foguèt negada.

 

 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article