CAPÇALERA2: FAI-TE SOCI

Jornalet, gaseta occitana d'informacions

Diluns, 18 de febrièr

Actualitats

Dimars, 10 de julhet de 2018, 03h00 Internacional,Politica,Societat

Dialòg entre los govèrns de Catalonha e Espanha

S’amassèron ièr a Madrid lo president del govèrn espanhòl, Pedro Sánchez, e lo president de la Generalitat de Catalonha, Quim Torra, dins una longa reünion “de trabalh eficaç, e plena de cortesiá e de cordialitat”


Comentaris 11 comentaris    
Marrit Flac Bon Plan bon Fabulós (6 vòtes)
carregant En cargar


Enfin, un dialòg politic s’es entamenat entre los govèrns espanhòl e catalan. S’amassèron ièr a Madrid lo president del govèrn espanhòl, Pedro Sánchez, e lo president de la Generalitat de Catalonha, Quim Torra. Eles parlèron durant tres oras dins una reünion que, segon de fonts pròchas del president espanhòl, “aviá trespassat lo lindal d’una reünion protocolària", e èra estada puslèu "una amassada seriosa de trabalh”.
 
 
Reünion “de trabalh eficaç, e plena de cortesiá e de cordialitat”
 
A 16h, la pòrtavotz del govèrn espanhòl, Carmen Calvo, compareissèt davant los mèdias per porgir son bilanç. Calvo diguèt que la reünion foguèt “de trabalh eficaç e plena de cortesiá e de cordialitat”, e soslinhèt que lo grand acòrdi èra la represa de la comission bilaterala entre los dos govèrns, definida dins l’Estatut de Catalonha, que dempuèi l’an 2011 s’èra pas amassada.
 
Pasmens, a la demanda de Quim Torra que Catalonha poguèsse exercir concretament lo drech d’autodeterminacion, Calvo diguèt que “lo president [Sánchez] aviá respondut amb lo fòrça naut autogovèrn, la fòrça nauta descentralizacion del poder, la Constitucion [espanhòla] e l’Estatut [d’autonomia de Catalonha]”.
 
 
“Tota solucion politica passa pel drech d’autodeterminacion”
 
Quant al president de la Generalitat, Quim Torra, expliquèt el meteis son bilanç dins una conferéncia de premsa facha a la delegacion de la Generalitat a Madrid. Torra diguèt qu’el avalorava positivament que Sánchez aguèsse reconegut la necessitat d’una solucion politica al conflicte. Ansin, Torra diguèt a Sánchez que tota solucion politica passava pel drech d’autodeterminacion, una opcion qu’a lo sosten de l’80% del pòble de Catalonha e Aran mas que Sánchez refusa.
 
Torra precisava: “Sánchez a reconegut qu’Espanha es un estat plurinacional, una nacion de nacions, e las nacions an drech a l’autodeterminacion”. E mai lo president catalan diguèt a l’espanhòl que “la sola causa que [demandava] lo catalanisme [èra] lo drech d’autodeterminacion e que [se batèsse pas los catalans] per l’exercir”.
 
Torra definiguèt la reünion coma “longa e sincèra” e afirmèt que los dos caps avián escambiat lors vejaires sus la situacion politica. “Avèm parlat de tot, e aquò es fòrça importnat. Fasiá d’annadas que se podiá pas parlar de tot”, çò assolidèt, en precisar que Sánchez e el avián de “vejaires completament alonhats sul drech d’autodeterminacion”, que pasmens es, segon lo president catalan, “la question fondamentala”. Dins aquel sens, Torra diguèt net e clar que “lo pòble de Catalonha s’èra autodeterminat lo primièr d’octòbre”.
 
 
Es pas Torra mas Puigdemont qu’auriá degut anar a la reünion
 
Dins son bilanç, Torra insistiguèt sul fach lo govèrn de Catalonha renonciava pas a cap de biais d’aténher l’independéncia, en constatar l’existéncia de presonièrs e d’exiliats, çò que lo govèrn espanhòl refusa. Precisament a prepaus dels diferents avises sus la situacion dels exiliats e dels presonièrs politics, Torra demandèt que s’acabèsse “l’ofensiva judiciària e policièra contra l’independentisme”.
 
Torra revendiquèt qu’èra pas el que deviá rescontrar Sánchez mas Carles Puigdemont. “El ganhèt las eleccions e teniá lo sosten de la majoritat absoluda del Parlament de Catalonha. Aquel fach demòstra ja l’anormalitat de la situacion politica de Catalonha”.
 
 
“Aran, un país”
 
Torra portèt de presents a Sánchez, dont una botelha de ratafiat d’un productor conegut per sa lucha contra la linha de fòrça nauta tension que travèrsa los Pirenèus, un libre de mapas istoricas de Catalonha e lo libre Aran, un país. Aqueste es un libre artistic sus la Val d’Aran que conten mai d’un centenat de fotografias de Francesc Tur e de tèxtes de Jèp de Montoya en occitan, catalan e espanhòl.
 
A prepaus d’aquel present, la deputada occitana al Parlament de Catalonha, Anna Geli, se regaudiguèt sus Twitter del temps que remarcava que Catalonha si que reconeis lo drech d’autoderminacion d’Aran. Se demandèt “perqué non Espanha damb Catalonha?”
 



 
 
La reünion venenta aurà luòc al palais de la Generalitat, a Barcelona. La data es pas encara decidida.
 
Pedro Sánchez publiquèt son avaloracion de la reünion sus Twitter en catalan.
 

 
 
“Convidarem pas lo rei d’Espanha a cap de ceremònia”
 
Dins sa valoracion, la pòrtavotz del govèrn espanhòl, Carmen Calvo, aviá tanben declarat que s’organizariá de ceremònias en remembre de las victimas dels atemptats terroristas que los visquèron Barcelona e Cambrils los 17 e 18 d’agost passats, e que lo rei d’Espanha, Felip VI, i participariá perque “es lo cap de tot l’estat”.
 
A prepaus d’aquò, Quim Torra assolidèt ça que la dins sa conferéncia de premsa que convidariá pas lo rei espanhòl a cap de ceremònia, e que lo govèrn de la Generalitat participariá pas a cap d’acte ont Felip VI seriá present. “A pas encara demandat perdon”, çò diguèt Torra en referéncia al discors que lo faguèt lo monarca lo 3 de junh passat, que justificava la repression de l’estat contra lo mond que votèron al referendum del 1r d’octòbre.


 


 





abonar los amics de Jornalet
 



publicitat



Comentaris

12 de julhet 13.03h

(AVUI al pais en llengua catalana)

L’independentisme radical culpa Torra de trencar amb l’1 d’octubre
La CUP acusa el president de la Generalitat, després de la reunió amb Pedro Sánchez, de doble llenguatge en defensar la república amb retòrica i resignar-se a l'autonomisme


Valoriza aqueste comentari:   votar positiu 3   votar negatiu 7
Respondre comentari replica Comentari inadeqüat   Formulari d'abús de comentari

11 de julhet 13.00h

(hui al diari català ara) nyas cocaaaaaaaaaaaaaa!

La CUP demanarà la dimissió de Torra si manté el "diàleg autonòmic" i "traeix" el moviment republicà
Riera avisa que "discutir molles amb l'Estat" és incompatible amb la independència
La CUP obre la porta a demanar la dimissió del president de la Generalitat, Quim Torra, si manté el "diàleg autonòmic" amb l'Estat i "traeix" així el "moviment republicà". "Vam dir que teníem a punt la targeta vermella. No tindrem cap dubte a pres... Legir mai


Valoriza aqueste comentari:   votar positiu 4   votar negatiu 11
Respondre comentari replica Comentari inadeqüat   Formulari d'abús de comentari

10 de julhet 23.11h

Las bonas formas son importants, ara cal reconeisse l'Espanya plurinacional, la magnífica Nacion Catalana. L'Estatut aprovat en temps de Maragall e Zapatero, las seleccions esportivas catalanas, de futbol, basquet ,hoquei, natació, waterpolo,hansbol,rubbi,.....E la libertat dels presos politics e l'amnistia pesl exiliats.


Valoriza aqueste comentari:   votar positiu 5   votar negatiu 1
Respondre comentari replica Comentari inadeqüat   Formulari d'abús de comentari

10 de julhet 17.01h

Tots a la Diada Nacional de Catalunya l’onze de setembre per fer República ! Ja n’hi ha prou amb aquest espanyol i el seu rei !


Valoriza aqueste comentari:   votar positiu 10   votar negatiu 0
Respondre comentari replica Comentari inadeqüat   Formulari d'abús de comentari

10 de julhet 16.55h

#6 Quin és el programa dels unionistes per a Catalunya amb una coalició PP Ciutadans i PSC : la millor solució si volem un desastre !


Valoriza aqueste comentari:   votar positiu 11   votar negatiu 1
Respondre comentari replica Comentari inadeqüat   Formulari d'abús de comentari

10 de julhet 16.38h

#4

ingenu ....

Los CDR instan a Torra a dimitir por un "cambio de rumbo" tras la reunión con Sánchez

visca catalunya lliure dels indepes ....


Valoriza aqueste comentari:   votar positiu 9   votar negatiu 28
Respondre comentari replica Comentari inadeqüat   Formulari d'abús de comentari

10 de julhet 16.36h

Urosament los nacionalistas espanhòls del PSOE an pas cap de majoritat. An de besonh del vòte dels independentistas.


Valoriza aqueste comentari:   votar positiu 12   votar negatiu 0
Respondre comentari replica Comentari inadeqüat   Formulari d'abús de comentari

10 de julhet 16.30h

#2 El futur de Catalunya es decideix a CATALUNYA. Autodeterminació vol dir que només el poble català votarà. És com un divorci : no es necessari que la parella estigui d’acord per divorciar ! Que Espanya respecti el dret internacional !


Valoriza aqueste comentari:   votar positiu 15   votar negatiu 2
Respondre comentari replica Comentari inadeqüat   Formulari d'abús de comentari

10 de julhet 13.46h

Se cal pas far d'illusions. Pedro Sanchez es presonièr dels prejutjats espanholistas e dels "barons" ("dinosaures") passeistas del PSOE.


Valoriza aqueste comentari:   votar positiu 23   votar negatiu 1
Respondre comentari replica Comentari inadeqüat   Formulari d'abús de comentari

10 de julhet 13.38h

Lo contengut d'aqueste comentari es amagat perque los legeires l'an considerat inapropriat
Mòstra-lo


Valoriza aqueste comentari:   votar positiu 8   votar negatiu 32
Respondre comentari replica Comentari inadeqüat   Formulari d'abús de comentari

5 -10 -20 -totes
1
-
2 >




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: IEO Label ÒC

Editorial

La manifestacion de Tolosa: una esperança per l’occitanisme

La darrièra agression que ven de la patir la lenga nòstra es fòrça grèva. Lo Ministèri de l’Educacion de París a mostrat una volontat evidenta de ...
giny

Lo temps

Mapa
  • sol Agen 17 4
  • nuvols_parcials Aush 17 3
  • sol Bordèu 17 5
  • sol Briançon 17 4
  • sol Caors 18 4
  • nuvols Carcassona 17 4
  • sol Clarmont-Ferrand 14 1
  • sol Confolent 15 4
  • sol Gap 17 4
  • sol La Canau 17 5
  • nuvols La Gàrdia 12 2
  • sol La Torre de Pèlitz 14 2
  • sol Limòtges 14 1
  • sol Lo Borg Sant Dalmatz 14 1
  • nuvols Lo Puèi de Velai 8 -1
  • nuvols Marselha 15 2
  • nuvols Montpelhièr 14 8
  • sol Naut Aran 15 -1
  • sol Niça 7 -7
  • nuvols Nimes 15 5
  • sol Pau 17 4
  • sol Peireguers 16 4
  • sol Rodés 15 3
  • nuvols Tolon 15 0
  • nuvols_parcials Tolosa 17 4
  • nuvols Valença 7 -7

giny

giny

giny

Vidèos

giny

giny

publicitat

lateral 2 teveoc

Entrevista

publicitat

LATERAL1 300X250: sapiéncia



publicitat

LATERAL2 330x60: Casteth Paums

Fotografias

  • País de Rasés. © Franc Bardòu

    País de Rasés

  • Gavotina marítima: trofèu d'August e vila vielha d'A Torbia

  • © Conselh Generau d'Aran

    Lo Torn de França 2016 en Aran

  • Valadas. © Xavi Gutiérrez Riu

    Valadas

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • © Franc Bardòu

    Catalonha etèrna

  • Lo grand passacarrièra de Rodés. Occitan Pride 2013

  • © Celèsta Toion

    La plaja espaci de libertat? D'expression?

  • Val d'Aran, cap de Gasconha

  • © Franc Bardòu

    Asuèlhs de Lauragués

  • Fruchas d’aur

    Pantais (Poèmas de Lisa Gròs sus pinturas de Christine Nicolas)

  • © Jean-Charles Valadier

    Jornada de protèsta contra lo barratge del Testet, a Sivens

  • Petugon de La Boal

    Conferéncia e dedicaça de l'artista Richard Cairaschi au Musèu municipau deis Arts e Tradicions populàrias de Grimaud (Mauras)

  • Rocavion (Val Ges). © Cristòu Daurore

    Rocavion (Val Ges)

  • Meravilhas aranesas. © Franc Bardòu

    Meravilhas aranesas

  • País de Rasés. © Franc Bardòu

    País de Rasés

  • © Franc Bardòu

    Coserans al còr

  • Petugon de La Boal

    Conferéncia e dedicaça de l'artista Richard Cairaschi au Musèu municipau deis Arts e Tradicions populàrias de Grimaud (Mauras)

  • Petugon de La Boal

    Conferéncia e dedicaça de l'artista Richard Cairaschi au Musèu municipau deis Arts e Tradicions populàrias de Grimaud (Mauras)

  • Estivada 2013. © Guillem Sevilla

    Estivada 2013

giny

Las mai...

publicitat

LATERAL2 300x250: Cultura Conselh Aran

giny

Sondatge

Creses que la manifestacion de Tolosa a portat un vam nòu al combat occitanista?


65%



13%



9%



6%



7%




Vots 68 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny


Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)