Bandièra01 1180x150: Comuna de Tolosa

Actualitats

Ara França accèpta pas totes los migrants de l'Aquarius qu'an demandat l'asil

Dels 274 refugiats que sollicitèron l'asil, l'estat francés n’acceptarà renmàs 78. Los autres los a refusats per de rasons que sabèm pas

| Info Libre
Après enebir oficialament al govèrn de Corsega d’aculhir lo vaissèl Aquarius, puèi Emmanuel Macron cambièt de vejaire. Lo govèrn francés anoncièt que collaborariá amb l’espanhòl en l’aculhença dels immigrants naufragats que los menava aquela nau, rebutada per las autoritats d’Itàlia e de Malta. Lo vaissèl arribèt a Valéncia lo 17 de junh passat, e 274 refugiats demandèron de respondre a la proposicion de Macron e de demorar en França.
 
Ça que la, d'aqueles 274 refugiats, solament 78 anaràn dins l'estat francés, segon çò que rapòrta l’Organizacion Internacionala de las Migracions (OIM). La còla de l'OIM los mena de Valéncia a París. Las autras personas que sollicitèron d'anar en França son estadas refusadas per de rasons que coneissèm pas.
 
L’estat francés diguèt qu'acceptariá los ocupants de l’Aquarius que volguèsson anar al nòrd dels Pirenèus, segon una proposicion que lo govèrn francés faguèt al govèrn espanhòl per mejan de son ambaissador a Madrid. Lo president del govèrn espanhòl, Pedro Sánchez, mercegèt quitament Macron e diguèt que considerava qu’aquò èra “l’encastre de cooperacion dins lo qual Euròpa deu respondre”.
 




abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

LACHAUD
1.

Quò es Macron que decida e pas los còrses. Los còrs aurian benleu un avis a balhar, cresetz pas?

  • 2
  • 0

Escriu un comentari sus aqueste article