Bandièra01 1180x150: País Invisible

Actualitats

Niça: an barrat la font de la Plaça del Pin per alonhar las personas sens abric

L'associacion dels comerçants del quartièr planh que la preséncia de personas sens domicili fixe "pòsca faire demenir la clientèla de certans e, per ansin, alterar la sieua chifra d'afaires"

| Eric Ottino
La font de la Plaça del Pin a Niça raja pas pus dempuèi un mes. La municipalitat n'a barrat la canèla a causa de la preséncia de personas sens domicili fixe sus la plaça, çò rapòrta Nice-Matin.
 
Lo barrament del grifon se decidiguèt a la fin del mes de mai, pendent una reünion del quartièr Garibaldi amb los comerçants, los abitants e la comuna. La rason qu'invoquèron es que la font atrasiá las personas sens domicili. Segon la presidenta de l'associacion dels comerçants del quartièr, "la vision de sensa-abrics pòt faire demenir la clientèla de certans e, per ansin, alterar la sieua chifra d'afaires".
 
La decision es eficaça per d'unes, e per d'autres inacceptabla, mai que mai se s'agís d'aiga, un ben necessari a la vida e a l'igièna. Per aquela rason, la comuna a anonciat que consultariá los abitants e los comerçants de la Plaça del Pin dins los jorns avenidors.
 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article