Bandièra01 1180x150: Comuna de Tolosa

Actualitats

Barcelona: manifestacion per la liberacion dels presonièrs politics e lo retorn dels exiliats

Dempuèi que los jutges alemands refusèron a Espanha la possibilitat de jutjar Puigdemont per rebellion e sedicion, la pression per la liberacion dels presonièrs politics es fòrça pus fòrta

| @assemblea
Aperaquí 200 000 personas manifestèron dissabte passat per las carrièras de Barcelona en favor de la liberacion dels presonièrs politics, e en seguida de la crida d’Òmnium Cultural, de l’Assemblada Nacionala Catalana e de l’Associacion Catalana dels Dreches Civils. “Sèm aicí ensems per véncer la granda messorga que l’estat espanhòl bastís. I aguèt pas de violéncia, ni de rebellion, ni de sedicion, ni de malversacion, e doncas cridam: ni preson ni exili!”, çò diguèt Marcel Mauri, pòrtavotz d’Òmnium Cultural. Dempuèi que los jutges alemands refusèron a Espanha la possibilitat de jutjar Puigdemont per rebellion e sedicion, la pression per la liberacion dels presonièrs politics es fòrça pus fòrta.
 
I aguèt de representants de las principalas associacions de la societat civila e dels partits politics, franc del Partit Popular, del Partit Socialista e de Ciutadans.
 
Lo cortègi caminèt fins a la preson Model de Barcelona, una anciana preson de la capitala catalana que simboliza la repression franquista. Model fonciona pas pus coma preson dempuèi qualques meses, e es ara venguda un centre per la memòria istorica. Aquí, qualques manifestants intrèron dins lo bastiment e i demorèron per i passar la nuèch. “Model es nòstra Bastilha. Es estada e serà un simbòl de la resisténcia republicana”, çò diguèron en fasent un parallelisme amb lo 14 de julhet francés.
 
Los presonièrs politics e los exiliats mercegèron los manifestants per mejan de Twitter o en mandant de letras de la preson estant.
 
 

 

 

 

 
 






abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article