Actualitats
Itàlia: vam del movement antivaccinacions
Es pas pus obligatòri de mostrar a las escòlas los certificats de vaccinacions dels enfants
Lo movement antivaccinacions italian, petit mas agressiu, a ganhat de vam amb l’arribada al poder del nòu govèrn de coalicion entre lo populista Movement Cinc Estelas (M5E) e l'extrèma drecha de la Liga. Segon lo jornal The Guardian, o demòstra la reaccion desmesurada de criticas contra l'esportiu Ivan Zaytsev, que publiquèt sus Instagram una fòto de sa filha après sa vaccinacion. Demest las atacas que recebèt dels internautas, i aviá de messatges que l'acusavan de recebre d'argent de l'indústria farmaceutica e d'autres que quitament desiravan que sa filha tombèsse malauta.
Qualques jorns abans la publicacion de Zaytsev, la ministra de la santat, Giulia Grillo, diguèt qu'èra pas pus obligatòri de mostrar a las escòlas los certificats de vaccinacions dels enfants, coma o aviá establit lo govèrn precedent a causa d'una aumentacion grèva dels cases de sarrampiu.
Giulia Grillo fa partida de l'M5E, un partit qu'en 2015 prepausèt una lei contra la vaccinacion e afirmèt que las vaccinacions podián provocar cèrtas afeccions coma “la leucemia, l'empoisonament, l'inflamacion, l'immunodepression, de mutacions geneticas ereditàrias, lo càncer, l'autisme e d'allergias”. Abans las darrièras eleccions, l'M5E cambièt leugièrament lo discors: son pas pus opausats a las vaccinacions mas vòlon que sián pas pus obligatòrias. De fach, la ministra Giulia Grillo anoncièt fa una setmana qu'ela vaccinariá son enfant.
Quant a la Liga, a tanben declarat que l'exigéncia dels dètz vaccins es excessiva, çò diguèt lo ministre de l'Interior, Matteo Salvini.
La falsa relacion amb l'autisme
L'opinion publica dels italians a prepaus de la seguretat dels vaccins, es influenciada per d'afirmacions —ja descreditadas— que restacavan l'autisme amb un vaccin contra lo sarrampiu, los gautissons e la rubeòla. Quitament un tribunal de justícia autregèt una indemnitat a la familha d'un enfant autista après considerar que son autisme èra causat per aquel vaccin. Tres ans pus tard, aquela senténcia foguèt anullada après un recors.
En mai d'aquò, l'opinion publica italiana se mesfisa generalament de sos elegits e de sos professionals. Segon Giovanni Orsina, professor de Sciéncias Politicas de l'Universitat LUISS de Roma, “i a una crisi de fisança als elegits, a totes. Per aquela rason, s'un mètge ditz «cal vaccinar vòstre enfant», lo veson pas coma qualqu'un de competent mas coma qualqu'un que recep d'argent de las companhiás que vendon de vaccins”.
Qualques jorns abans la publicacion de Zaytsev, la ministra de la santat, Giulia Grillo, diguèt qu'èra pas pus obligatòri de mostrar a las escòlas los certificats de vaccinacions dels enfants, coma o aviá establit lo govèrn precedent a causa d'una aumentacion grèva dels cases de sarrampiu.
Giulia Grillo fa partida de l'M5E, un partit qu'en 2015 prepausèt una lei contra la vaccinacion e afirmèt que las vaccinacions podián provocar cèrtas afeccions coma “la leucemia, l'empoisonament, l'inflamacion, l'immunodepression, de mutacions geneticas ereditàrias, lo càncer, l'autisme e d'allergias”. Abans las darrièras eleccions, l'M5E cambièt leugièrament lo discors: son pas pus opausats a las vaccinacions mas vòlon que sián pas pus obligatòrias. De fach, la ministra Giulia Grillo anoncièt fa una setmana qu'ela vaccinariá son enfant.
Quant a la Liga, a tanben declarat que l'exigéncia dels dètz vaccins es excessiva, çò diguèt lo ministre de l'Interior, Matteo Salvini.
La falsa relacion amb l'autisme
L'opinion publica dels italians a prepaus de la seguretat dels vaccins, es influenciada per d'afirmacions —ja descreditadas— que restacavan l'autisme amb un vaccin contra lo sarrampiu, los gautissons e la rubeòla. Quitament un tribunal de justícia autregèt una indemnitat a la familha d'un enfant autista après considerar que son autisme èra causat per aquel vaccin. Tres ans pus tard, aquela senténcia foguèt anullada après un recors.
En mai d'aquò, l'opinion publica italiana se mesfisa generalament de sos elegits e de sos professionals. Segon Giovanni Orsina, professor de Sciéncias Politicas de l'Universitat LUISS de Roma, “i a una crisi de fisança als elegits, a totes. Per aquela rason, s'un mètge ditz «cal vaccinar vòstre enfant», lo veson pas coma qualqu'un de competent mas coma qualqu'un que recep d'argent de las companhiás que vendon de vaccins”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Jo ja non me voli pas vacunar del grip, la darriera vagada que ho fassí estiguet tot l'ivern amb grip. Pus mai.
En França, sem pas populistes mas los que volan vaccinats son nazis. Retenetz bian aquel mot : nazi.
I a pron de cas en França per denonçar las vaccinacions. Mas las vaccinacions raportan, fan viure mai de medecins e de laboratoris que la non vaccinacion. Deja dans las annadas 1960, un farmacian disian a mon pair : " Te rendes compte que la pus petita farmacia de Tula (20000 abitants) fai 10 còps mai de chifre d'afar que me (dins una comuna rurala de 1500 abitants)."
Zo sabe que sem preste a pas me creire, que cresiatz a las autoritats mdicalas coma l'òm crei a Diu, mas quò es mas una creisença. Las estudis son fachas per las grandas firmas farmaceuticas que paian los experts que fan las analisas. Lo curat baptisava en botant de l'aiga sur lo front mas los medecins introduisan dins lo sanh de las substanças pas totjorn plan identifiables a un goiat qu'a pas enguiera un sistem imunitari plan developat. Lo goiat a lo dreit de viure per ilh-mesme, de grandir e developar son sistem imunitari. Es pas un robot.
Los compteurs Linky petan de pertot e botan lo fuec mas chau segre Ennebis qu'a totjorn rason.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari