Bandièra01 1180x150: Comuna de Tolosa

Actualitats

An dobèrta la convocacion dels prèmis “Llanterna Digital” de cortmetratges en catalan e en occitan

La setena convocacion dels prèmis se clavarà lo 31 de març de 2013

Ganhants de l’edicion de 2012
Ganhants de l’edicion de 2012 | Llanterna digital

Coma novetats en l’edicion de 2013, s’alarga las modalitats dels prèmis per la categoria dobèrta e s’incorpora coma entitat collaboradora l’Estivada de Rodés, qu’impulsarà la nòva modalitat del prèmi amb los videoclips musicals en occitan.


Los prèmis Llanterna Digital s’adreiçan tanben a la participacion de centres educatius de primària e segondària e a d’universitats.
 
La jurada serà presidida pel critic de cinèma, lo catalan Àlex Gorina, e se constituirà de representants dels organismes e entitats que participan a l’organizacion, e mai de professionals de la lenga e del sector audiovisual.
 
Las òbras ganhantas, las finalistas e las seleccionadas per la jurada en occitan (parlat o sostitolat), faràn partida de la programacion de la VI Mòstra de Cinèma Occitan, que se poirà veire en diferentas localitats catalanas e occitanas, a partir de junh de 2013.
 
Los prèmis Llanterna Digital an lo sosten d’organizacions publicas e privadas de Catalonha e Aran.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article