Bandièra01 1180x150: País Invisible

Actualitats

Los agricultors de la Pièja arrèstan lo Torn de França

Protèstan contra lo desclassament de lor zòna per recebre d’ajudas de l’Union Europèa

| AFP / L\'Indépendant
Fa de meses que los agricultors de la Pièja, una encontrada de Lauragués, protèstan contra lo desclassament de lor zòna per recebre d’ajudas de l’Union Europèa. Un document los assabentèt que lor region de combas e de vals èra ara classada coma plana! Lo ministre de l’agricultura que los deviá rescontrar a Carcassona venguèt pas. La mobilizacion contunha.
 
Se trapa que lo Torn de França passava aqueste dimècres 24 de julh del costat de Fanjaus. Causiguèron l’escasença per se faire entendre: de balas de palha sus la rota, un tropèl de fedas prèst a se mesclar als ciclistas…
 
Las fòrças de l’òrdre intervenguèron per desgatjar la rota. Faguèron usatge de gases lacrimogèns qu’aguèron per efièch de faire plorar los ciclistas. La direccion del Torn arrestèt un moment la competicion per netejar los uèlhs.
 
De deplorar los mots del tarnés Laurenç Jalabèrt qu’insistiguèt mai d’un còp sus la responsabilitat dels païsans dins aquela butada de lagremas. Sus France 2, parlèron puèi mai d’un còp dels païsans . D’Arièja!
 
Lo Torn es passat; l’avenir agricòla de la Pièja e l’installacion de joves demòra en question.
 
 
 
 
Alan Roch
 
 
 

— France 3: Tour de France : le peloton stoppé quelques minutes par une manifestation d'agriculteurs dans l'Aude
 
— L'Indépendant: Manifestation et gaz lacrymogène: le Tour de France brièvement interrompu dans l'Aude
 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

pjm pjm
10.

#1 pensi la realitat es pas exactament aquesta ; la PAC regula pas la concurréncia deleiala : n'es a l'origena. en pagant la diferéncia entre prètz deu mercat mondiau e çò que còsta vertadeirament au productor, Euròpa enterten la concurréncia deleiala. Atau lo productor de polet industriau francés pòt vénder sa poralha hastiala a Senegau o a Còsta d'Evòri, mensh car que lo productor senegales o evorian.
la PAC a la hont de la hami dens lo monde, benlèu es un chic exagerat mès pasmens...

  • 6
  • 0
Pierre Terral
9.

#8 La Setmana es salvada ! Cal qu'adreçe una demanda de subvencion à l'UE.

  • 4
  • 10
Emmanuèl Isopet
8.

#6 Per la reparticion de la PAC, cal anar veire la FNSEA, perdon, lo ministèri de l'agricultura. Son los ministres de l'agricultura qu'o decidisson, pas lo Parlament Europèu. De segur la reparticion es pas justa e val mai que los païsans viscan de lor trabalh.
Mas per l'afar dels projectes etiquetat UE i a la meteissa causa a d'autres nivèls: quand veses un projècte "ministèri de la cultura" e quand sabes que los impòsts dels franceses son engolit dins la "cultura" en Isla de França, es ben un pauc parièr.
E l'UE es, per ieu, mai occitanosensibla que França (tanben).

  • 18
  • 3
L\'Alan Carcassona
7.

La Confederacion païsana èra al còr d'aquesta accion.
FDSEA e CDJA desapròvan : disons qu'elis prenián part a l'operacion « Los païsans aiman lo Torn de França ».

  • 8
  • 0
pas sup
6.

#5 E ben escota al nom de la solidarit te vau prene 20 000, ten tornarai 14 000 pel demai me pagarai d’en primièr e te farai un projecte que costarà … qual sap ? segur pas 6000 !

Agara que l’aurias pogut fa tu meteis, mas m’agrada pas al nom de la solidaritat.

E coma o dises « la solidaritat es un principi important ».

La PAC effetivament es una ajuda a l’agricultura, cal saber que mai ton expleitacion es granda, mai tocaràs d’ajudas. E coma lo tipe azard far plan las causas las mai grandas expleitacion son las que son lo mai rendables e que de fach aurian lo mens mestièrs d’ajudas. Lo pichon paísan ambe sos 8 ectaras atreva degun e pòt crevar ! Al nom de la solidaritat.
Per la PAC es lo meteis sistem.

  • 6
  • 6

Escriu un comentari sus aqueste article