Bandièra01 1180x150: Comuna de Tolosa

Actualitats

An trobat de moleculas organicas complèxas sus Encelad

Es pas un tipe de vida extraterrèstra coma la majoritat pensam. Mas es de matèria organica complèxa fòra de la Tèrra. E aquò es çò d’important

Encèlad, 21 de novembre de 2009
Encèlad, 21 de novembre de 2009 | NASA/JPL-Caltech/SSI/Kevin M. Gill
Los biastronòms i tornan. Los scientifics qu’an d’estudiar se i a de vida sus d’autras planetas semblan de voler confirmar ara que i a de vida pertot. Aquò es çò que se pòt arribar de pensar après que s’es confirmat que sus una luna de Saturne, Encelad, i son estadas trobadas de moleculas organicas complèxas. Abans i aviá pas de vida sus cap de planeta. Ara sembla que n’i a sus fòrça d’eles.
 
Es pas un tipe de vida extraterrèstra coma la majoritat pensam. Mas es de matèria organica complèxa fòra de la Tèrra. E aquò es çò d’important. La descobèrta ven après l’analisi de nòvas donadas de la sonda espaciala Cassini, de la NASA, que subrevolèt Saturne e envièt de nòus imatges en 2015. La causa ne seriá l’aiga cauda d’aquela luna.
 
D’aiga cauda qu’es getada dins l’espaci de l’interior de la luna estant, e que segon plusors còlas scientificas poiriá rendre mai aisida —e plan— l’aparicion de bactèrias extraterrèstras e aquò vòl dire de vida sus aquela luna de Saturne. Segon los estudiaires d’aquelas nòvas donadas, los divèrses procèsses idrotermals que patís Encelad (un dels 62 satellits de Saturne) aurián ajudat a plan sintetizar de matèria inorganica en de matèria organica complèxa.
 
 
De condicions geotermicas particularas
 
Atal, los astronòms qu’an fach aquel estudi soslinhan que las divèrsas condicions geotermicas que patís Encelad aurián rendut mai aisit lo desvolopament de moleculas biologicas extraterrèstras.  
 
“Ja i sèm tornarmai —çò diguèt Christopher Glein, especialista en oceanografia quimica extraterrèstra—. Abans, aviam ja identificat de moleculas organicas amb solament qualques atòms de carbòni. Ara, totun, podèm confirmar que i a de moleculas amb de massas qu’an mai de 200 unitats atomicas, çò es de matièra organica complèxa”.
 
Segon los cercaires, doncas, aquò es mai de 10 còps mai pesant que lo metan, e amb aquelas moleculas organicas que sortisson de l’interior d’aquela luna Encelad seriá la soleta planeta amb la Tèrra a aver totas los condicions per aver de vida coma la coneissèm a l’ora d’ara. L’analisi d’aquelas donadas se faguèt en tot utilizar la tecnologia de l’espectrometria massissa.
 
A mai, los scientifics an volgut soslinhar que la sonda Cassini contunha de mandar de mai en mai de donadas e per tant predison qu’encara an d’arribar mai de suspresas.
 
L’estudi, publicat fa gaire dins la revista numerica Nature, confirma la preséncia de matèria organica complèxa sus Encelad d’annadas après l’arribada de donadas de la sonda Cassini que dintrèt en 2004 dins lo sistèma de Saturne. Alavetz foguèron ja detectadas de moleculas d’idrogèn e tot un ocean que i aviá jos la superfícia d’aquela luna saturniana. (Legissètz la seguida).




 
Aqueste article es  publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.




abonar los amics de Jornalet

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
1.

Que hi ha planetas coma la terra dins lo sistema solar, es sabut. Què hi ha extraterrestras que venen amb ovnis, es veritat, malgrat a la pentagona li agradi pas. Que la nasa dis moltas messorgas, es ben sabut. Los militars dels EEUU e altras potèncias, per lo perilh de destruccion de la terra amb sas guerras per conquistar tot lo mond,e sas bombas atòmicas, representan per la vida de la terra sa destruccion. Per tal causa, no estan preparats per anar a la conquesta de l'espai. Los estraterrestres no los hi permetran fins que demostrin que son persones resposables de la conservació de la vida terrestre.

  • 0
  • 0

Escriu un comentari sus aqueste article