Actualitats
Una joventa suedesa reüssís a empedir l’expulsion d’un òme afgan
Aquesta estudianta empachèt que l’avion que deviá deportar l’òme s’enaurèsse
Elin Ersson, una estudianta de 22 ans, a reüssit a evitar l’expulsion de Suècia d’un ciutadan afganés. La gojata intrèt dins son avion, que fasiá lo trajècte de Göteborg a Istambol, e refusèt de se sèire fins que la polícia desembarquèsse un òme afgan de 52 ans que l’avián fach montar dins aquel avion per lo fòrabandir del país e lo menar fins a Kabol. E fin finala capitèt ben.
De fach, Ersson crompèt lo bilhet quand s’èra assabentat qu’aquel vòl expulsariá un refugiat. Après participar a una manifestacion contra l’expulsion de l’òme, intrèt dins l’avion e comencèt de retransmetre en dirècte, via Facebook Live. Lo vidèo mòstra cossí la gojata insistís per que fagan davalar l’òme que las autoritats vòlon fòrabandir del temps qu’explica als autres passatgièrs que se l’òme es menat a Kabol, fòrça probablament morirà.
En mai d’aquò, Ersson demandèt personalament al pilòt que refusèsse l’enaurament de l’aeronau.
Lo vidèo mòstra qualques discussions amb de passatgièrs que son pas d’acòrdi amb la protèsta. Ça que la, quand tres gàrdias de seguretat finisson que desembarcan l’òme afgan, Ersson recep l’ovacion e l’aplaudiment dels passatgièrs.
Pasmens, la fin de l’istòria es pas completament aürosa. Ara Ersson risca èsser acusada de desobesir als òrdres del pilòt de l’avion, e la menaçan una multa e quitament una senténcia de sièis meses de preson.
De fach, Ersson crompèt lo bilhet quand s’èra assabentat qu’aquel vòl expulsariá un refugiat. Après participar a una manifestacion contra l’expulsion de l’òme, intrèt dins l’avion e comencèt de retransmetre en dirècte, via Facebook Live. Lo vidèo mòstra cossí la gojata insistís per que fagan davalar l’òme que las autoritats vòlon fòrabandir del temps qu’explica als autres passatgièrs que se l’òme es menat a Kabol, fòrça probablament morirà.
En mai d’aquò, Ersson demandèt personalament al pilòt que refusèsse l’enaurament de l’aeronau.
Lo vidèo mòstra qualques discussions amb de passatgièrs que son pas d’acòrdi amb la protèsta. Ça que la, quand tres gàrdias de seguretat finisson que desembarcan l’òme afgan, Ersson recep l’ovacion e l’aplaudiment dels passatgièrs.
Pasmens, la fin de l’istòria es pas completament aürosa. Ara Ersson risca èsser acusada de desobesir als òrdres del pilòt de l’avion, e la menaçan una multa e quitament una senténcia de sièis meses de preson.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
'Quò's a 'queu genre de personas que deuriàn donar la legion d'aunor e pas a 'quilhs galapians de militarò-politicians!
La dreta que tamben governa en Suècia te lo mateis cretinisme que la dreta homologada de l'UE.
Es una nòva importanta?
Siái pas segur que totas las suedesas li diran mercé. L'òme èra estat condemnat per violéncias çò que precisa pas l'article.
Es interessant de far sus internet : suède+viol +immigrés+statistiques. En Suèda las estatisticas etnicas son pas interditas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari