Bandièra01 1180x150: País Invisible

Opinion

Quant de temps encara?

Quant de temps encara l’excepcion culturala francesa va jogar amb las lengas dichas regionalas? Es la question que me pausi coma cantaire occitan que rescontra per sa rota d’artistas que fan de musica qualificada de  “musica del mond”.  Aqueles artistas que cantan de còps lo Mond dins sa lenga dicha regionala, participan a la construccion d’una umanitat culturalament rica e doncas naturalament doberta cap al vesin. Es perdeque  lo País dels Dreches de l’Òme deu encoratjar  aquela diversitat lingüistica e culturala qu’a un dever màger, aquel de donar un vertadièr estatut juridic a las lengas de sa Republica. M’agradariá, quand siái en concèrt per d’autres païses de l’Union Europenca, de poder cantar naut e fòrt aquel acte de fe en l’avenidor que menariá França cap a mai de fraternitat e d’umanisme.
 
Joanda, cantaire occitan.
 
…e qu’aquel jornalet novèl faga clantir plan fòrt la lenga qu’inventèt Amor, Paratge e Convivéncia.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Eric Arbanats 33
1.

Benlèu mens que çò que crentam ? En tot cas dab musicas coma las toas languissem mens.

  • 0
  • 0

Escriu un comentari sus aqueste article