Bandièra01 1180x150: País Invisible

Opinion

Enregistratz lo web per mai tard, liurament e en occitan!

Lo Quentin

Lo Quentin

Apassionat de lengas, ai començat a recuperar la lenga en 2011 e dempuèi ensagi d’obrar per l’occitan coma pòdi.

Mai d’informacions
Framabag, ara vos parli d’un de mos servicis favorits de Framasoft.
Ven a la plaça de servicis coma Pocket, Instapaper, etc.


Aqueste servici bastit amb Wallabag a per tòca de vos ajudar a gerir los articles trobats sus Internet que volètz legir mai tard. D’un clic sus la barra personala de vòstre navigator podètz enregistar un article mai, o simple ne donant l’adreça dins l’interfàcia de Wallabag. Un còp l’article salvat sus vòstre compte auretz lo tèxte e los imatges de l’article, pas res mai. Wallabag vos permet:


 
— de saber quant de temps vos caldrà per legir un article
— imprimir vòstres articles
— los passar en PDF, ePub e encara mai formats
— los partejar per corrièl, suls malhums socials


 
Plan segur, tot aquò en lenga nòstra dempuèi la mitat de 2016!
Coma totjorn amb los servicis de Framasoft, podètz emplegar la Frama version, Framabag aquí, o s’avètz la competéncias montar vòstra instància.

N’ai pas enquèra parlat mas, los articles son doncas enregistrats sus un servidor, doncas podètz enregistrar un article dempuèi vòstre ordinador e zo legir sus vòstre tauleta o telefòn mobil! Quicòm mai, se lo site d’ont avètz trapat l’article zo lèva o càmbia, vosautres auretz enquèra l’article coma èra al moment de lo metre dins vòstre Wallabag! Utilizi mon Wallabag amb aqueste objectiu de gardar d’articles suls tèma que m’agradan, lor atribuïssi d’etiquetas, aital pòdi gardar d’articles e los tornar sortir facilament.

 
Vòli mercejar la còla de desvolopaires de Wallabag que son totjorn estats plan simpatics e reactius tocant lo tèma de l’ajust d’una lenga, un grand mercés!

Jornalet es possible gràcias al sosten economic e jornalistic dels legeires e benevòls. Se podètz sosténer en venent sòci dels Amics de Jornalet o de l’associacion ADÒC, contribuiretz a far un mèdia mai independent e de melhora qualitat.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Quentin Tolosa
3.

#2 As rason, es la version 2 qu'ai presentat e qu'es disponibla en occitan.
Framabag es sonque en version 1 pel moment, son per far la migracion mas sembla qu'es mai complicat qu'o pensavan. Cal esperar o pòdes de l'installar s'as un servidor Web, s'as ja un site web teu o quicòm aital.
Te poirai ajudar se vòles.

  • 1
  • 0
Guilhèm Thomas Tolosa
2.

Adieu !

Soi fòrça interessat per aquesta applicacion. Me fa mestièr. Me soi inscrich sus https://framabag.org/ mas pensi qu'ai un problema ...
... pensi que me manda a la version 1 de Wallabag alara que çò que presentas es la version 2 (que m'interessa e que me sembla qu'es aquela qu'as revirat).

Poiriás, se seguisses totjorn aqueste article, balhar mai d'indicacions per arribar a çò qu'as revirat ?
La version 2 seriá pas sonque per las tabletas e los smartfònes ?

Mercés

  • 0
  • 0
Quentin Tolosa
1.

Un pichon apondon : son per dubrir un servici http://www.wallabag.it/
Es pel mond qu'an pas la competéncia de montar un servidor web mas que vòlon menar una velha del Web :) Lo qu'aiman legir, los qu'aiman gardar, los que ... per tot lo mond :)

  • 0
  • 0

Escriu un comentari sus aqueste article