Opinion
Verd intens
Era beutat dera natura lutz coma jamès en nòste País en començar era sason d’estiu.
Era serenitat deth blanc dera nhèu, damb era gamma des blanqui aranesi, a deishat fin finau pas ath verd, era gamma de verds aranesi, qu’ac aumplís tot, guardes a on guardes. Un verd intens qu’ac emberís tot.
Enguan a començat a terrenhar mès tard que d’auti ans. S'auéssem es bèsties ena bòrda coma alavetz, ja s’aurien acabat es bilhèstres e aurien remosigat enquia es garròts deth restilhèr.
Enguan qu’auem auut mès nhèu, mès ploja, mès aigua… sense demana’c. Ei vist q’era natura hè çò que li semble damb eth tempo e eth ritme que li semble, encara que nosati, testudi volgam hèr-la a virar cap a on volem. Per mès que tumegam, acabe per seguir eth son cicle. Es fenomens dera natura, lauegi, barrancades, inondacions, huecs, etc, vien tot soent a rebrembar-nos era petitesa des umans ath deuant dera fòrça dera natura.
Non podem hèr arren mès que respectar-la, gaudir-ne e sustot suenhar-la, non enlordir-la mès. Non cau reciclar mès, que non cau reciclar, çò que cau hèr ei dejà non generar-ne mès de lordera.
Enguan era Val, ei mès polida que jamès. Damb aqueth verd intens e toti es auti colors der arcolan que possen per tot, convide a gaudir-ne, a fotografiar-la e compartir-la enes hilats sociaus.
Non cau romar guaire pera Val tà trapar es milhores imatges. A cada pas pòs hèr clic e gahar un retalh de País, ua pereca de natura.
Justaments ena Associacion Es Paums volem profitar eth moment tà clicar e immortalizar en aguest estiu excepcionau es milhores imatges des nòsti paisatges.
Auem organizat eth Concors de Fotografia "Tiò, Natura e Cultura", que premiarà as milhors fotografíes que reflectissen er eslogan deth Concors.
Era competición començarà a prumèr de junhsèga e enquia miei agost se poderàn manar fotografies. Es cent milhors, trigades per votacion populara enes hilats formaràn part d’ua exposicion fotografica en Musèu Casa Joanchiquet de Vilamòs.
Fin finau ua jurada trigarà es dètz milhors, qu’auran prèmi.
Pensam que en tot júnher era aficion ara fotografia e eth potenciau de difusion des hilats sociaus podem descorbir e hèr a conéisher lòcs, paisatges e cornèrs encara amagadi deth nòste País.
Clica e participa.
Demanatz es bases per email.
Era serenitat deth blanc dera nhèu, damb era gamma des blanqui aranesi, a deishat fin finau pas ath verd, era gamma de verds aranesi, qu’ac aumplís tot, guardes a on guardes. Un verd intens qu’ac emberís tot.
Enguan a començat a terrenhar mès tard que d’auti ans. S'auéssem es bèsties ena bòrda coma alavetz, ja s’aurien acabat es bilhèstres e aurien remosigat enquia es garròts deth restilhèr.
Enguan qu’auem auut mès nhèu, mès ploja, mès aigua… sense demana’c. Ei vist q’era natura hè çò que li semble damb eth tempo e eth ritme que li semble, encara que nosati, testudi volgam hèr-la a virar cap a on volem. Per mès que tumegam, acabe per seguir eth son cicle. Es fenomens dera natura, lauegi, barrancades, inondacions, huecs, etc, vien tot soent a rebrembar-nos era petitesa des umans ath deuant dera fòrça dera natura.
Non podem hèr arren mès que respectar-la, gaudir-ne e sustot suenhar-la, non enlordir-la mès. Non cau reciclar mès, que non cau reciclar, çò que cau hèr ei dejà non generar-ne mès de lordera.
Enguan era Val, ei mès polida que jamès. Damb aqueth verd intens e toti es auti colors der arcolan que possen per tot, convide a gaudir-ne, a fotografiar-la e compartir-la enes hilats sociaus.
Non cau romar guaire pera Val tà trapar es milhores imatges. A cada pas pòs hèr clic e gahar un retalh de País, ua pereca de natura.
Justaments ena Associacion Es Paums volem profitar eth moment tà clicar e immortalizar en aguest estiu excepcionau es milhores imatges des nòsti paisatges.
Auem organizat eth Concors de Fotografia "Tiò, Natura e Cultura", que premiarà as milhors fotografíes que reflectissen er eslogan deth Concors.
Era competición començarà a prumèr de junhsèga e enquia miei agost se poderàn manar fotografies. Es cent milhors, trigades per votacion populara enes hilats formaràn part d’ua exposicion fotografica en Musèu Casa Joanchiquet de Vilamòs.
Fin finau ua jurada trigarà es dètz milhors, qu’auran prèmi.
Pensam que en tot júnher era aficion ara fotografia e eth potenciau de difusion des hilats sociaus podem descorbir e hèr a conéisher lòcs, paisatges e cornèrs encara amagadi deth nòste País.
Clica e participa.
Demanatz es bases per email.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari