Bandièra01 1180x150: País Invisible

Opinion

Libertat de consciéncia

Gèli Grande

Gèli Grande

Emplegat a La Pòsta, escriu de cronicas dins la revista Lo Lugarn. Es afogat de rugbi (subretot) de XV, de bona literatura e de bon cinemà quina que siaga la lenga.

Mai d’informacions
Dins mon país,
Ai lo dreit de creire en diu.
 
Dins mon país,
Ai lo dreit d’èsser espanhòl, francés o italian,
Es normal.
 
Dins mon país,
Ai lo dreit de donar d’aire de creire en diu.
 
Dins mon país,
Ai lo dreit de donar d’aire d’èsser espanhòl, francés o italian,
Tot va plan.
 
Dins mon país,
Ai lo dreit de creire pas en diu.
 
Dins mon país,
Ai lo dreit de dire que sèm pas espanhòls, franceses o italians,
Degun me pica pas dessús. Pas encara …
 
Dins mon país,
Diu o pas diu, ai lo dreit de me’n batre, de me’n cagar o de me’n fotre.
 
Dins mon país,
Ai lo dreit de dire que volèm pas èsser espanhòls, franceses o italians,
Me dison de falord.
 
Dins mon país,
Ai lo dreit de dire que volèm quitar d’èsser espanhòls, franceses o italians,
Me dison que se sèm pas contènts podèm anar viure endacòm mai.
 
Dins mon país,
Oc … upat a subreviure
 
 



abonar los amics de Jornalet

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Papioli
1.

Ai lo dreit, ai lo dreit...
Ai lo dreit d'escricre un libre per repertoriar tots los dreits de tots. Mas, me damanda si apres aver escrich daus kilometres de pajas, seria uros.
Ai lo dreit de creire en diu o pas mas qualas son las consequenças de creire o pas creire en diu?
Dempuei de las annadas, la religion o las religions nos disan qu'i a quauqu'a ren avant e apres la mòrt. E si quò es pas la religion l'òm parla d'esprit. Si creisam pas en diu, lo materialisme nos dich qu'i en a ren per esplicar nòstra vista sur terra. Alaidonc que fasam sur terra a cerchar un bonhur que jamai vendra?
Lo chassanh a lo dreit d'aver daus aglands e de los epandre dins mon prat. Mas, lo prat me fai mestier que siaja per far paisser de las bestias o per mon confòrt e creisa aver lo dreit de copar tots los petits chassanhs que frotjan sens m'aver damandat la permission.
Libertat de consciença? Avem nòstre libre arbitre que nos dich qu'avem lo dreit de far çò que l'òm vòl mas subretot d'en assumar las consequenças. Cueillarem çò qu'amasserem. È, lo grand jutge nos dira simplament " ses uros d'aver fach çò qu' as fach? Lo grand jutge es dins nòstra testa; es benleu nòstra consciença.
La consciença es belcòp mai complicada que çò que l'òm pensa!

  • 3
  • 1

Escriu un comentari sus aqueste article