Bandièra01 capçalera 1180x150: Botiga

Opinion

Democracia Europèa: I

Gerard Joan Barceló

Gerard Joan Barceló

Lingüista, professor agregat de gramatica e director de la revista electronica universitària Lingüistica Occitana. President de l'associacion Los amics de Jornalet

Mai d’informacions
Fasiá cinquanta ans que s'èra escrancada l'Union Europèa. Longassa èra estada son agonia: quora d'estats avián demandat de ne partir per jónher l'Empèri Transatlantic qu'espelissiá de Nòva Londres estant; quora, a l'èst e al sud, de regims totjorn que mai autoritaris avián levat tot crèdit a las valors democraticas proclamadas per escondre la Lei Fondamentala de la concurréncia liura e non falsada; quora, enfin, las crisis sanitàrias e ecologicas repetidas avián duradissament aflaquit la cooperacion dintre la confederacion d'estats independents, ja que cada país reagissiá a las catastròfas en desplegant mai de bandièras e mai de fòrças de polícia e d'armada. Davant la penúria de ressorsas, de cronicas revòltas popularas avián finit qu'avián deslugat non solament l'Union Europèa mas pereu bona part dels estats.

Mas anavan pas enluòc los conflictes murtrièrs entre los Senhors de la Guèrra que se disputavan las rèstas dels païses; maites se n'èran alassats, o los esglasiá d'èsser tombats per mai crusèl o enganaire qu'eles. Consultèron los Centres de Sapiéncia que s'èran clandestinament organizats per chifrar sul passat, servar lo saber e alestir l'avenidor. E se creèt en aquel an la Democracia Europèa.

[De seguir]

abonar los amics de Jornalet

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Alain Fabre
3.

A ieu me pareis que nos cal cambiar d'escala tre que parlem de democràcia. Maites monde e dels mai saberuts causisson de prene una escala mejana e de se plaçar al nivèl de la nacion.
Avèm jos los uèlhs maites exemples que nos pròvan qu'aquel patron es pas adaptat a la nòstra volontat democratica.
Parlem pas dels Estats "GIGANTS, Russia, USA, CHINA, BRASIL, etc que se creson en democràcia sens la conéisser.
Doncas la bona escala, lo bon panèl per se sarrar de quicòm que revertaria un pauc a una democracia ne cal pas èsser trop gormandas.
Per exemple vesèm plan que la talha de Soïssa e son partejament en cantons nòus fan pensar a una autra dimension physique que nos cal encara regardar lo nombre d'estatjants que permeton a la democratia de se s'exercir sens enganas. La conclusion partiela que podèm far es que la democracia necessita 2 dimensions incontournables : la susfàcia, la populacion.. A la condicion d'admettre que Soïssa se sarra mai que mai de la democracia sens dintrar dins lo top 10 que deu demorar un objectiu mobil e intocable per definicion. Doncas devèm dire :"pichòt es bèl". Notem que los responsables prechan per d, Estats grans e fòrça poblats. Question d'ego. Dins França se prenon totes(los ELEGITS) per de gals. tanben aquel elegit es nomenat ambe una mission. Coma dins la Grècia antica nomena dès conselhièrs que donan a l'elegit des éléments de causida. Per exemple prenèm la causida entre melhorar l'escòla o bastir una estatua al caireforc de l'ostal de la comuna. Consí causir? Avets ja causit un còp? Non jamai causiretz. Aquò's aital

  • 1
  • 0
Black Blòc Joe
2.

#1 A l'escala d'un estat ja, la democracia es un problèma. Foncciona plan mièlhs a l'escala d'una ciutat o d'una ZAD. Mas çò que foncciona fòrt plan a l'escala dita "transnacionala", es lo neoliberalisme e la man implacabla (dictatoriala, donc) dels mercats. E per aquesta, cal una responsa internacionala… Se que non "democratica", al mens "antidictatoriala", antiliberala, qué. Quicòm qu'obliga, mercés als pòbles, los mercats a servir los pòbles, mai que de se servir d'eles. L'autor, aicí, assaja d'i soscar. S'ès plan mai finòt qu'el, prepausas…

  • 3
  • 1
Papioli
1.

Voles una democracia europenna? Alaidonc que jamai avem polgut establir una democracia françesa, enguera mens occitana o regionala, ni una democracia economica, filosofica, religiosa, scientifica, familhala, financiera o autra... La democracia vendra e se fara emben una autra tecnologia e una autra utilisacion de la tecnica e dau saber. Sera pas europenna mas internacionala e aqui aurem lo dreit de parlar. La democracia commença per un trabalh sur se.

La paraula d'un occitan de la talvera dau nòrd de l'Occitania entra dins lo còr de tots los occitan(a)s e occitaniste(a)s; aitau pòrta lo nom de Lemosin.

  • 1
  • 0

Escriu un comentari sus aqueste article